تقرير صيانة الاف كيلو
اتصلت ب 19542 وحجزت ميعاد بعد اسبوع فى روكسى 9 صباحا
( غالبا الكوول سنتر بيبقى مشغول طول النهار وهو شغال 24 ساعة واللى عايز يحجز بسرعة يتصل الصبح بدرى او بالليل متأخر )
كنت فى التوكيل الساعة 9:15 كان فيه صف طويل يدوبك دخلت من البوابة وانتظرت لحد ما المهندس مصطفى قابلنى وسألنى على رقم الحجز
- مع ان الامن سألنى وكمان المفروض يكون عندهم الحجز مش كل شوية واحد يسأل -
كان معاه جهاز كمبيوتر فى ايده استلم منى العربية وطبع لى ورقة شكلها حلو مكتوب فيها بيانات السيارة واللى انا طالبه وكتبلى السعر
وقالى ان المصنعيات مجانا
جه واحد مكشر نزلنى من العربية علشان يحط دواسة وكيس على الكرسى وكيس على طارة الدريكسيون وبعد ما خلص رزع الباب ومشى
انا انتظرت جوة التوكيل بعد ما المهندس قالى ساعة ونص يا باش مهندس
دخلت جوه مكان انتظار جميل جوه المعرض
ولقيت جنب التليفزيون شاشة بتعرض قائمة الاسعار للصيانات كلها لجميع الموديلات وكمان اعلانات عن زيت شل الترا واعلان جميل جدا عن العربية سول والاهم من كده لقيت اسمى وبيانات العربية بتاعتى بتظهر فى جدول على الشاشة المهندس قالى لما تيجى علامة خضراء امام اسمى اروح الخزنة ادفع.
حسن عملى شاى جميل جدا وشربت ميه ساقعة
وبعد ساعة تقريبا خلصت العربية
كنت طلبت انضف فلتر التكييف ( شكلهم نسيوا )
العربية نضيفة جدا من جوه وبره
الامن هناك متعاون جدا
مشيت بعد ساعة وتلت تقريبا وده كلام رائع - انا كنت متوقع اكتر من كده بعد ما شفت الزحمة وانا داخل -
انا بحاول ارفع صور علشان تبان ومش عارف لما اعرف هرفع شوية صور يمكن تستفيدوا بيها
تقيميى للصيانة ( ضعيف - جيد - جيد جدا - ممتاز ) لو كانو نضفوا فلتر التكييف كان هيبقى ممتاز
تقيمى لمركز صيانة روكسى ( ضعيف - جيد - جيد جدا - ممتاز ) مكان صغير انما مرتب وكل واحد عارف بيعمل ايه فبيقدروا يعملوا شغل كتييير فى مكان صغييير
تقيمي للعربية ( ضعيف - جيد - جيد جدا - ممتاز ) كان هيبقى ممتاز لو كان فيها الاتى
فانوس ستوب خلفى
:oops:
العجل اعرض من كده شوية
:B4_048:
مسند يد للسائق
:majd(4):
مكان احط فيه المناديل الورق
:ma(30):
تقريرى عن السيارة وان فضلت اعمله هنا علشان كل اللى يدخل يلاقى المعلومات فى مكان واحد ومفيش مانع يكون ده مقر الرابطة بعد اذن كاتب الموضوع الاول والمؤسس دونزى
معلش انا لسه هجرب ارفع الصور استحملونى حبتين
http://img222.imageshack.us/img222/9086/img2464tb.jpg
نجحت دلوقتى اقدر اعمل التقرير
مبدئيا مواصفات السيارة
كيا - ريو - 1600 - اتوماتيك
تكييف - سنتر - 4 زجاج كهرباء - باور - ضبط مرايات كهرباء - لوك اطفال فى الابواب الخلفية - لوك زجاج وابواب عند السائق - كاسيت
ان شاء الله هركب دالايات بعد ما غيرت الكاسيت وركبت الانذار بس هيه لسة مش موجودة فى التوكيل
رأيى فى السيارة
- صوت الموتور عالى شوية ( اعتقد ان العزل بين الموتور والصالون مش قد كده )
- التكييف معقول جدا
- السيارة ثابتة حتى 150 كم
- استهلاك البنزين تقريبا 320 فى الصفيحة
- شكل العربية ظريف بالنسبالى
- شنطة معقولة جدا على حجم العربية
ودى شوية صور
http://img266.imageshack.us/img266/8613/img2465w.jpg
شكل العربية من الامام والخلف جميل جدا واشيك من اختها الاكسنت
http://img207.imageshack.us/img207/156/img2467s.jpg
موتور CVVT دونزى قالت عنه كتير وهو كفاية
http://img651.imageshack.us/img651/5599/img2466t.jpg
شنطة مساحتها محترمة
محدش يبص قوى ده الغطا بتاع العربية
http://img408.imageshack.us/img408/1170/img2463z.jpg
فتح التنك والشنطة من الداخل وفى لمبة فى التابلوة بتنور لما الشنطة تكون مفتوحة
http://img27.imageshack.us/img27/9152/img2462gv.jpg
شكل السماعة فى الباب جميل جدا
http://img443.imageshack.us/img443/6187/img2461o.jpg
المرايات الجانبية حجمها كويس جدا ومكانها رائع وبتكشف مساحة كافية
http://img838.imageshack.us/img838/1434/img2460ia.jpg
http://img141.imageshack.us/img141/1996/img2459q.jpg
ده الانذار اللى ركبته فى التوكيل
http://img151.imageshack.us/img151/749/img2458w.jpg
ده اللى مطلع عينى
مشم عارف احطها فين لما هجنن خلاص
http://img814.imageshack.us/img814/9758/img2456s.jpg
ما هو التابلوه واسع - ليه ماعملوش مكان لعلبة المناديل
http://img826.imageshack.us/img826/7569/img2457im.jpg
مكان الطفاية ( بحط الفلوس الفضة فيها - علشان ممنوع التدخين )
ومكان زجاجة المياه .......
http://img839.imageshack.us/img839/3681/img2455l.jpg
حزام امان قابل للتعديل
ودى حاجة ممتازة واكتشفها عمرو ابنى لما كان عاوز يلبس الحزام وكل شوية يجي على وشه
http://img84.imageshack.us/img84/5265/img2454z.jpg
اضاءة الصالون مبهرة ( زايده عن اللزوم ) وبالذات لما تنور الفانوسين اللى جوه الصالون
http://img211.imageshack.us/img211/4353/img2452d.jpg
التابلوه مافيهوش امبير حرارة
بس فيه لمبه حمراء لما يكون فيه باب مفتوح دون تحديد اى الابواب اللى مفتوح
لمبه تحذير ان الشنطة مفتوحة
لمبة تحزير عند تجاوز سرعة ال 120 كم
لمبة تحذير لما البنزين يكون هيخلص ( منورة دلوقتى )
طبعا فى عداد كيلو متر وعدد لفات الموتور وبيان وضع الفتيس والاشارات .......
http://img818.imageshack.us/img818/4259/img2451v.jpg
ده مكان مصحفى
ومفتاح التريب اللى ممكن من تستخدمه فى حساب مسافة الرحلة الواحدة واستهلاك البنزين
http://img585.imageshack.us/img585/539/img2450dk.jpg
عصا الفتيس شكلها حلو ووضعها بالنسبة للايد ممتاز وكمان فيها زرار الاوفر دريف
وفيه لمبة فى التابلوه بتنور لما يكون مستخدم
وكمان فيه ولاعة
ومخرج كهرباء
ومكان تخزين جميل بحط فية التليفون
وفيه فوقة بشوية درج حط فيه النضارة الشمس بس معرفتش اصوره
http://img822.imageshack.us/img822/5564/img2449po.jpg
ايوه .... انا غيرت الكاسيت اللى كان فى العربية بالكاسيت ده اعتقد انه اشيك
وباقى الحاجت انتو شيفينها ومعنديش تعليق عليها
مناسبه جدا
ماعدا مكان الكارت اللى مش عارف استغله فى ايه ؟
http://img716.imageshack.us/img716/4056/img2448i.jpg
فرش الباب تصميمه عاجبنى جدا
وباين فيه مفاتيح الزجاج والمرايات واللوكات وشكل السماعة الرائع
http://img10.imageshack.us/img10/9494/img2447tt.jpg
مقاس الكاوتش اللى مضايقنى جدا ( مكنش هيحصل حاجة لو زودوه سم ولا اتنين فى العرض - عامل زى كاوتش الموتوسيكل )
http://img811.imageshack.us/img811/8185/img2446f.jpg
شكل العجلة (مناسب)
ده اللى قدرت اعمله واللى ليه تعليق يتفضل واللى ليه اضافة يتفضل برده مفيش مشاكل
ويا رب اكون افدتكم
فشلت !!!
http://img211.imageshack.us/img211/4353/img2452d.jpg