الموضوع: أخر أخباري

المشاركة الأصلية كتبت بواسطة MOK3336

السلام عليكم
أزيكم يا رجاله ولا حد عبرني ولا سئل عني و قالي أنت عملت إية
معلش شكلكم مشغولين
المهم
أنا أتصلت بمهندس التوكيل و قالي أنه لسه أنهرده باديء شغل في العربية و ربنا يسهل و تخلص علي طول لكن علي أسوء تقدير هتاخد 10 أيام شغل

إن شاء الله بقي عايز أول ما أستلم ( فستكة ) هي أسمها كده
عايز أصالحها بشوية هدايا كده وعايزكم تقولولي أعملها أزاى أو إيه تفاصيلها
اهلا بيك و ان شاء الله العربية هتخلص علي خير و هتبقي 100%
عايز اقولك الموضوع مش ان احنا نسيناك ولا حاجه .. الموقع بقاله كتير بايظ و مكانش شغال و الردود مكانتش بتنزل علي الموقع و لا كان ممكن نعمل مواضيع جديدة بسهولة لكن الحمدلله السيرفر الجديد اشتغل علي خير
1- هركب ستائر كبس ( بربيز ورى و شباكين )
بس هما طبقتين و حاسس أنهم تقال فهخليهم طبقة واحده ( عاملين 80 جنيه )
إية رأيكم فيهم ولا أجيب الستائر ايلي بتتعلق علي الأزاز ايلي عامله زى المروحة ؟؟
انا اشتريت الستائر الكبس فعلا و كانت طيقتين و شيلت طبقة منهم لكن برده رؤيتها مش حلوة بالذات لو بتركن في حتة ظالمة لكن الكبس في الجنبين رائع خصوصا في السفريات فشيلت اللي علي الزجاج ورا و جبت ستارة من التوكيل من غير عماويد بس مش فاكر كانت عاملة كام بس حلوة

2- عايز أغير إضائة العربية بأقوى يعني
1- عايز أركب لمض قوية في الكشاف و كذلك في الفوجات
فإية هي الأنواع ايلي ممكن تركب و هل هتحتاج كتاوت ولا لأ
ولو هتحتاج كتاوت هل ده فيه مشكلة لضمان الكهرباء للعربية
ملاحظة ( في التوكيل و أنا بسلم العربية لقيت لمض أوزرام ب 220 و سئلت عليهم قالولي بتركب من غير كتاوت ولا أى حاجة )
و بالنسبة للمض الفوجات عايزها أقوى شوية ( هل ينفع أركب اللمض بتاعت الكشاف في الفوجات ؟؟ )
عربيتي 2009 الشكل القديم و النور حلو فيها لكن معنديش خبرة بموضوع اللمض لكن انا قررت قريب اني اركب زينون في الفوجات فقط

3- هركب سرينه شرطة هي عمالة 300 جنيه من غير ميكروفون بس مش عارف تركب أزاى دي ؟؟
( و محدش يقولي ممنوعة أنا خلاص رميت طوبتها عشان ايلي بيمشي جنب الحيط الحيط بتقع عليه )
ركب و عيش يا عم بس لو تركبها في التوكيل يبقي افضل عشان الضفيرة لو هياخد منها
4- عايز أركب نيكل حولين داير الشباك ( الحلق كله ) و كمان علي الجرايد ( زى السوبر صالون )
اعتقد ان ممكن تركب النيكل حوالين الشباك لكن مش هينفع خالص خالص انك تركب في الجرايد زي السوبر صالون لأني جربت اعملها لاقيتها انها هتكون بارزة و شكلها مش عاطفي خالص
5- عايز ألزق شوية إستيكر صغير كده علي العربية يعني gtr و الحجات دي و عايز اعمل النيكل ايلي علي باب التانك
لو شوفت الموضوع بتاع الاسبويلر هتلاقي اني حاطط علي التانك علامة نيسان حلوة .. لو عجبتك هتلاقيها بكل سهولة .. اما بالنسبة للاستيكرز حاول انها تكون simple عشان متكونش over علي العربية

ياريت تسعدوني في الحوار ده
و ايلي مش ممكن يتعمل تقولولي عليه عشان مبوظش العربية و شكرا و إن شاء الله أول ما يحصل جديد في موضوع العربية هبلغكم
مستنيين تقريرك بعد استلام العربية و الف مبروك مقدما

مبروك مقدما على التصليح
وان شاء الله تخلص على خير
وانا من رايى بدل ماتركب سرينة(مش علشان المخالفات ولا حاجة لان التكاتك والموتوسيكلات الصينى دلوقتى مركبنهم)
ركب زينون احسنلك عالى وواطى تقريبا فى لمبة واحدة علشان انتا معاك الشكل الجديد
ويسلام لو انتا كملت جميلك وركبت الفانوس اللى ورا ليدات
جاااااااااااااااااااااااا مد على العربية وخصوصا لو لونها غامق
وهما عاملين حوالى 1000ج
وزى ماقال بيشوى حاول انك تخلى الاستيكرات خفيفة ومختلفة
وربنا يوفقك للخير ان شاء الله

يعني إنتم شايفين أنى
1- أركب الستائر عادي
2- النواكل و الإستيكر يبقي خفيف
3- السرينه ( لو هتتركب يبقي في التوكيل ) طيب لو التوكيل مش بيركبها يبقي إية الحل ؟؟

طيب دلوقت الإضائة
هل الفوجات لو ركبتلها لمض زينون بيبقي ليها جهاز برضة زى الزينون بتاع الكشافات ولا دي لمض بس ؟؟؟
وهل بيركبلها كتاوت ولا إية ولا إية ؟؟؟
ولو هركب زينون في الكشافات مش المفروض يبقي فيه عدسة ؟؟ وعشان يبقي شكله محترم يبقي فوق العدسة رينج ؟؟؟
ولا أنا غلطان ؟؟؟
طيب أنا معنديس عدسة ؟؟؟ و مش مستعد أفتح الفانوس الأصلي عشان أركب رينج و عدسة
يبقي إية الحل ؟؟
طيب و الفاونيس الليد دي الأثنين بـ 1000 ؟؟
و بيبقوا شغالين تمام و لا هتبقي فلوس علي الفاضي ؟
و طبعا هشيل الأصلين و أشيلهم في كرتونه عندي صح ولا إية

أنا كنت في التوكيل أنهرده و دخلت الورشة
و هناك الصنيعية أفضل من 1000 مهندس في الزوق و معامله الواحد
و غلبتهم أسئلة و بيردوا عليا بكل إهتمام و زوق بجد ربنا يبالك لهم ( بعكس المهندسين )
المهم لقيته شغالين فيها و تقريباً خلصوا سمكرة و هيبدؤ في الدوكو ( كان لسة المعجون محطوط تقريباً )
و المفاجئة ( لقيت في أمر تشغيل العربية أن في شغل سمكرة و دوكو في الباب ؟؟؟ أزاى )
الناس ايلي شغاله قالت و الله ايلي بيجلنا مكتوب أحنا بنعمله
و المهندس قلينا أعملوا الباب؟؟؟
فامش عارف أتصرف أزاى و أنا متأكد أن الباب مكنش فيه حاجة أساسا و أزاى يشتغوا فيه من غير ما يقولولي ؟؟ )
بجد أنا ندمان إني وديتها التوكيل و بجد لا قدر الله حصل أى حاجة تاني عمري ما هروح تاني هناك
كفاية المهندس بيحسسك أنك بتشحت منه لما تيجي تسألو عن حاجة