مباراة الاهلي و الزمالك.. توقعاتك للتشكيل و النتيجة

**kono** · 28-12-2010 03:12 AM

المشاركة الأصلية كتبت بواسطة Puyol

الأهلي هيكسب بإذن الله ونروووح بقا للتشكيل جيبوا من الكابتن شلبينيو حصريا لنايل موتور يااااااااااه وهووووووبه جوه الجون شكلنا كدا هنتفرج على ماتش جامد

.................................................. .....أبو السعود ................................................

.................................................. ....حسام غالي..................................................

رامي ربيعه ( مساك لشيكا ) ................................................وائل جمعة ( مساك أحمد جعفر )

سيد معوض ..................شهاب الدين..................... أحمد فتحي........................... شريف عبدالفضيل

تريكة.................................................. ..................................... بركات

.................................................. ......جدو

لو رامى ربيعة لعب مساك لشيكا يبقى زيزو بيقول للزمالك مبروك غليكوا الماتش
لان رامى لسه معندوش خبرة

المشاركة الأصلية كتبت بواسطة salmay

وانا كمان بتوقع طرد وائل جمعه لو عمرو الصفتى ملعبش

انا قصدى ان لو حسام عاشور ملعبش الماتش احمد فتحى هيلعب على شيكا وطبعا احمد فتحى مبيحبش يترقص وشيكا هيبهدله وفتحى عصبى بكده فتحى يطرد لو عاشور ملعبش بس اللى يفهم بقى :d

**M.Elgergawy** · 28-12-2010 09:39 AM

المشاركة الأصلية كتبت بواسطة kono

لو رامى ربيعة لعب مساك لشيكا يبقى زيزو بيقول للزمالك مبروك غليكوا الماتش
لان رامى لسه معندوش خبرة

انا قصدى ان لو حسام عاشور ملعبش الماتش احمد فتحى هيلعب على شيكا وطبعا احمد فتحى مبيحبش يترقص وشيكا هيبهدله وفتحى عصبى بكده فتحى يطرد لو عاشور ملعبش بس اللى يفهم بقى :d

يا كونو رامي ربيعه لو إنت متابعه كويس هتلاقيه مساك فاهم أوي أوي وعنده موهبة والموهبة في الحلات دي أحسن من الخبرة عندك مثلا احمد السيد خبرة 10 سنين بس اي كلام بطيخة يعني وشوفت الناشئ بتاع المقاولون عمل فيه ايه ولو إتفرجت على ماتش الحرس ربيعه كان بيلعب مان مع أحمد عيد في كل حته ومكنش ليه لازمة خالص.

وأحمد فتحي مينفش يلعب مان ونص ملعب مع بعض لإن لو هاجم مع الفراودة والكورة اتقطعت شيكا كدا لوحده ولا ايه

وبعدين حسام عاشور بعيد جدا عن مستواه ودا بان في ماتش المقاولون

**wesam_salom** · 28-12-2010 09:50 AM

يا سلام

نفسى الموضوع يفضل بالمستوى الراقى ده لحد الاخر

ونفسى كل الناس تتفرج على المباراه فى بيوتها

ويا ريت يقعدوا فى البيت من الساعه 4 يتفرجوا على البرامج الحلوه اللى قبل الماتش

ونفسى اعرف اروح يوم الخميس وميكونش فيه زحمه

انا بالنسبه لى وقت المباراه احسن وقت للسواقه والخروج

**أبومعاذ** · 28-12-2010 10:19 AM

المشاركة الأصلية كتبت بواسطة ecybrarian

خدوها من واحد اهلاوي...الاهلي هايخرج بفضييييييحة...الفرقة بقى لها يجي 7 ماتشات مابيكملوش تلات نقلات سليمة لقدام..حد فيكم شاف ماتش الاهلي والمقاولون إللي فات!!!! اي لاعب بيجري بسرعة شوية بيبهدل دفاع الأهلي..دي الفرصة الوحيدة لحسام حسن لتعويض السته إللي جم فيه ايام زمااااااان

+1111111111

**abdelaziz-waleed** · 28-12-2010 12:21 PM

على الرغم اني اتمنى فوز الاهلي ولكن حاليا الزمالك افضل من الاهلي بكتير وماتشات الزمالك ممتعة جدا عن ماتشات الاهلي.
بس برده الماتش ده بالذات بيكون ليه حسابات تانية خالص وماحدش يقدر يتكهن بالنتيجة مهما كانت حالة الفريقين.
انا اتمنى ان زيزو يعتمد على الشاباب اكتر (شهاب وشكري وعفروتو وربيعة) علشان بيعملو حيوية وسرعة في الاداء.
وشيكابلا لازم يتمسك لانه لو ما اتمسكشي صح يبقى الاهلي هيطلع بفضيحة
الزمالك داخل الماتش بثقة عالية جدا وديه حاجة كويسة له ولكن ممكن تتقلب للضد في اي وقت
الاهلي هيدخل الماتش بعزيمة كبيرة على تعويض جماهيره عن الاداء السيء في الماتشات اللي فاتت وهيكونو حاطين في دماغهم ان الماتش ده لو راح يبقى الدوري بالسلامة.
وانا اتوقع انها هتكون مباراة قوية جدا جدا جدا بس ربنا يستر من العصبية.
ولو تلاحظو ان مباريات الاهلي والزمالك اللي فاتت كلها كانت مباريات جميلة جدا والمباراة ديه هتكون بنفس المستوى ان شاء الله

**medo_msmsa** · 28-12-2010 01:48 PM

اعتقد ان لو رامي رضيعة لو مسك شيكابلا هتبقي حفلة مش مباراة ده في ماتش المقاولين سايب المهاجم وبيبص على الواد اللي بيلعب العرضية لولا انه لعبها وحش كانت الجون التاني وش

**kono** · 28-12-2010 06:05 PM

المشاركة الأصلية كتبت بواسطة puyol

يا كونو رامي ربيعه لو إنت متابعه كويس هتلاقيه مساك فاهم أوي أوي وعنده موهبة والموهبة في الحلات دي أحسن من الخبرة عندك مثلا احمد السيد خبرة 10 سنين بس اي كلام بطيخة يعني وشوفت الناشئ بتاع المقاولون عمل فيه ايه ولو إتفرجت على ماتش الحرس ربيعه كان بيلعب مان مع أحمد عيد في كل حته ومكنش ليه لازمة خالص.

وأحمد فتحي مينفش يلعب مان ونص ملعب مع بعض لإن لو هاجم مع الفراودة والكورة اتقطعت شيكا كدا لوحده ولا ايه

وبعدين حسام عاشور بعيد جدا عن مستواه ودا بان في ماتش المقاولون

انا معاك ان رامى ربيعة موهبة وحرام علينا اننا نقارنه باحمد السيد اللى لحد الوقت معرفش هو بيلعب فى الاهلى ازاى
بس شيكا مش زى عبد الملك وممكن شهاب لو لعب يمسك شيكا

المشاركة الأصلية كتبت بواسطة m.mosaad

ماتش الزمالك بالنسبة للاهلي حاجة تانيه خالصصصصصصصصصصص و ضغط الاعلام و الجماهير مضر جدااااا للزمالك غير انا رأيي ان حسام حسن بيشكل عامل ضغط علي الفريق في المباريات الصعبة دي بعصبيته الشديدة برة الملعب

قبل ماتش الترجي هنا كنا كلنا متوقعين الاهلي يتبهدل في القاهرة و الاهلي لعب احلي مباراه ليه الموسم دة كله و كان هيكسب 2-0 لولا الخطا العبيط بتاع شريف اكرامي
في رايي مشاكل الزمالك في الماتش دة

1 - حسام حسن بالعصبيه الزيادة
2- دفاع الزمالك الغير منظم بالمرة
3- ضغط الجماهير لتعطشها الفوز عليا الاهلي

مشاكل الاهلي
1- مدرب مؤقت هيكون كل تفكيرة في المبررات اللي هيقولها بعد الماتش في حالة الهزيمه و دي كانت نفس مشكله البدري

2- دفاع غير منظم تماماااااااااااااااااااا و بيقع قدام اي هجوم و لو شيكابالا في حالته و مش ممسوك كويس هيسب مشكله كبيرة

3- عدم وجود خط هجوم و في نفس الوقت عد استغلال المدير الفني لكم المهارات اللي عنده ( ابوتريكه و بركات و شهاب و احمد شكري و عفروتو و جدو ... )

+111111111111111111111

**n8os** · 28-12-2010 07:54 PM

فوز الزمالك ان شا الله

**medo_2060** · 28-12-2010 07:54 PM

من بعد ما الزمالك بقى فريق حلو وانا اليومين دول بشوف مشجعين زملكاويه كتير فى كل حته زى ما يكون كانوا مستخبين ومنتظرين لما فريقهم يبقى قوى
وعموما توقعى مع انى بعترف ان الزمالك افضل من الاهلى حاليا بس اخرهم يتعادلوا برضه

الموضوع: مباراة الاهلي و الزمالك.. توقعاتك للتشكيل و النتيجة

LinkBack

أدوات الموضوع

عرض

-

-

-

-

-

-

-

المواضيع المتشابهه

عمر طاهر والثورة المضادة في مباراة الزمالك

عمر طاهر والثورة المضادة في مباراة الزمالك

من يفوز في مباراة الكلاسيكو رقم 105 بين الأهلي و الزمالك

عاجل:مباراة الاهلي والنجم الساحلي على ملعب "أستاد القاه

الكلمات الدلالية لهذا الموضوع

المفضلات

المفضلات

ضوابط المشاركة