تجربة قيادة لامبورجيني جالاردو (هل حاولت ترويض الثور الهائج؟)
رغم اني قمت بتجربة قيادة لسيارات كثيرة منها ما هو اقوى من الجالاردو الا اني كنت انتظر هذه التجربة بفارغ الصبر، والسبب اني من عاشقي اللامبورجيني (بكره فيراري على فكرة)، التجربة دي كانت في صيف 2009 في السعودية وتحديداً في حلبة الريم الدولية (85 كيلو غرب الرياض).
أولى الخطوات كانت محاضرة من مدربي أكاديمية لامبورجيني عن السيارة وطرق القيادة على مضمار الحلبات وبعد كده نزلنا للمضمار لتجربة السيارة على الواقع، بصرف النظر عن الارقام اللي بتقول ان الجالاردو V10 وان ماتورها قوته 560 حصان الا أن التجربة على الواقع حاجة تانية السيارة تتسم بأداء رياضي للغاية وردود أفعالها قوية جدا ولن تستطيع انك تسيطر أو تاخد عليها الا بعد شوية.
طول الحلبة 3.8 كيلو والتجربة كانت عبارة عن لف الحلبة 4 مرات في البداية كنت اتعامل على أنها كسيارة عادية انقل على 5 rpm ولكن لانها من عالم تاني عداد لفات الماتور 10 فابتديت انقل على 7 وكانت المحصلة الاول 110 الثاني 160 الثالث 220 وحقيقة مقدرتش اجيب أكثر من240 وده كان اول الرابع.
لكن رغم القوة المفرطة والأداء المذهل الا ان السيارة لا تمت بصلة للراحة الكراسي واطية وناشفة جدا رغم ان خاماتها حلوة الا انها متعبة لو هتسوق لفترة طويلة غير ان تعليق السيارة ناشف جدا وكمان الدركسيون تقيل بس في النهاية دي week end car يعني معمولة لاداء رياضي مش أكثر أسيبكم مع الصور.
ده شكل السيارات قبل بداية التجربة
صورة للسيارة وهي على المضمار
أتمنى تكون عجبتكم التجربة
