فودافون سرقت رقمي وباعته لعميل اخر وهو في موبايلي

**artyboy** · 27-12-2010 03:20 PM

نفس الموضوع حصل معايا و كان خط قديم أوى من أيام ما كانت كليك بس الخط كنت شايلة وكل شهر بطلعه أعمل مكالمة علشان ما يتوقفش فا فى مره جيت أشغله لقيته مش لاقط شبكة فا أتصلت بيهم من على موبايل تانى قالولى الخط ده مأستعملش لمده ٣ شهور أتجننت أزاى يعنى ؟؟؟؟؟؟ قالى يافندم والله ده إللى موجود على السيستم عندى ممكن تقدم شكوى قالتلة (لا وليه شكوى أنا كده أو كده ما كنت هرميه لأنى جبت خط أتصلات وبصراحه مرتاح معاهم شركة محترمة و هنصح كل اللى أعرفهم يعملوا كده) بعدها بفترة واحد صاحبى قالى أنهم بيعملوا الحركة دى مع الأرقام المميزة ما بيصبوروش عليها لما تكمل شهر يقطعوا عنها الخدمة والمشكلة فى الموضوع ده أن هما إللى بيتحكموا فى الموضوع ده يعنى لو أشتكيت ممكن يتلاعبوا فى التواريخ ويخلوا الخط فعلا بقاله ٣ أشهر ما بيشتغلش

**A.Saad** · 27-12-2010 03:45 PM

ابعت لى رقمك على الخاص كدة او كلمنى
0143481717

**amir** · 27-12-2010 05:48 PM

المشاركة الأصلية كتبت بواسطة zidaneelwaly

انا كنت بشتغل في موبينيل لغايه شهر 9 الماضي
كان شغلي corbrate اتفرج علي المهازل لما تيجي تروح شركه عشان تشوف مشاكلها الناس تشتم و تلعن و انا طبعا مبتكلمشي
و ألي يشغل خطه اول شهر و بدل ما يبقا كارت يلافيه خط
و أللي الخط مبيفصلشي عند ليميت الرصيد

اه ده اللي كنت خايف منه فعلا

ملكش حد جوه الشركه يكشف علي خطي بخصوص الحاجات دي لان في فواتير جتلي غير طبيعيه مقارنه بالاستهلاك الطبيعي بتاعي و غالبا انا شاكك انها ناتجه عن عدم احتساب و خصم قيمه المكالمات المجانيه للارقام المميزه ( ستار بيرميوم 400 )

**MISS_MONA** · 27-12-2010 05:54 PM

دة انا كنت بقول ان فودافون احسن شركة
دلوقتى مش لاقية حاجة اقولها

**amir** · 27-12-2010 06:00 PM

المشاركة الأصلية كتبت بواسطة alhaytham

اولا الله يعينك
المقف دا جربيته ومقرف بجد
ثانيا الكوظفين بتوع فودافون مصر الله ينور عليهم فله بجد
ثالثا حماية المستهلك والناس دي
ناس زي العسل هيقولوا حل المشكله ودي مع الشركة او روح المحكمة ماعندهمش حل
رابعا وهو المهم
خش على موقع فودافون بتاع انجلترا وشوف الإيميلات الموجوده وابعت الشكوى عربي وانجليزي وركز على الشكوى ان المشكلة مش الخط وبس المشكلة في الأضرار والمشاكل اللي بتحصلك بسبب الموقف دا والأضرار المادية والمعنويه
عن تجربه
مع موظفين مصر يومين لفيفوني حوالين نفسي
مع الشركة الأم بعت الإيميل الظهر اتصل بي واحد العصر من مصر وبيقولي تحت أمرك
المشكلة انا فاكر ايميل واحد
info@vodafone.com

10\10 و تفكير سليم

ساعات كتير اداره الفول و الطعميه بتدمر سمعه ناس لا يعرفو الهرج و الاستهبال في الشغل

و الناس دي مش بتتهاون في شغلها

الشغل شغل

business is business

**alhaytham** · 28-12-2010 10:33 AM

اللينك دا من الموقع الإنجليزي
https://help.vodafone.co.uk/system/s...PARTITION_ID=1
وجرب الايميل التاني اللي انا كتبته
بدور والله على الإيميلات مش لاقيهم

**Dojuar** · 28-12-2010 10:43 AM

كل الشركات عندهم النوعية ديه من المشاكل

و هما عارفين انو مش من مصلحتهم استعداء اي عميل

حقك هايجيلك ان شاء الله بس ركز على طرق اخرى غير خدمة العملاء

ومهم برضو تتأكد ان اللي تسبب في الدوخة أخد جزائه او تطالب بتعويض