هايتغيرلى بدال البنزين بالكنترولر بس الحمد لله فى الضمان

انا قولت اكتب الموضوع ده عشان اساعد اى حدلو ظهرتله نفس مشكلتى يفهم ايه اللى عنده
انا الساجا معايا مانيوال عاملة 16 الف لحد دلوقتى
من شهرين كده لاقيت كل فترة وانا ماشى وخصوصا على كوبرى اكتوبر ومع تخبيط المفصلات بتاعت الكوبرى لما اجى اموار الاقى عداد الاربى بى ام واقف مابين 2 و 3
فى يوم صحيت الصبح بدور لاقيت لمبة check engine منورة بس العربية ماشية تمام مفهاش مشاكل لحد اما روحت الشركه ركنت العربية دخلت استأذنت من الشغل عشان اروح التوكيل طلعت ادور وطالع لاقيت اللمبة طافيه
روحت توكيل العجوزة عشان قريب من شغلى وصلها على الجهاز لاقاه طلعله ايرور padal connection lost
قالى ده فيشة دواسة البنزينة كانت معلقة بس واحنا ضايقنا البنيات بتاعتها عشان متفصلش تانى
بعدها باقل من شهر كده برضه وانا ماشى على كتوبر مع الاهتزازات بتاعت المفصلات لاقيت اللمبة نورت لكن المره لما كنت اجى اسيب رجلى من على البنزين العربية تنتش جامد
برضه روحت ركنها شوية واستاذنت عشان اروح توكيل العجوزة لاقيت اللمبة طفت والنتشة راحت روحت توكيل العجوزة وصل طلع برضه نفس الايرور وقالى هانظبطها تانى
ومشيت
يوم الخميس اللى فات على ام كوبرى اكتوبر لاقيت اللمبة نورت والعربية تنتش جامد روحت مروح ركنت العربية لحد يوم الاحد روحت توكيل الصحراوى
حكيت القصة دى للمهندس محمد عبد الهادى والصراحة الراجل ده لو احترف فى توكيل تانى وساب التوكيل ده التوكيل هايقع لان بجد الراجل ده اكتر واحد بيعرف يقابل العميل ويسمع ومخه نظيف جدا ومهندس شاطر جدا وقاهم وبيتكلم بطريقة علمية
هو سمع القصة قالى يارتك كنت جتلى هنا من الاول
واحنا هانضطر تسبلنا العربية في يوم عشان هانغير البدال بالكنترولر بتاعه لان هو ده السبب
شكر خاص للمهندس محمد عبد الهادى
طولت عليكوا بس حبيت احكى الحكاية عشان لو حصلت مع حد يبقى استفاد من التجربة

شكراً ياباشا على مشاركة المعلومة
وفعلاً كل الناس بشتكر فى المهندس عبد الهادى

مشكور علي المعلومه و شكر خاص للمهندس محمد عبد الهادي اللي بيقوم بواجبوا و اكتر ياريت كل المهندسين هناك تبقي زيوا بس الحمد لله التوكيل في تحسن يوم عن يوم

اولا الف شكر لهيئة الطرق و الكباري و العاملين علي صيانة كوبري اكتوبر انهم بيحولوا يبينو العيوب للناس
تخيل لو الفواصل بتاعت الكبري سليمه طبعا العيب ده ماكنش هيظهر

م\ عبد الهادي فعلا ثروه من ثروات عز العرب

اقتباس:

---

المشاركة الأصلية كتبت بواسطة a. Ibrahim

اولا الف شكر لهيئة الطرق و الكباري و العاملين علي صيانة كوبري اكتوبر انهم بيحولوا يبينو العيوب للناس
تخيل لو الفواصل بتاعت الكبري سليمه طبعا العيب ده ماكنش هيظهر

م\ عبد الهادي فعلا ثروه من ثروات عز العرب

---

علي فكره بجد كوبري اكتوبر يبوظ اجدعها عربيه انا بخاف امشي عليه اكتر من 40 بالذات في الوصله اللي من عند التحرير لحد الدقي بجد مقرفه جدا جدا جدا لو معاك هامر و كل يوم بتمشي عليه هتغير العفشه كلها بعد سنه

الحمد لله معندناش كوبري أكتوبر....بس عندنا شوارع ميتفعش تمشي فيها بأي عربيه
شعار الحزب الوطني...( من أجلك أنت...أيوه انت يابن الششششششششششششش عب)

الف شكر على المعلومة وربنا يباركلك فيها وتتصلح وتبقى زى الفل

وصحيح حتتغير فى الضمان ولا ايه؟؟؟
ولما كنت بتروح التوكيل كنت بتدفع مصاريف لما بيظبطولك حاجة ولا عادى كده

هههههههه فعلا تحية لصناع كوبرى اكتوبر مع ان الصراحة لحد دلوقتى محدش عارف يعملنا كوبرى نصه فى العصر الذهبى اللى احنا عايشين فى دلوقتى فى رعاية الحزب الوطنى
لا يا باشا مش بتدفع ولا مليم مدام حاجة بايظ تبع الضمان زى تغير علبة الدريكسيون كده اتغيرت من غير مادفع حاجة وانا مستنى اقرب وقت مكنش محتاج فى العربية يومين ووديها تتعمل واقولكوا ايه الحوار

قدر الله وما شاء فعمل وإن شاء الله التغيير يتم على خير وترجع العروسة تلعلع من تانى على كوبرى أكتوبر ..... وعلى فكرة أنا فى كل مرة أحجز فيها فى التوكيل عشان أى مشكلة بطلب أن حجزى يكون مع م / محمد عبدالهادى لأنه مهندس محترم فعلا"....

اقتباس:

---

المشاركة الأصلية كتبت بواسطة vsaga

يوم الخميس اللى فات على ام كوبرى اكتوبر

---

:rofl4:

اقتباس:

---

المشاركة الأصلية كتبت بواسطة A. Ibrahim

اولا الف شكر لهيئة الطرق و الكباري و العاملين علي صيانة كوبري اكتوبر انهم بيحولوا يبينو العيوب للناس
تخيل لو الفواصل بتاعت الكبري سليمه طبعا العيب ده ماكنش هيظهر

م\ عبد الهادي فعلا ثروه من ثروات عز العرب

---

انا بايد كلام ا/احمـد , كل الشكر لهيئة الطرق والكبــارى وخصوصـا اللى عامل فواصل اكتوبر :E_braces[1]:

ربنا يباركلك ا/vsaga فيها يارب ويحفظهالك ويكفيك شر الطريق يارب

تحيـــــــاتـى