المشاركة الأصلية كتبت بواسطة mok3336
السلام عليكم
أزيكم يا رجاله ولا حد عبرني ولا سئل عني و قالي أنت عملت إية
معلش شكلكم مشغولين
المهم
أنا أتصلت بمهندس التوكيل و قالي أنه لسه أنهرده باديء شغل في العربية و ربنا يسهل و تخلص علي طول لكن علي أسوء تقدير هتاخد 10 أيام شغل
ان شاء الله تستلم على خير يا فندم , والعربية ترجع احسن من الاول
إن شاء الله بقي عايز أول ما أستلم ( فستكة ) هي أسمها كده
عايز أصالحها بشوية هدايا كده وعايزكم تقولولي أعملها أزاى أو إيه تفاصيلها
1- هركب ستائر كبس ( بربيز ورى و شباكين )
بس هما طبقتين و حاسس أنهم تقال فهخليهم طبقة واحده ( عاملين 80 جنيه )
إية رأيكم فيهم ولا أجيب الستائر ايلي بتتعلق علي الأزاز ايلي عامله زى المروحة ؟؟
شوفت ستائر ركبها زميلنا كانت تحفة , بتتحط على الباب من جوة وبتتشد بالجنب , وفى ثانية بتتلم , بس دى غالية , مش عارف ركبها تقريبا ب350 بس تحفة بجد
2- عايز أغير إضائة العربية بأقوى يعني
1- عايز أركب لمض قوية في الكشاف و كذلك في الفوجات
فإية هي الأنواع ايلي ممكن تركب و هل هتحتاج كتاوت ولا لأ
موضوع اللمض اللى فى الكشاف , اللى اعرفه انها متزدش عن 55 واط , ولو زادت بكتير يبقا حتدخل فى قصة كتاوت ,
ولو هتحتاج كتاوت هل ده فيه مشكلة لضمان الكهرباء للعربية
الكتاوت واى شغل كهرباء بره التوكيل بيخرج من الضمان , الا لو قلبك جامد بقا وعاوز تغامر
ملاحظة ( في التوكيل و أنا بسلم العربية لقيت لمض أوزرام ب 220 و سئلت عليهم قالولي بتركب من غير كتاوت ولا أى حاجة )
اللمض الاوسروم انتشرت ولمض محترمة والمانى على فكرة , وكانت فى الاول ب160 معرفش السعر اللى بتقول عليه ده الجديد ولالا , ودى بتركب على طول من غير كتاوت عشان هى هى نفس واط اللمض اللى راكبة عندك
و بالنسبة للمض الفوجات عايزها أقوى شوية ( هل ينفع أركب اللمض بتاعت الكشاف في الفوجات ؟؟ )
3- هركب سرينه شرطة هي عمالة 300 جنيه من غير ميكروفون بس مش عارف تركب أزاى دي ؟؟
( و محدش يقولي ممنوعة أنا خلاص رميت طوبتها عشان ايلي بيمشي جنب الحيط الحيط بتقع عليه )
السرينة مخالفة من المرور فخالى بالك , ومعرفش ايه قصتها وبتركب ازازى بصراحة
4- عايز أركب نيكل حولين داير الشباك ( الحلق كله ) و كمان علي الجرايد ( زى السوبر صالون )
بيشوى رد وافادك فيها
5- عايز ألزق شوية إستيكر صغير كده علي العربية يعني gtr و الحجات دي و عايز اعمل النيكل ايلي علي باب التانك
موضوع الاستيكرات مش محبز على الصنى الا فى التنك فقط ومش اى شكل كمان , لان العربية دى كلاسيكية جداا
ياريت تسعدوني في الحوار ده
و ايلي مش ممكن يتعمل تقولولي عليه عشان مبوظش العربية و شكرا و إن شاء الله أول ما يحصل جديد في موضوع العربية هبلغكم