ياجماعة حد جاب بوتاجاز كهربا قبل كده
وهل هو بيستهلك كهربا كتير
ايه مزاياه وعيوبه
شكرا
عرض للطباعة
ياجماعة حد جاب بوتاجاز كهربا قبل كده
وهل هو بيستهلك كهربا كتير
ايه مزاياه وعيوبه
شكرا
أى حاجة فيها تسخين تستخدم الكثير من الكهرباء سواء كان بوتاجاز أو سخان (مياه أو سخان الغسالة) أو توستر
و دائما ما يكون إستخدام البوتاجاز لفترات طويلة خلال اليوم
لذا لا ينصح مطلقا بإستخدام جهاز بوتاجاز يعمل بالكهرباء التى أصبحت فى عصرنا الحالى أسعارها متحركة كل عدة سنوات
بإختصار خراب بيوت أكيد دة غير أن الغاز ارخص بكتييييير ومتوفر اية المشكلة فية بالنسبة ليك
من سنة جبت بوتجاز كهرباء 2عين نوعة glem ايطالى و كان ب 1700جنية و البوتجازات دى لو حد بيفكر فيها لازم يجيب ماركة كويسة و دة لأن استهلاك الكهربا فى ألأنواع الكويسة بيكون أقل بنسبة كبيرة من ألأنواع الرخيصة بألأضافة أنك مثلا لو نسيت المفتاح على الon و دة شىء وارد ...لو نوع كويس بيفصل لوحدة لو مفيش حاجى على العين.
بص أنا في السعوديه مجبر عليه عشان ممنوع الغاز في المدينه الي أنا فيها عشان مدينه صناعية
مشاكلة
1) إستهلاك غبي في الكهربة (مع إنه من شركة محترمة جدا)
2) إستحاله تعرف تأمر عليه عيش وكده
3) الوالده كانت بتشتكي من الفرن مش عارف ليه
4) بياخد وقت نسبيا على ما يسخن مقارنه بالغاز
ميزتة الوحيده
مفيش غاز ولا تنسى العين والعة ولا الكلام ده
بيستهلك زي تكييف قدرته أربعة حصان
يعني فاتورة الكهرباء من أول 1500 جنيه وإنت طالع
استخدمته سنة في السعودية
العين تاخد 3-4 دقائق على ما تصل للحرارة القصوى
بيستهلك كهربا وعايز نظام كهربائي قوي في الشقة والعمارة
العين ممكن تفضل شديدة السخونة لفترة 5-10 دقائق بعد اطفاؤه
عندي يا باشا gaggenau الماني سيستم متكامل اربع عيون الكتريك built in ceramic او زجاج حراري يعني بتبقي عباره عن لوح زجاج حراري عالي الجوده و المتانه و مرسوم عليه تقسيمه العيون و بيبقي مدفون في رخام المطبخ , بالاضافه لفرن كهربا متعدد الامكانيات .
طبعا اضم صوتي لصوت للساده الأعضاء انه غير عملي في مصر , لأنه بالنسبه لي مشاكل الكهرباء و ارتفاع الاستهلاك بالاضافه لتعقد التكنولوجيا الألمانيه في تصميم تلك المعدات , ايضا نوعيه استخدام اواني الطهي يعني افضل شيء الأواني الفايزون او البايركس الزجاجي لمنع تلف اللوح الزجاجي عند السخونه . لكن مميزاته جودته العاليه جدا , و قله اعطاله و نظافه الطاقه الكهربيه .
نصيحه الغاز افضل خيار في مصر .
طيب فيه النوع ال Induction حد جربه يا جماعه
ده العين بتاعته ما بتسخنش بس بتلاقى الاكل بيستوى (حاجه كده زى الميكرو ويف) و ده استهلاكه اقل من ال coil بكتير
و هو لوح زجاجى اسود و مرسوم عليه العيون و شبه الكهربا العادى
يا ترى ده موجود فى مصر و لا لا و بكام