ومتنساش ان توكيل هيونداى سىء جدا والافضل تبعد عنه خصوصا لو حتتعامل معاه فى الصيانه وخلافه يهنى اعتبر نفسك شارى عربيه من غير ضمان
عرض للطباعة
ومتنساش ان توكيل هيونداى سىء جدا والافضل تبعد عنه خصوصا لو حتتعامل معاه فى الصيانه وخلافه يهنى اعتبر نفسك شارى عربيه من غير ضمان
مما لايدع مجالا للشك ان اداء الاكسنت افضل من اللوجان من ناحية الموتور الثبات التكييف الباور و لكن ليس بفرق كبير و في نقط اخري تتفوق فيها اللوجان عن الاكسنت الوسع الداخلي الشنطه الكبيرة العفشة الاحسن الاوبشن الزيادة التوكيل الجيد من غبور الى حد ما
و لكن هل تساوي تلك الفروقات التي تتمتع بها الاكسنت مبلغ 14000؟؟؟؟؟؟؟؟؟؟؟؟
ادام كده كده هاتخش في التمانينات اقصد (80000 فيما فوق)
قدامك كذا حاجة
1-بروتون جين 2 ....... كاملة مانيوال بabs .............84900
2-بيرسونا كاملة مانيوال ب79900 بدون abs
3-صني مانيوال من غير abs ............ 84000
4- صني مانيوال بالabs ........ 87000
ممكن تفكر في دول وناس كتير بيشكر فيهم ............ وربنا ييسرلك الحال
متشكر جدا علي الردود والاهتمام بس انا عايز ارد علي حضرتكم في كام نقطة
- مبدا اني ازود عن ال 80 الف جنية وادخل في انواع تانية مش هيينفعني لان المبلغ دا قدرت عليه بالعافية
- الاكسنت لو غالية مكانتش وصلت في كوريا بلد المنشاء والمصنع ل 13700.00دولار امريكي يعني 75000.00
-الرينو محدش يقدر ينكر انها عربية وحشة لا العربية في انتشار ويوم عن يوم بتثبت انها عربية كويسة ممكن يكون في بعض الناس اشتكي لاكن الغالبية منهم محدش اشتكي انا يمكن لما شوفتها اول مرة حسيت ان اغلب مكونتها بلاستيك والابواب مش تقيلة كدا بس العربية في الشوارع ماشية وتمام التمام بعيد بقي عن انها روماني او مغربي يعني علي الاقل هيبقي اعلي من الصيني وفي مستوي او احسن من المصري
-علشان كدا المقارنة صعبة ويمكن ناس تقول انها مش منطقية لان الاتنين مختلفيتين بس بصراحة لا العربيتين ممتازيين جدا وتجاربكم مع العربية هيا الي هتحكم اشتري انهي واحدة منهم
متشكر جدا للجميع وربنا يوفق ويصلح الحال
بص يا باشا اللوجان عربية ممتازة بكل ما تحمل كلمة ممتازة من معاني الحمد لله الاكسنت ميزتها الوحيدة في ان فيها اوتوماتيك و واضح انك مش عاوز اوتوماتيك
نتكلم عن الحاجات اللي الاعضاء 1كروها
- علامة داتشيا و محطوط مكانها رينو ---- رينو شارية نسبة كبيرة من اسهم داتشا و داتشيا شركة من شركات رينو دلوقتي و رينو شارية بردو نسبة من اسهم نيسان و لادا و العربية بتنزل في بلاد مختلفة و بعضها نازلة بعلامة رينو زي حالتنا هنا و بعضها نازلة بعلامة نيسان و بعضها بداشيا و هكذا ده بيبقى راجع لقوة العلامة في البلد اللي العربية هتطرح فيها لأن بكل بساطة العربية دي لو نزلت عندنا تحت داتشيا مش هتبيع
- الاكسنت ثبات افضل من اللوجان علشان الوجان خفيفة ------- الموضوع ده مش صحيح بالمرة انا مجربتش اجري بالاكسنت لكن جربت باللوجان فعلشان كدة انا مش هتكلم عن ثبات الاكسنت لأني مجربتهاش اللوجان انا سرحت و جبت بيها 160 و والله العظيم محستش غير بعد ما بصيت على العداد و العربية ما شاء الله عالية اه بس الaero dynamics بتاعتها كويسة جدا و ده اللي مديها الثبات و العربية مش خفيفة وزنا هي 1062 كجم ده اللي مكتوب في المانيوال بدون احمال و تقريبا بتبقى متقاسة بفردين بس راكبين
قطع غيار اللوجان جوة التوكيل بقت قريبة من هيونداي ------ لسة واحد معايا في المكتب هنا هيغير تيل اكسنت سعره ب 340 جنيه مش عارف ده شامل التركيب و الضريبة ولا لأ ، تيل اللوجان ب280 جنيه تقريبا جوة التوكيل مع الضريب و التركيب قوول مثلا يقفل 300
غبور بياخد فلوس في كل صيانة اما EIM صيانة ال5000 كلها مجانية 100% و دي هتفرق معاك في تكاليف تشغيل العربية
موتور الاكسنت افضل من ناحية التكنولوجيا على اساس انو DOHC انما اللوجان كامة واحدة بس ده مش فارق مع العربية لأن الموتور ما شاء الله بيحقق تسارع قوي و بيجمع معاك و عزمو حلو
بص على فانوس الاكسنت مثلا بكام و فانوس اللوجان بكام
بص على سرعة انتشار العربية اللوجان في خلال سنتين
رينو فرنسا واقفة في ظهرك لو التوكيل خب يعم اي حركة نص كم هتديلو على دماغو و يتظبط معاك
و في الاخر استخير و توكل على الله و لو عاوز اي استفسار انا تحت امرك يا باشا
طبعاً الرينو بقت احلي واحلي بعد كلام حضرتك ولعلمك انا متفرقش معايا البلد والشركة والكلام دا
مهو فيه مرسيدس وفولكس تقفيل البرازيل هل معني كدا ان المرسيدس وحشة علشان برازيلي وشركات كتير جدا من ضمنهم البي ام فتحت مصانع في الصيين معني كدا ان البي ام هتبقي صيني
الي اهم في العربية واي عربية مش اللوجان بس قطع غيار متوفرة برة التوكيل وتبقي معمرة مش مضروبة ويبقي المكانيكية فاهميين فيهااااااااا مش تبقي حقل تجارب وبرضة اهم ميزة تمسك سعر عند البيع
لعلم حضرتك انا ميال للوجان بس تاريخ الداتشا او الرينو مش حلو في مصر .للاسف الناس الي قبلنا عملوا سوق للياباني والكوري وهوا دا الي خلاهم مطلوبيين اوي في مصر عكس دولة زي الكويت مثلاً الكوري والياباني ملوش اي لزمة والي يشتري عربية كوري بياخد تريقة اكنه راكب حنطور او تكتك مش عربية
العملية بقت مرتبطة بسمعة العربية وقطع الغيار وسعر بيع وبس
وربناااااااا يستر علي الي جاااااااااي بعد كدااااااااااااا