اشترى جهاز قياس ضغط الاطارات منين و بكام ؟

**blackbird** · 27-12-2010 08:48 PM

السلام عليكم

معلش يمكن يكون سؤال غريب بس انا فعلا محتاجه.

انا كتير اوى الكاوتش عندى بيتخرم و اصبح عندى عقدة وتقريبا كل كام يوم بعدى على اى واحد بتاع كوتش او بنزينة اكشف على العجل وطبعا بدفع . ففكرت احسن اشترى العداد الصغير ده اللى عندهم واقيس بيه بنفسى ولو حسيت ان الضغط واطى اروح ازود . فياريت لو حد عارف الجهاز بيتباع فين وبكام واسمه فى السوق اصل اقول للبياع كلمة انجليزى ولا حاجة يفتكرنى زبون ويشتغلنى .

متشكر جدا

**mohabelnegm** · 27-12-2010 09:55 PM

أنا شوفته فى محل عدد و لوازم ورش و كان ب50 جنيه ايطالى و كان فيه نوع صينى بس مش فاكر كان بكام.

**sayed911** · 27-12-2010 10:20 PM

اعتقد افضل حل لحضرتك مدام عندك وسواس ضغط العجل ده انا بقترح على حضرتك المقياس مع المنفاخ بيجوا الإتنين في جهاز واحد بيركب على ولاعة العربية وسريع وجميل لو حضرتك تحبهم بيجيو الإتنين مع بعض واعتقد دول ممكن تلاقيهم في شارع دمشق - ميدان الجامع اعتقد ها تبقى عملية بالنسبة لحضرتك اكتر م المقياس فقط ..

**A. Ibrahim** · 27-12-2010 10:36 PM

انا اشتاريت جهاز ديجيتال و فيه حاجات جتير من راديو شاك ب 75 و جامد جدا
tire pressure gauge
وده لينك لجهاز تاني لنفس الغرض

**ahmed_h_g** · 28-12-2010 09:35 PM

أنا أشتريت المقاس العادى زى اللى عند بتوع الكاوتش ب25 جنيه من محل عدد فالتوفيقية

**sayed911** · 28-12-2010 10:22 PM

طيب يا جماعة مفيش حد يعرف اللي هوة المقياس والمنفاخ بكام اللي بيتوصل على ولاعة العربية حتى على اقل تقدير نملئ بيه الكاوتش حتى عشان مينمش ونبقى مطمنين واحنا ماشيين ..

**wael ahmed** · 28-12-2010 10:42 PM

فيه واحد فى الحى السابع= مدينه نصر اسمه عمرو بدوى بتاع زبط زوايا عنده الجهاز ده ديجيتال ب 40 جنيه بس تقريبا صينى ....

**mohamedtahaab** · 28-12-2010 10:46 PM

المشاركة الأصلية كتبت بواسطة sayed911

طيب يا جماعة مفيش حد يعرف اللي هوة المقياس والمنفاخ بكام اللي بيتوصل على ولاعة العربية حتى على اقل تقدير نملئ بيه الكاوتش حتى عشان مينمش ونبقى مطمنين واحنا ماشيين ..

كلام جميل .... ياريت ياجماعة لو حد عنده معلومة ...يفيدنا