مباراة الاهلي و الزمالك.. توقعاتك للتشكيل و النتيجة

**ahmedhossam86** · 27-12-2010 01:59 PM

الموضوع ده للناس اللي غاوية كورة..

اتوقع تشكيل الفريقين حايكون كالتالي:

الاهلي: 3 - 4 - 3

---------------------------محمود ابو السعود-------------------------------

------------------------------حسام غالي-----------------------------------

-----------وائل جمعة-------------------شريف عبد الفضيل----------------

----سيد معوض -------------------------------------------احمد فتحي----

------------------شهاب الدين احمد----------حسام عاشور----------------

---------بركات ----------------------------------- محمد ابو تريكة------------

-----------------------------------------جدو-----------------------------------

الاحتياطي و الاقرب للدخول للتشكيل الاساسي:

رامي ربيعة - عفروتو - احمد شكري - معتز اينو - احمد السيد - اسامة حسني
___________________________________________

الزمالك: 4 - 3 - 3

----------------------------عبد الواحد السيد-----------------------------------

--------------عمرو الصفتي--------------------محمود فتح الله----------------

------------محمد عبد الشافي---------------------------عمر جابر------------

---------------------------------هاني سعيد-----------------------------------

----------------ابراهيم صلاح-----------------حسن مصطفي----------------

-------حسين ياسر---------------------------------------------شيكابالا -------

-----------------------------------احمد جعفر ---------------------------------

الاحتياطي و الاقرب للدخول للتشكيل الاساسي:

أبو كونيه - حازم امام - محمد عاشور الادهم - محمد ابراهيم - حسام عرفات

اتوقع ان الماتش حايخلص 2 - 2 .. بس حايكون ماتش عصبي جدا

و ربنا يستر مايحصلش انفلات جماهيري

**M7amD_7amDy** · 27-12-2010 02:15 PM

اشطططططططططه

ان شاء الله الزمالك هيكسب :)))

وربنا يستر من العصبية وأتوقع الكروت الصفرا هتبقى كتير وممكن تحمر :))

**M.Mosaad** · 27-12-2010 02:46 PM

الماتش هيبقي في منتهي الصعوبه علي الفرقتين

الزمالك متالق جدااااااااا هجوميا و منهاااااااااااار جدا دفاعيا حالة الزمالك مرتبطة بحاله شيكابالا لو اللي هيراقب شيكابالا عرف يوقفه زي ماتش الكاس اللي فات الماتش هيبقي صعب علي الزمالك لكن لو الاهلي مقدرشي يوقف شيكابالا اعتقد ان الزمالك ممكن يهدف كتير لان شيكابالا بيعرف يحرك هجوم الزمالك كله من غيرة الفريق بيتشل اعتقد لو حسام عاشور لعب هو الوحيد في الاهلي اللي ممكن يوقف شيكابالا شوية او يرمي عليه حسام غالي بس في الحاله دي مش هيبقي في ليبرو و دفاع الاهلي مش ناقص دة غير طبعا غلطة ابو السعود بتاعة كل ماتش الي لازم يجي منها جون

الاهلي منهااااااااااار دفاعيا و منهااااااااااااار اكتر هجوميا اللعيبه نسيت الكورة علي ايد حسام البدري بس بركات و ابوتريكه مش بيفوقوا الا علي الزمالك الميزة اللي مع الاهلي ان حسام حسن مش بيعرف يدافع فخط الوسط الهجومي بتاع الاهلي بركات و ابو تريكه و جدو لو في حالتهم هيعملوا مشكله كبيرة اوي لدفاع الزمالك و طبعا في وجود الصفتي و احمد غانم الجبهه الشمال بتاعه الاهلي بتلعب احلي كورة من غير مجهود حتي

**kono** · 27-12-2010 02:58 PM

انا كنت لسه داخل اعمل موضوع زى ده بس بما انك سبقتنى :d

يارب الفوز للزمالك طبعا :))
بس خايف ثقة الزمالك تقلب بغرور ويحصل فضيحة 6-1 تانى
برغم ان الزمالك اكثر تألق ومعنوية الا ان الأهلى ممكن يتغلب من اى فريق الا الزمالك ولو الزمالك كسب كل الفرق بيبقى ماتش الاهلى صعب اوى
اتوقع ماتش صعب جدا للفرقتين ومش هيبقى فيه كورة كتير قد ما هيبقى فيه عصبية وتسرع
لو شيكا فى حالته ومحدش عرف يمسكه يبقى أبو السعود هيعد الكور اللى فى الجول واللى فى العارضة
ولو بركات وعفرتو لعبوا الصفتى وغانم هيزحفوا

بس انا مش فارقة معايا المباراة قد ما انا مستنى اشوف الجماهير بسمع انهم محضرين مفاجات جامدة لبعض
وشيكا هيستوى يا عينى

ملحوظة :
أتوقع طرد أحمد فتحى لو حسام عاشور ملعبش

**mailo** · 27-12-2010 03:02 PM

ياجماعة الراجل بيقول "توقعات " مش "امنية وأحلام" يبقى ماينفعش نقول الزمالك هيكسب
مع الاعتذار طبعا لكل الزملكاوية
هو فعلا اللعيبة نسيت الكرة على ايد البدري على رأي m.mosaad و مفيش مهاجمين عند الأهلي من أول السنة بس برده يعني أنا مفتكرش الزمالك بيكسب الاهلي دي خالص أنا سمعت عن كلام زي ده قبل كده بس متهيألي إن دي كانت إشاعات
:)

أنا بهرج معاكم طبعا بس برده الزمالك مش هيكسب إن شاء الله

**ahmedhossam86** · 27-12-2010 03:08 PM

المشاركة الأصلية كتبت بواسطة M.Mosaad

الزمالك متالق جدااااااااا هجوميا

الاهلي منهااااااااااار دفاعيا و منهااااااااااااار اكتر هجوميا

اؤيدك جدا في ده.. و لو اني اقدر اختزل هجوم الزمالك في شخص واحد و هو شيكابالا.. غير كده لا خطر من غيره

المشاركة الأصلية كتبت بواسطة kono

انا كنت لسه داخل اعمل موضوع زى ده بس بما انك سبقتنى :d

لو شيكا فى حالته ومحدش عرف يمسكه يبقى أبو السعود هيعد الكور اللى فى الجول واللى فى العارضة
ولو بركات وعفروتو لعبوا الصفتى وغانم هيزحفوا

بس انا مش فارقة معايا المباراة قد ما انا مستنى اشوف الجماهير بسمع انهم محضرين مفاجات جامدة لبعض
وشيكا هيستوى يا عينى

ملحوظة :
أتوقع طرد أحمد فتحى لو حسام عاشور ملعبش

بتفهم كورة و الله :) انا مبدئيا خطفت الموضوع منك :)

ثانيا.. ابو السعود لسه علي قده و سهل شيكابالا يلعب عليه بالذات في الكور الارضية و المقصية.. اللي فيهم لفة شوية..

عفروتو و احمد شكري و بركات و سيد معوض خطر داهم علي احمد غانم.. عشان كده حسام مش حايلعبه

...

اعتقد و بنسبة كبيرة طرد احمد فتحي و اتفق معاك تماما..

**moh.aboelkheir** · 27-12-2010 07:57 PM

اتوقع ان العميد هينزل " وحيد في الجون ... فتح الله , الصفتي , عمر جابر , شافي في الدفاع ..... شيكابالا و علاء علي " لو اتحط في التشكيله ", حسن مصطفى ,ابراهيم صلاح , عاشور الادهم او هاني سعيد في خط الوسط ...و قدامهم احمد جعفر مهاجم وحيد ) .... و لما الماتش يسخن ... يطلع علاء و ينزل حازم و يحط شيكا مع شافي و بعد كده ينزل ب " كونيه او محمد ابراهيم )
و ان شاء الله اتوقع فوز الزمالك لان بجميع المقاييس الان الزمالك افضل من الاهلي .... لكن انا خايف لعيبه الزمالك تنام و ساعتها الماتش هيخلص تعادل او ممكن الاهلي يفجرها و يكسب ) .... بس بجد لو اللعيبه لعبت بنفس المستوى الحالي و التألق ده .... نقدر نقول hard luck للاهلي :)

**hussein** · 27-12-2010 08:33 PM

لازم تخافو من اتنين
1- محمد ابراهيم فى الزمالك
2- عفرتو فى الاهلى
اى واحد فيهم فى حالتو هيقلب الماتش

**Mostafa.Mahran** · 27-12-2010 08:38 PM

الزمالك فى احسن حالاته و الاهلى فى اسوأ حالاته بس فى حاجة مهمة
الزمالك لما بيكون وحش بيكون منهار تماما و بيبان عليه الاداء السىء و مش بيقدر يعمل حاجة قدام الاهلى

الاهلى لما بيكون وحش مش بيكون فى نفس انهيار الزمالك و ممكن نتوقع منه ماتشات او نتائج جيدة و يقدر يكسب الزمالك

النتيجة ان الزمالك مش هيعرف يكسب الاهلى