الموضوع: اقـــتـراح بـخـصـوص الـتـقـاطـاعـات و الاشـارات الـكـبـيـرة ...؟؟!!

المشاركة الأصلية كتبت بواسطة tutankhamoun

أستاذ أكسل ....... أنا مش زعلان و مكنتش زعلان و أنا برد على موضوعك.

و أخدت بالي من قصدك 100 %
حضرتك اللي ما أخدتش بالك من قصدي

تعالى يا فندم أشرحلك قصدي بالتفصيل .

حضرتك بتقترح بناء كباري لحل الأزمة المرورية في الميادين و التقاطعات الكبيرة

ما هو ده اللي الحكومة بتعمله علشان تحل أزمة النهاردة .......... و بعد كام سنة الأزمة بترجع تاني علشان أساس و أصل الأزمة ما تمش معالجته !

القاهرة أصبحت من أكبر مدن العالم بها كباري

الحل

أنك تشوف أيه مسبب الأزمة (عدد سيارات كبير لشوارع لم يتم تصميمها لأستيعاب هذا العدد )
مع غياب النظام لدى أفراد الشعب نتيجة لحاجتين (اخلاقيات الناس - و عدم وجود قوانين للحكم بينهم )

حضرتك بتقولي على موضوع المواصلات و أني مش هاسيب عربيتي علشان أركب مواصلات
لاءة يا فندم أنا مش بروح الشغل كل يوم بعربيتي ........ و بسيبها مركونة تحت البيت علشان ما احرقش أعصابي مع السواقين في الشارع .
و الحمد لله الشغل موفر وسيلة مواصلات بروح بها كل يوم ..........
علشان كدا قلت الحكومة توفر وسائل مواصلات
شوف أنت عشر عربيات على الطريق ............ لو سابوا عربياتهم و أخدوا ميكروباظ على سبيل المثال
يبقى أنت كدا حلت جزء كبير من المشكلة
(و أنا قصدي الحكومة توفر وسائل مواصلات آدمية و محترمة و بأسعار مناسبة و منظمة )
زي أوروبا بالظبط ......... أغلب الناس بتسيب عربياتها و تركب المواصلات
و كدا أوتوبيس كبير يلم 50 بني آدم .......... بدل ما يبقى فيه 50ز
عربية على الطريق .
ده الشق الأول من موضوع المواصلات .


بالنسبة للشق الثاني اللي أنا أتكلمت فيها و هو تقليل عدد العربيات

فيه بلاد في العالم بتشجع المواطن على عدم امتلاك سيارة بعد توفير وسيلة مواصلات بديلة محترمة و آدمية و طبعا فيه ناس طبيعة عملهم مش هاينفع معاها غير العربية و لكن أنا بتكلم على الغالبية العظمى
ممكن يبقى حضرتك عندك عربية و بتستخدمها في السفر و الخروجات العائلية .... إنما الذهاب لمقر العمل ممكن يكون بالمواصلات العامة المحترمة اللي هي تقريبا في الوقت حاليا مش متوفرة .
نيجي بقى لنقطة نبص للعد اللي جاي مش نقلل (الجملة اللي حضرتك أشرت اليها )
لو فيه ناس بتفهم صح في الحكومة
يبقى لما نبص للعد اللي جاي ........ يعني كارثة مرورية بتتحقق ببطئ على أرض مصر
أكتر من 400 ألف سيارة بيتم بيعهم في مصر و أحنا عايشين على 4 % من أرض مصر و بنزيد بأعداد رهيبة و كمان فوق ده كله
المدن اللي أحنا عايشين فيها ............. لم يتم تخطيطها أساسا و اللي مخطط منها لم يتم وضع في الحسبان هذا العدد من البشر و هذا العدد من السيارات .
يبقى الأتجاه يكون للتوسع الأفقي بالخروج من المدن القديمة وبناء مدن جديدة
و تقليل عدد السيارات و الأعتماد على المترو و القطارات و الأوتوبيسات (مواصلات بتأخد عدد كبير من الناس في حيز معقول )
إنما حل حضرتك حل مؤقت ... (مُسكن يعني ) مش حل جذري

كلمة نأخد ميدان المحكمة نوديه القاهرة الجديدة
هاعلقلك عليها

لو العدد قل .......... يبقى أنت كدا قللت المشكلة ...... يعني مش هاتحتاج تودي الميدان للقاهرة الجديدة
يبقى أنت وجهت مستخدمي الميدان لمكان جديد منظم و فاضي إلى حدا ما
فالمشكلة مش هاتحصل أصلا .........
و هاتلاقي ميدان المحكمة أصبح جميل لوحده من غير ما تنقله أي مكان



نقطة تاني أنا ما قلتش هاناخد العربيات من الناس ......... أنا قلت هانقلل اعتماد الناس على العربيات بتقليل المتواجد منها في الشوارع .......... عن طريق الأساليب اللي أنا شرحتها بأيجاز فوق
و السلام عليكم

المشاركة الأصلية كتبت بواسطة tutankhamoun

بالمناسبة اليابان مش بتطلع لحد ترخيص سيارة إلا لما يكون عنده مكان لركن السيارة
لو معندوش مكان لركن السيارة

مش بيطلعله ترخيص ..........ز و دي من أكبر مصنعين السيارات في العالم كمان

انا معاك في موضوع حرقة الاعصاب لأني انا ساعات بركن العربية و بنزل في المواصلات و في ناس كتيير بيعلموا كده مش 10 بس يمكن حضرتك تقدر تسيب العربية عشان الشغل موفرلك وسيلة مواصلات , في ناس بقي لو شغلهم مش موفر وسيلة مواصلات لهم و الشغل بعيد غصب عنهم لو معاهم عربية مش هيسيبوها زي ما حضرتك ذكرت تحت
و في ناس ساكنين في اماكن لازم يكون معاهم عربيات
و فعلا الحكومة هتنزل اوتوبيسات تشيل 70 راكب في الرحلة الواحدة
انا اتمني ان الحكومة تعمل عند كل موقف اتوبيسات باركينج عربيات
زي اللي هيعملوه عند الخطوط الجديدة بتاعت المترو عشان الناس تركن و تنزل تركب

العربيات عددها كبييرفعلا في شوارع تستحمل 600-800 الف عربية لأن الشوارع مكنش مخطط ليها من سنين طويلة بس التقسيط بقي
و هو ده اللي بيحصل الاتجاه للمدن الجديدة مع توصيل المواصلات ليها
زي مقولت لحضرتك الخطوط الجديدة للمترو و السوبر ترام اللي هيوصل للمدن الجديدة يا رب بس يتعملوا بسرعة
و يا استاذ توت عنخ امون لما يكون حل مؤقت لحين الانتهاء من توصيل المواصلات للمدن الجديدة بدل ما نفضل واقفين زي ما احنا مخنوقين
ثانيا و من ضمن اسباب الازمة سلوك الناس الي بقي لا يطاق يعني مش كله الشوارع الشوارع هي السبب مهو ممكن تبقي شوارع حارتين بس لكن منظمة لو الناس فكرت و التزمت و ساقوا صح و راعوا بعض و النزموا بالقوانين مش هيحصل حاجة الشوارع هتمشي عادي انما الناس كل واحد هامه انه يجري بالعربية و يزنق الناس و يعاند و الناس اللي بتحب تعدي في وسط الشارع و العربيات ماشية بدل ما يستنوا الاشارة تقفل
و لا الناس الليبتقف في وسط الشارع عشان يسلم ع واحد يعرفوا و في داهية الناس اللي وراه
و بالنسبة الدول الاخري عايز اقول حضرتك الدول ديه نفسها بيحصل عندها ازمات مرور و اشاراتهم بتبقي واقفة بالساعات سواء دول عربية او اوروبية و خاصة العواصم و المدن الكبري فيها
مينفعش نقارن بدول اخري في كل حاجة كل دولة ليها ظروف اه ممكن في حاجات تبقي زييهم لكن مش كل حاجة تنفع
و انا شايف ان الحل لعدد العربيات فعلا ان التقسيط يتقفل او يبقي اصعب للحصول عليه ده برده من اسباب الازمة
و الناس تحترم بعضها و يلتزموا شوية مش هيخسروا حاجة يعني لو التزموا
و زيادة اعداد الجراجات اللي انا شايف انها بدأت تبقي موجودة اكتر من الأول
و ي جراج ميدان التحرير متعدد الطوابق هيحل ازمة الركن في المنطقة ديه و ما حولها
ربنا يسهل
نورت يا باشا الموضوع :)