حد يعرف واحد بتاع استيراد فيات حديث في الحرفيين او في اي حتة تانية ؟

**CryptonX** · 27-12-2010 10:31 AM

صباح الخير :)

عايز اظبط شوية حاجات في العربية و محتاج حد الاقي عنده حاجات استيراد للباليو ..
كان في واحد في الحرفيين اسمه اسكندراني او حاجة كدة بس بطلت الاقي عنده حاجة من فترة .

عايز اسال على ايه ؟

حاجات بسيطة في الاول عايز اقارن سعرها بسعر الجديد
( اكصدام امامي و خلفي - فوج لايتس اصلية - شماسات كدة يعني )

حاجات هلامية حسال عليه الاول :
( فتيس اوتو - كاسيت فيات اصلي بالفيبرة بتاعة الكونسول )
( زجاج كهرباء خلفي )

لو حد عنده حد او نمرو تليفون ياريت ميبخلش .
-----------

و هل في حد من الاخوة الي معام باليو 1300 معاه لسة الكتالوج .. علشان انا غيرت مقاس الكاوتش و عايز اعرف اظبطه على كام .. مش مكتوب في اي حتة على العربية او يمكن انا مخدتش بالي كويس .

**khalid_adel** · 27-12-2010 05:11 PM

بص بالنسبه لمقاس الكاوتش انت هاته من جوجل اكتب
palio tyre size ودور حتلاقي انا عملت كده عندي وكان من الموبايل وجبته في اقل من ثانيه
اما بتوع قطع الغيار هو انت لازم تنزل الحرفين بنفسك وتروح لبيومي والابيض و مش فاكر اسم التالت بس هو في الاول قدام بتوع اوبل
اه وعندك محرم برضه ممكن تلاقي ان شاء الله
كلهم استيراد طيعا واتمني انك تلاقي اللي انت عايزه
هو صحيح الكلاني ايه ظروفه معاك ؟؟؟

**CryptonX** · 28-12-2010 03:41 PM

المشاركة الأصلية كتبت بواسطة khalid_adel

بص بالنسبه لمقاس الكاوتش انت هاته من جوجل اكتب
palio tyre size ودور حتلاقي انا عملت كده عندي وكان من الموبايل وجبته في اقل من ثانيه
اما بتوع قطع الغيار هو انت لازم تنزل الحرفين بنفسك وتروح لبيومي والابيض و مش فاكر اسم التالت بس هو في الاول قدام بتوع اوبل
اه وعندك محرم برضه ممكن تلاقي ان شاء الله
كلهم استيراد طيعا واتمني انك تلاقي اللي انت عايزه
هو صحيح الكلاني ايه ظروفه معاك ؟؟؟

الف شكر يا باشا للاسف الباليو بالذات صعب .. علشان في دشليون موديل بدشليون تعديل بدشليون بلد صناعة
( مغربي - هندي - تركي - برازيلي - ارجنتيني - صيني - جنوب افريفي - بولندي ) و كل بلد و كل موديل و كل تعديل نازل بكاوتش مختلف ! مرة 13 و مرة 14 و مرة 15 ... و مقاسات مختلفة فحتجنن كدة :)

الكيلاني كويس جدا و بيبقى كويس اكتر و اكتر لو تعرف محمد الكيلاني نفسه بيدي خصم حلو و تعامله كويس .. بس باقي الناس اليل هناك عاملين زي موظفين الحكومة .. مش طايق نفسه .. بس بصراحة معلوماتهم كويسة جدا جدا جداد و عندهم تنوع في قطع الغيار رهيب و بيوردوا حاجات للتوكيل اصلا !!

المشاركة الأصلية كتبت بواسطة ahmadmidop

ايوه كده ياكيموو الباليو تعود لبريقها :)

يارب يا احمد .. كل مانوي اعمل حاجة او ارش او حاجة .. اغير رأي في اخر لحظة :)