العزم مش شديد !!!

**ISLAMNOSSIR** · 28-12-2010 01:40 AM

صباح الفل يا وحوش
عندى مشكله فى الميجان مكنتش موجوده قبل كده و هى ان العربيه احيانا بتكون مفيش فيها عزم خالص يعنى كانها بتشد حاجه تقيله وراها و بعدين تمشى طبيعى و برده ساعات لما بيكون فى مطلع عالى او مطب عالى متعرفش تطلع عليه مع انى بكون جايب اخر دواسة البنزين
[overline]
يا ريت تفيدونى يا وحوش
[/overline]

**mmoneim** · 28-12-2010 11:00 AM

راجع على زيت الفتيس لانه لو ناقص بيحصل كده وزوده بسرعه لانه بيحرق الكلاتشات الداخليه وحتحتاج تعمل عمره واكشف عليه فى اى مركز صيانه

**ISLAMNOSSIR** · 28-12-2010 12:44 PM

المشاركة الأصلية كتبت بواسطة mmoneim

راجع على زيت الفتيس لانه لو ناقص بيحصل كده وزوده بسرعه لانه بيحرق الكلاتشات الداخليه وحتحتاج تعمل عمره واكشف عليه فى اى مركز صيانه

روحت كشفت على زيت الفتيس و الميكانيكى فك الطبه بتاعت العيار فنزلت حوالى ربع لتر فقلتلو مش هترجعو؟
قالى لأ دا زياده

**midohits** · 28-12-2010 02:12 PM

يابني موضوع العزم داه دي حاجة اساسية من اأساسيات الميجان :d
داه حاجة طبيعيه في اغلبيه العربيات ، ولحد دلوقت بقالي سنتين مش لاقي ليها حل
لو لقيت عرفني

**ecybrarian** · 28-12-2010 03:04 PM

انا الحقيقة ماعنديش مشكلة في العزم..بالعكس..انا بامشي بالراحة علشان لما بادوس بنزين زي الطبيعي في العربيات بالاقي العربية بتندفع جامد الحقيقة..مع العلم إني ساكن في المقطم (يعني طالع نازل)..انا معرفش حل مشكلة حضرتك تكون فين بالظبط..بس عموما اكشف على طلمبة البنزين والرشاشات..ولو العربية بتغيب في الدوارة اكشف على حساس السرعة

**ISLAMNOSSIR** · 28-12-2010 04:11 PM

المشاركة الأصلية كتبت بواسطة ecybrarian

انا الحقيقة ماعنديش مشكلة في العزم..بالعكس..انا بامشي بالراحة علشان لما بادوس بنزين زي الطبيعي في العربيات بالاقي العربية بتندفع جامد الحقيقة..مع العلم إني ساكن في المقطم (يعني طالع نازل)..انا معرفش حل مشكلة حضرتك تكون فين بالظبط..بس عموما اكشف على طلمبة البنزين والرشاشات..ولو العربية بتغيب في الدوارة اكشف على حساس السرعة

العربيه فعلا بتغيب فى الدواره
لكن غريبه ان العربيه بتندفع جامد لما تدوس بنزين دى اكيد مش ميجان طبيعيه

**ecybrarian** · 28-12-2010 04:31 PM

انا مشاكلي مع العربية في الجنوط (ثم الجنوط ثم الجنوط) وبعدين صوت التزيقة السخيفة مع الفرامل (إللي مالهاش حل بالمناسبة) بس انا باطنشها علشان اداء الفرامل عاجبني..اما عن الاندفاع فمحدش عدى مني على مطلع المقطم إلا بمزاجي..بس لو العربية ماليانة ناس الشد بيقبى اضعف ودا طبيعي..

كان في موضوع هنا قديم عن الفتيس dpo لو فهمت الكمبيوتر بتاع الفتيس بيشتغل ازاي هاتعرف امتى سحب العربية يبقى تقيل و امتى يبقى جامد

**Hany Saad** · 28-12-2010 05:40 PM

المشاركة الأصلية كتبت بواسطة islamnossir

صباح الفل يا وحوش
عندى مشكله فى الميجان مكنتش موجوده قبل كده و هى ان العربيه احيانا بتكون مفيش فيها عزم خالص يعنى كانها بتشد حاجه تقيله وراها و بعدين تمشى طبيعى و برده ساعات لما بيكون فى مطلع عالى او مطب عالى متعرفش تطلع عليه مع انى بكون جايب اخر دواسة البنزين
[overline] [/overline][overline][/overline][overline][/overline][overline]
يا ريت تفيدونى يا وحوش
[/overline]

ممكن قوى تكون طرمبة بنزين.....

**ecybrarian** · 29-12-2010 12:29 AM

كل العربيات الانجكشن الطلمبة فيها تحت الكنبة في نفس الجنب بتاع فتحة التانك..الطلمبة استيراد بالعوامة بتعمل بتاع 700 جنيه..والطلمبة فقط الجديدة bosch بتعمل 230 جنيه..بس خللي بالك الطلمبات بتفرق في الضغط بتاعها بالبار PSI.. مش عارف طلمبة بنزين الميجان كام بار الحقيقة..وخللي بالك فك الطلمبة دي بعدة خاصة..يعني مايضربش مفكين ويلف وشغل العك دا..واهم حاجة لازم تعرفها إن الطلمبة دي في قلب تانك البنزين..يعني تروح تعملها والتانك مش full وممنوع السجاير او قفلة كهربا اثناء الشغل في العربية...

الموضوع: العزم مش شديد !!!

LinkBack

أدوات الموضوع

عرض

-

-

-

-

-

المواضيع المتشابهه

العزم شديد والقوة حديد !!

العزم

ليه العزم بيقل ؟

مشكلة ضعف العزم ؟

حد يقول لي الموتور احسن له العزم ولا hp ولا التوب سبيد و العزم علي الrpm

الكلمات الدلالية لهذا الموضوع

المفضلات

المفضلات

ضوابط المشاركة