فودافون سرقت رقمي وباعته لعميل اخر وهو في موبايلي

اخلت فودافون بالتعاقد القانوني ( عقد فودافون الخط) وكان التعاقد من سنه 2005 وحتي تاريخ الساعه ورغم ذلك
ضربت عرض الحائط بما اتفقت عليه من احترام خصوصيتي حيث قامت بقطع خدمه الارسال والاستقبال عن
الخط يوم 20\10\2010 ظهرا دون وجود اي اسباب او مستحقات ماليه علي الخط وتم دفع اخر فاتوره مستحقه يوم 16\12\2010
وقامت شركه فودافون ببيع الخط لشخص اخر في نفس يوم قطع الخدمه وهو الان يستقبل مكالمتي الخاصه ويحاول النصب بأسمي من الناس إل بتتصل بيه من تحويل مبالغ بأسمه لاني عامل حادثه ومش بعرف ارد علي الموبايل وفودافون بتساعده

وحتي الان لم اجد اي موقف ايجابي من شركه فودافون في شركه في العالم تعمل كده
وده رابط المشكله بالتفصيل علي جروب فودافون بالفيس بوك وان شاء الله مش هسيب حقي
‫ط§ظ„ط®ط· ظ…ظ‚ط·ظˆط¹ ظˆط¨ط¯ظˆظ† ط³ط¨ط¨ ظ…ط¹ط±ظˆظپ ط¹ط§ظˆط² ط.ظ‚ظٹ ظ…ظ† ظپظˆط¯ط§ظپظˆظ† | Facebook‬

حصلت مع صاحبي كل لما اتصل بيه الاقي واحد تاني بيتصل راح قدم شكوي في شركه فودافون ورجعو الخط تاني بيقلو كان حصل حاجه في السيرفر

فودافون دي تيتتتتتتتتت
عملتها معايا في خط كنت جايبه من أيام ماكان الخط بــ 350 جنيه..وبصورة البطاقة
وكان بإسمي
قفلته شهر
وجيت أفتحه..لقيته إتسحب
روحت الشركة..قالولي الخط إتوقف وراح الشركة..لو عاوز ..هنديهولك خط ..مش كارت
بلطجة يعني

وبردة حصلت معايا السنة اللى فاتت والرد كان ان الهيئة العامة لتنظيم الاتصالات طلبت وقف الخط ..كان خطى من 7سنين ولاد &*)(*^....%

عليك و على المرفق القومي لتنظيم الاتصالات هما الوحيدين اللي "ممكن" يساعدوك

اقتباس:

---

المشاركة الأصلية كتبت بواسطة adel1414

وبردة حصلت معايا السنة اللى فاتت والرد كان ان الهيئة العامة لتنظيم الاتصالات طلبت وقف الخط ..كان خطى من 7سنين ولاد &*)(*^....%

---

ده بمناسبة إيه ان شاء الله ؟

انت كنت مزعل حد عندهم ؟

ثمه الهمال والا مبالاه المنتشره بين كل الناس انتقلت للشركات اللى المفروض انها محترمه بسبب العاملين فيها العيب مننا والله ياجماعه
لو كل واحد اخلص فى عمله واتقى الله فيه هنبقى حاجه كويسه وهيتغير حالنا لكن طول محنا كدا يبقى نستاهل كل اللى يجرالنا

اقتباس:

---

المشاركة الأصلية كتبت بواسطة pro_samir

ده بمناسبة إيه ان شاء الله ؟

انت كنت مزعل حد عندهم ؟

---

والله فجاه,,,,اتكلمت مكالمة وبعد شوية مفيش شبكة ولا بيتصل المهم كلمتهم يقولى الخط موقوف والمرفق العام لتنظيم الاتصالات طلب وقف الخط قولتله وقفوه لييه قالى احنا ملناش دعوة هما اللى مسئولين عن تنظيم الاتصالات فى مصر عن ال3شبكات المهم كلمت الهيئة قالى ابعت طلب على رقم فاكس كدة اداهولى يفيد بانك عاوز تشغل الخط تانى وعليها..المشكله ان الخط متسجل وكان شغال 7 سنين كدة ..فربنا لوحدة اعلم باللى حصل دة

اقتباس:

---

المشاركة الأصلية كتبت بواسطة am79

اخلت فودافون بالتعاقد القانوني ( عقد فودافون الخط) وكان التعاقد من سنه 2005 وحتي تاريخ الساعه ورغم ذلك
ضربت عرض الحائط بما اتفقت عليه من احترام خصوصيتي حيث قامت بقطع خدمه الارسال والاستقبال عن
الخط يوم 20\10\2010 ظهرا دون وجود اي اسباب او مستحقات ماليه علي الخط وتم دفع اخر فاتوره مستحقه يوم 16\12\2010
وقامت شركه فودافون ببيع الخط لشخص اخر في نفس يوم قطع الخدمه وهو الان يستقبل مكالمتي الخاصه ويحاول النصب بأسمي من الناس إل بتتصل بيه من تحويل مبالغ بأسمه لاني عامل حادثه ومش بعرف ارد علي الموبايل وفودافون بتساعده

وحتي الان لم اجد اي موقف ايجابي من شركه فودافون في شركه في العالم تعمل كده
وده رابط المشكله بالتفصيل علي جروب فودافون بالفيس بوك وان شاء الله مش هسيب حقي
‫ط§ظ„ط®ط· ظ…ظ‚ط·ظˆط¹ ظˆط¨ط¯ظˆظ† ط³ط¨ط¨ ظ…ط¹ط±ظˆظپ ط¹ط§ظˆط² ط.ظ‚ظٹ ظ…ظ† ظپظˆط¯ط§ظپظˆظ† | Facebook‬

---

المشكلة دي حصلت مع صديق وفضل يومين يكلم بتوع خدمة العملاء ومفيش نتيجة في الآخر بعت ايميل بتفاصيل المشكلة على العنوان ده:
all@vodafone.com.eg
الأيميل ده تقريبا بيوصل للشركة كلها بما فيهم الإدارة العليا في خلال ساعتين كانوا هما اللي بيجروا وراه علشان يحلوا له المشكلة وفعلا رجعوا له الخط بتاعه في نفس اليوم .... جرب تعمل كده وإن شاء الله هتوصل لنتيجة كويسة.

حصل معايا الأتى من فودافون برده

خطى شاريه من 2004

ومن كام يوم لقيت الخط مش شغال اتصلت بيهم من خط تانى قالى ان الرقم ده جديد ولازم يتفعل

قولتله جديد مين ده من 6 سنين قالى قدامى على السيستم جديد قولتله سيستمكوا بايظ

انا شارى الخط ده من 2004 ياعم انت وبعد رغى كتير مازال مقتنع ان الخط جديد وانا بقول كلام فى الهوا

رحت تانى يوم الفرع ومعايا العلبة والعقد لقيت واد بارد قاعد وبيقولى اه فعلا ده الخط جديد :I_angr1[1]:

قولتله امال العلبة والعقد دول عاملهم على ايدى قاالى اااااااااااه يبقى أكيد حضرتك معملتش مكالمة او بعت رسالة لفترة 3 شهور

قولتله معرفش ممكن وحتى لو ده حصل ازاى توقفوا الخط من غير اى رسالة تبلغونى بيها

قالى هو كده يافندم الخط رجع لملكية الشركة وهينزل مبيعات تانى قولتله طيب هشتريه هااااااا؟

قالى ده خارج صلاحياتى ومقدرش افيدك وكلم خدمة العملاء وممكن توصل معاهم لحل

بالذمة دى شركة محترمة؟؟؟؟

انا عارف انى غلطان اصل انا عامل الخط ده استقبال ومشغل خط تانى وبعمل منه كل مكالماتى

ومكنش فى دماغى الحكايات دى بس على الأقل كان يبعتوا اى رسايل تبليغ. هما بس فالحين يبعتوا الأعلانات بتاعتهم بسسسس !!!!!!! :I_angr1[1]:

الحل اللى توصلتلوا انى هستنى لما يتباع واكلم اللى هيشترى الخط واحاول اقنعه انه بتاعى من 2004 وأشوف :11:

ولو حد عنده حل مع الشركة دى يقولى ويبقى جزاه الله خير

اقتباس:

---

المشاركة الأصلية كتبت بواسطة mido51eg

المشكلة دي حصلت مع صديق وفضل يومين يكلم بتوع خدمة العملاء ومفيش نتيجة في الآخر بعت ايميل بتفاصيل المشكلة على العنوان ده:
all@vodafone.com.eg
الأيميل ده تقريبا بيوصل للشركة كلها بما فيهم الإدارة العليا في خلال ساعتين كانوا هما اللي بيجروا وراه علشان يحلوا له المشكلة وفعلا رجعوا له الخط بتاعه في نفس اليوم .... جرب تعمل كده وإن شاء الله هتوصل لنتيجة كويسة.

---

أنا هجرب ابعت ميل وأشوف وشكرا ليك

نفس الموضوع حصل معايا و كان خط قديم أوى من أيام ما كانت كليك بس الخط كنت شايلة وكل شهر بطلعه أعمل مكالمة علشان ما يتوقفش فا فى مره جيت أشغله لقيته مش لاقط شبكة فا أتصلت بيهم من على موبايل تانى قالولى الخط ده مأستعملش لمده ٣ شهور أتجننت أزاى يعنى ؟؟؟؟؟؟ قالى يافندم والله ده إللى موجود على السيستم عندى ممكن تقدم شكوى قالتلة (لا وليه شكوى أنا كده أو كده ما كنت هرميه لأنى جبت خط أتصلات وبصراحه مرتاح معاهم شركة محترمة و هنصح كل اللى أعرفهم يعملوا كده) بعدها بفترة واحد صاحبى قالى أنهم بيعملوا الحركة دى مع الأرقام المميزة ما بيصبوروش عليها لما تكمل شهر يقطعوا عنها الخدمة والمشكلة فى الموضوع ده أن هما إللى بيتحكموا فى الموضوع ده يعنى لو أشتكيت ممكن يتلاعبوا فى التواريخ ويخلوا الخط فعلا بقاله ٣ أشهر ما بيشتغلش

ابعت لى رقمك على الخاص كدة او كلمنى
0143481717

انا كنت بشتغل في موبينيل لغايه شهر 9 الماضي
كان شغلي corbrate اتفرج علي المهازل لما تيجي تروح شركه عشان تشوف مشاكلها الناس تشتم و تلعن و انا طبعا مبتكلمشي
و ألي يشغل خطه اول شهر و بدل ما يبقا كارت يلافيه خط
و أللي الخط مبيفصلشي عند ليميت الرصيد

اقتباس:

---

المشاركة الأصلية كتبت بواسطة zidaneelwaly

انا كنت بشتغل في موبينيل لغايه شهر 9 الماضي
كان شغلي corbrate اتفرج علي المهازل لما تيجي تروح شركه عشان تشوف مشاكلها الناس تشتم و تلعن و انا طبعا مبتكلمشي
و ألي يشغل خطه اول شهر و بدل ما يبقا كارت يلافيه خط
و أللي الخط مبيفصلشي عند ليميت الرصيد

---

اه ده اللي كنت خايف منه فعلا

ملكش حد جوه الشركه يكشف علي خطي بخصوص الحاجات دي لان في فواتير جتلي غير طبيعيه مقارنه بالاستهلاك الطبيعي بتاعي و غالبا انا شاكك انها ناتجه عن عدم احتساب و خصم قيمه المكالمات المجانيه للارقام المميزه ( ستار بيرميوم 400 )

اولا الله يعينك
المقف دا جربيته ومقرف بجد
ثانيا الكوظفين بتوع فودافون مصر الله ينور عليهم فله بجد
ثالثا حماية المستهلك والناس دي
ناس زي العسل هيقولوا حل المشكله ودي مع الشركة او روح المحكمة ماعندهمش حل
رابعا وهو المهم
خش على موقع فودافون بتاع انجلترا وشوف الإيميلات الموجوده وابعت الشكوى عربي وانجليزي وركز على الشكوى ان المشكلة مش الخط وبس المشكلة في الأضرار والمشاكل اللي بتحصلك بسبب الموقف دا والأضرار المادية والمعنويه
عن تجربه
مع موظفين مصر يومين لفيفوني حوالين نفسي
مع الشركة الأم بعت الإيميل الظهر اتصل بي واحد العصر من مصر وبيقولي تحت أمرك
المشكلة انا فاكر ايميل واحد
info@vodafone.com

:N_no[1]::N_no[1]::N_no[1]:
دة انا كنت بقول ان فودافون احسن شركة
دلوقتى مش لاقية حاجة اقولها

اقتباس:

---

المشاركة الأصلية كتبت بواسطة alhaytham

اولا الله يعينك
المقف دا جربيته ومقرف بجد
ثانيا الكوظفين بتوع فودافون مصر الله ينور عليهم فله بجد
ثالثا حماية المستهلك والناس دي
ناس زي العسل هيقولوا حل المشكله ودي مع الشركة او روح المحكمة ماعندهمش حل
رابعا وهو المهم
خش على موقع فودافون بتاع انجلترا وشوف الإيميلات الموجوده وابعت الشكوى عربي وانجليزي وركز على الشكوى ان المشكلة مش الخط وبس المشكلة في الأضرار والمشاكل اللي بتحصلك بسبب الموقف دا والأضرار المادية والمعنويه
عن تجربه
مع موظفين مصر يومين لفيفوني حوالين نفسي
مع الشركة الأم بعت الإيميل الظهر اتصل بي واحد العصر من مصر وبيقولي تحت أمرك
المشكلة انا فاكر ايميل واحد
info@vodafone.com

---

10\10 و تفكير سليم

ساعات كتير اداره الفول و الطعميه بتدمر سمعه ناس لا يعرفو الهرج و الاستهبال في الشغل

و الناس دي مش بتتهاون في شغلها

الشغل شغل

business is business

اقتباس:

---

المشاركة الأصلية كتبت بواسطة alhaytham

اولا الله يعينك
المقف دا جربيته ومقرف بجد
ثانيا الكوظفين بتوع فودافون مصر الله ينور عليهم فله بجد
ثالثا حماية المستهلك والناس دي
ناس زي العسل هيقولوا حل المشكله ودي مع الشركة او روح المحكمة ماعندهمش حل
رابعا وهو المهم
خش على موقع فودافون بتاع انجلترا وشوف الإيميلات الموجوده وابعت الشكوى عربي وانجليزي وركز على الشكوى ان المشكلة مش الخط وبس المشكلة في الأضرار والمشاكل اللي بتحصلك بسبب الموقف دا والأضرار المادية والمعنويه
عن تجربه
مع موظفين مصر يومين لفيفوني حوالين نفسي
مع الشركة الأم بعت الإيميل الظهر اتصل بي واحد العصر من مصر وبيقولي تحت أمرك
المشكلة انا فاكر ايميل واحد
info@vodafone.com

---

ياريت لو حد عنده اي ايميل لحد من الناس الكبيره في الشركه اقدر ارسلهم مشكلتي بالايميل وياريت ايميل الشركه الام علاشان ارسل مشكلتي عليه
وياريت اخواني في نايل موتورز يدعموني برأيهم معي في مشكلتي علي الرابط بتاع الجروب بتاع فودافون
‫ط§ظ„ط®ط· ظ…ظ‚ط·ظˆط¹ ظˆط¨ط¯ظˆظ† ط³ط¨ط¨ ظ…ط¹ط±ظˆظپ ط¹ط§ظˆط² ط.ظ‚ظٹ ظ…ظ† ظپظˆط¯ط§ظپظˆظ† | Facebook‬

اللينك دا من الموقع الإنجليزي
https://help.vodafone.co.uk/system/s...PARTITION_ID=1
وجرب الايميل التاني اللي انا كتبته
بدور والله على الإيميلات مش لاقيهم

كل الشركات عندهم النوعية ديه من المشاكل

و هما عارفين انو مش من مصلحتهم استعداء اي عميل

حقك هايجيلك ان شاء الله بس ركز على طرق اخرى غير خدمة العملاء

ومهم برضو تتأكد ان اللي تسبب في الدوخة أخد جزائه او تطالب بتعويض

هو اللى اعرف لو الخط قعد 3 شهور متكلمتش منه ولا اتبعت رسائل بيتقفل بس لو اتصلت بخدمة العملاء بيرجعوه تانى
موضوع مرفق الاتصالات هو طالب م ن كل واحد يبقى الخط مسجل باسمه برقم البطاقة واللى مبيكملش بياناته بيقفلوله الخط وده على كل الشركات
فلو حضرتك قافل الموبيل اكيد حيبعتولك رسالة علشان تبعتلهم رقم البطاقة ولو مبعتهاش الخط حيتقفل

اقتباس:

---

المشاركة الأصلية كتبت بواسطة ahmed4000

هو اللى اعرف لو الخط قعد 3 شهور متكلمتش منه ولا اتبعت رسائل بيتقفل بس لو اتصلت بخدمة العملاء بيرجعوه تانى

---

ممكن حضرتك تقولى بيرجعوه تانى ازاى؟

اقتباس:

---

المشاركة الأصلية كتبت بواسطة m7amd_7amdy

ممكن حضرتك تقولى بيرجعوه تانى ازاى؟

---

لما حصلت معايا كلمت خدمة العملاء ورجعوه واحنا على الخط وقالى لازم تتكلم منه او تبعت مسيج كل 3 شهور

اقتباس:

---

المشاركة الأصلية كتبت بواسطة ahmed4000

لما حصلت معايا كلمت خدمة العملاء ورجعوه واحنا على الخط وقالى لازم تتكلم منه او تبعت مسيج كل 3 شهور

---

ازاى وانت على الخط وهو موقوف؟

أصل حصل معايا كده وكاتب اللى حصلى فى مشاركة هنا ممكن تقرأ المشاركة رقم 10؟

اقتباس:

---

المشاركة الأصلية كتبت بواسطة m7amd_7amdy

ازاى وانت على الخط وهو موقوف؟

أصل حصل معايا كده وكاتب اللى حصلى فى مشاركة هنا ممكن تقرأ المشاركة رقم 10؟

---

لا اتكلمت من خط تانى ورجعهولى علطول
لكن زى مبقول لحضرتك بتبقى فى اسباب تانية متعلقة بمرفق الاتصالات زى انك مش مسجل رقم بطاقتك فى بيانتهم (ممكن تكون شريه بعقد رسمى لكنه مش متسجل على بياناتهم) فعلشان كده جهاز الاتصالات بيجبرهم انهم يقفلوا الخط مدام حضرتك مبعتش رقم بطاقتك

اقتباس:

---

المشاركة الأصلية كتبت بواسطة ahmed4000

لا اتكلمت من خط تانى ورجعهولى علطول
لكن زى مبقول لحضرتك بتبقى فى اسباب تانية متعلقة بمرفق الاتصالات زى انك مش مسجل رقم بطاقتك فى بيانتهم (ممكن تكون شريه بعقد رسمى لكنه مش متسجل على بياناتهم) فعلشان كده جهاز الاتصالات بيجبرهم انهم يقفلوا الخط مدام حضرتك مبعتش رقم بطاقتك

---

طب مهو بياناتى موجودة عندهم وبطاقتى وكل شيىء

وعلى ما أفتكر يوم ما أشتريته كان خد بطاقتى وصورها وسجل كل حاجة !!!!

اقتباس:

---

المشاركة الأصلية كتبت بواسطة m7amd_7amdy

طب مهو بياناتى موجودة عندهم وبطاقتى وكل شيىء

وعلى ما أفتكر يوم ما أشتريته كان خد بطاقتى وصورها وسجل كل حاجة !!!!

---

عن تجربة والدى اشترى خط ومتسجل وكل حاجة لقينا رسالة جاية دخل رقم البطاقة والا حيتقفل الخط لان مش لازم البياع يكون دخلها
انا نفسى شارى الخط من عشر سنين ومسجله ولقيت مكالمة منهم علشان بياناتك مش متسجلة

ده قرار من مرفق الاتصالات علشان يواجه الخطوط الوهمية اللى بدون بيانات

برده الله اعلم ده سبب الايقاف ولا لا بس انا بقول احد الحاجات اللى حصلت

انا وقفولى خط ومكنش كملت شهر حتى المفروض 3 اشهر

حصلت معايا من شهر بالظبط ولما باتصل بالرقم الاقى واحد بيرد عليا ويحلفلى انه لسه شاريه من يومين

اقتباس:

---

المشاركة الأصلية كتبت بواسطة ahmed4000

عن تجربة والدى اشترى خط ومتسجل وكل حاجة لقينا رسالة جاية دخل رقم البطاقة والا حيتقفل الخط لان مش لازم البياع يكون دخلها
انا نفسى شارى الخط من عشر سنين ومسجله ولقيت مكالمة منهم علشان بياناتك مش متسجلة

ده قرار من مرفق الاتصالات علشان يواجه الخطوط الوهمية اللى بدون بيانات

برده الله اعلم ده سبب الايقاف ولا لا بس انا بقول احد الحاجات اللى حصلت

---

شكرا ياباشا على تعبك

واتصلت بيهم تانى وبرده لاحياة لمن تنادى وكل بياناتى موجودة ومتسجلة عندهم انا متأكد وهو أكدلى كمان

وبمنتهى البرود بيقولى كده الخط مش بتاعك يافندم وهينزل يتباع تانى

اقتباس:

---

المشاركة الأصلية كتبت بواسطة ahmed4000

هو اللى اعرف لو الخط قعد 3 شهور متكلمتش منه ولا اتبعت رسائل بيتقفل بس لو اتصلت بخدمة العملاء بيرجعوه تانى
موضوع مرفق الاتصالات هو طالب م ن كل واحد يبقى الخط مسجل باسمه برقم البطاقة واللى مبيكملش بياناته بيقفلوله الخط وده على كل الشركات
فلو حضرتك قافل الموبيل اكيد حيبعتولك رسالة علشان تبعتلهم رقم البطاقة ولو مبعتهاش الخط حيتقفل

---

يا استاذي الموضوع مش موضوع رقم بطاقه الخط مسجل بأسمي وبرقم البطاقه وبعدين الخط فاتورة يعني لازم يكون بأسمي ولازم كل شهر ادفع فاتورة يعني مش رقم بشغله لما احب ده شغال معايه دايما
الموضوع موضح علي الرابط بالفيس بوك في الرابط ده والحكايه كلها انها غلطه من عندهم وهما أسفين وكل سنه وانت طيب

‫ط§ظ„ط®ط· ظ…ظ‚ط·ظˆط¹ ظˆط¨ط¯ظˆظ† ط³ط¨ط¨ ظ…ط¹ط±ظˆظپ ط¹ط§ظˆط² ط.ظ‚ظٹ ظ…ظ† ظپظˆط¯ط§ظپظˆظ† | Facebook‬

ياريت يا جماعه لو حد يعرف ايميلات اي حد من المسؤلين واصحاب القرار بشركه فودافون

الله دة مهرجان بئى من شركات الاتصالات ,, طيب دة الموقف دة حصل برضو مع موبيل كنت مشتريه لاخويا ,, متسجل بأسمى ومعايا قعد ( الشركة اتصالات المرة دى ) وبعد فترة مكملتش اسبوعين تقربيا او اقل اتوقف الخط نكلمهم مفيش مشكله انتوا الخط دة مش بتاعكم وخالى كلمهم ولا حياة لمن تنادى ,,,
وفى مرة وهوا بيكلمهم بيقول للي بيكلمه من خدمه العملاء طيب انا كنت شاحن الرصيد ب 10000 جنيه قالو لا حضرتك الكلام دة محصلش ,,و قالو وانت عرفت منين ,, قالو مستجل قدامى ,, طيب منين انت بتقول ان الخط مش بتاعنا ومنين عرفت ان الكلام دة محصلش وبالسلامة الخط مرجعش

يا جماعة لازم تفرقوا بين مشكلة صاحب الموضوع و مشاكلكوا اللى واضح ان معظمها بسبب عدم العلم بقواعد الشركات دى
اللى اعرفه ان فودافون لازم 3 مكالمات كل 3 شهور او 3 sms مش مكالمة واحدة اما اتصالات و موبينيل واحدة بس دا اللى انا اعرفه مش متاكد الكلام دا لسه لحد النهردة و لا فودافون بقت مكالمة واحدة زيهم, لو لازم 3 فعلا يبقى اللى خطه اتوقف ملوش حق و على فكرة كتير من اللى بيكتبوا هنا دى مشكلتهم و خطهم اتسحب للسبب دا بس اساسا الخط مش بيق فجاة بيخش سماح و فترة بعد السماح ممكن يرجعوا فيها الخط

مشكلة صاحب الموضوع مختلفة تماما , صاحب الموضوع خطه فاتورة!! و بيدفع الفاتورة علطول و الخط اتسحب منه و هو بيستخدمه منغير سماح و لا اى حاجة و دى مصيبة و رجعوله الخط بتعويض 25 جنيه رصيد و دى مصيبة اكبر و مفروض متسكتش حضرتك على الكلام دا و تهددهم بفضيحة كبيرة لان دا تهريج!!!!!

اقتباس:

---

المشاركة الأصلية كتبت بواسطة am79

ياريت يا جماعه لو حد يعرف ايميلات اي حد من المسؤلين واصحاب القرار بشركه فودافون

---

معليش في الخروج عن الموضوع .. بس فكرتني بموقف اصحابي عملوه في واحد معرفه غلبان شويه

واحد منهم غير صوته واتصل بيه قاله حضرتك فلان الفلاني ؟ أيوا يافندم .. بتشتغل في كذا و مش عارف مين قريبك و والدك .. أيوا يافندم

ألف مبروك حضرتك كسبت معانا 20 ألف جنيه .. الف شكر ربنا يخليكم انتو ناس محترمه شكرا شكرا ، مين حضرتك بقي علشان ادعيلك ؟ قاله انا فودو بيه صاحب شركة فودافون ههههههههه

المصيبه انه فضل مصدق برضو للأخر

اقتباس:

---

المشاركة الأصلية كتبت بواسطة som3aa

مشكلة صاحب الموضوع مختلفة تماما , صاحب الموضوع خطه فاتورة!! و بيدفع الفاتورة علطول و الخط اتسحب منه و هو بيستخدمه منغير سماح و لا اى حاجة و دى مصيبة و رجعوله الخط بتعويض 25 جنيه رصيد و دى مصيبة اكبر و مفروض متسكتش حضرتك على الكلام دا و تهددهم بفضيحة كبيرة لان دا تهريج!!!!!

---

هي دي فعلا الخيبه لان لما حد كان يرض عليه من بهدله الهملاء بتاعت فودافون يقولي ازاي انا مش متخيل انا مش مصدق
هو اتا بحكي علي فيلم هندي عندكم في السيستم يقلي طيب احنا هخلي الاستاذ المسئول عن الشكوي يتصل بحضرتك
واقلب يا معلم
ياريت يا جماعه انا عاوز اوصل الشكوي دي للناس المسئوله بالشركه لانه تهريج وخدمه عملاء تعيسه ومعتقدش ان الاداره بتعتهم هتقبل الشكل ده

طيب انت عملت ايه لغاية دلوقتى مع حماية المستهلك

بما ان معاك اخر فواتير تم سدادها ومعاك الشريحة لسه واكيد معاك عقد الخط و العلبة

اعتقد دى الناس اللى فعلا هتجيب لك حقك وتعويض كمان

ربنا يعينك على حالك انا مش متخيل نفسى فى الموقف ده ممكن اعمل معاهم ايه


تعديل : انا لسه واخد بالى ان الموضوع خلص لإنى كنت بطلت اتابعه على الفيس بوك

معلش ياشباب لازم نقف جنب فودافون عشان تقدر تجمع لعادل امام ال 4 مليون دولار.

تعاطفك لوحده مش كفاية. تبرع ولو بدولار

معلش نسيت اضيف حاجة فالمشاركة الاولي:

متتعبش نفسك ومتفكرش كتير : لانك من حاملي فودافون اذن انت تحت قبضتنا يعني من الاخررررررررر هتتبرع هتتبرع

اقتباس:

---

المشاركة الأصلية كتبت بواسطة ahmed nouh

تعديل : انا لسه واخد بالى ان الموضوع خلص لإنى كنت بطلت اتابعه على الفيس بوك

---

هو الموضوع ممكن يكون خلص عندهم أما بالنسبه لي لسه مخلصش لاني بجد عشت من يوم 20\12\2010 إلي يوم 27\12\2010 حاله من حرق الدم والاعصاب في ان الخط مع واحد غيري بيستلم مكالماتي والحاجه التانيه مع 888 إل هي اسمها بهدله العملاء حاجه مقرفه جدا

اقتباس:

---

المشاركة الأصلية كتبت بواسطة mr_vampire

معلش ياشباب لازم نقف جنب فودافون عشان تقدر تجمع لعادل امام ال 4 مليون دولار.

تعاطفك لوحده مش كفاية. تبرع ولو بدولار

معلش نسيت اضيف حاجة فالمشاركة الاولي:

متتعبش نفسك ومتفكرش كتير : لانك من حاملي فودافون اذن انت تحت قبضتنا يعني من الاخررررررررر هتتبرع هتتبرع

---

طيب بدل ما يصرفوا كل ده علي الدعايه إل توجع الرأس يروحوا يصلحوا السيستم بتاعهم الاول
بدل ما يردوا عليلك بكل برود بنعتذر لحضرتك اصلها مشكله بالسيستم

مفيش جديد يا رجاله محدش عارف يساعدنا ويوصلنا لاي ايميلات