انقذوا هذه السمكه....... للى بيفهم فى سمك الزينه

**samo9992003** · 28-12-2010 03:16 AM

[IMG][/IMG]
[IMG][/IMG]
[IMG][/IMG]

ياجماعه ياريت اللى بيفهم فى السمك يفهمنى كل حاجه عن السمكه دى
انا باكلها بتاع كده شبه الخرز يعنى احطلها كام واحده فى اليوم
عاوز اعرف سنها وعاوز اعرف دكر ولا نتايه

**النوبي** · 28-12-2010 03:45 AM

دي جولد فيش
دي بتاخد خرزه واحده في اليوم
بس مش عارف هل ينفع تعيش في الزجاجه الصغيره دي ولا لا
ايفو ممكن يعرف
خلي بالك متغيرش الميه مره واحده وخليها علي مراحل علشان السمكه ممكن من تغيير الميه تموت

**samo9992003** · 28-12-2010 04:02 AM

اولا هيا عايشه كده بقالها بتاع عشرين يوم
ثانيا انا بحطلها بتاع عشر خرزات كل يوم
ثالثا بغيرلها الميه كلها مره واحده كل تلات ايام

**tarekzein** · 28-12-2010 01:28 PM

المشاركة الأصلية كتبت بواسطة samo9992003

اولا هيا عايشه كده بقالها بتاع عشرين يوم
ثانيا انا بحطلها بتاع عشر خرزات كل يوم
ثالثا بغيرلها الميه كلها مره واحده كل تلات ايام

أولا مبروك عليك الفانتيل

ثانيا كتيير قوى عليها عشر حبات وزى ما قال الساده الزملاء

مهما تحط أكل هتاكله برضه وده غلط عليها

والتنويع فى الأكل مطلوب

بس خد بالك من أهم حاجه عند تبديل الميه

لازم تكون مركونه فى حاجه نضيفه مكشوفه لمده 24 ساعه عشان كل الكلور اللى فى الميه يطير

وآخر حاجه أفتكر أنك بتربى روح

وهتتسئل عنها فى الآخره وعشان كده لازم تعرف كل حاجه عنها

وده لينك موقع من أقوى المواقع فى تربية سمك الزينه

الموضوع بحره كبير جدا

منتدي أسماك الزينه العام - منتدي رابطة محبي الحيوانات

**heshamzaky** · 29-12-2010 12:14 AM

السمكة دى فانتيل زى ما الاخوة قالو تمام بس معلش أنت خانقها فى الكورة الزجاج دى الفانتيل بيكبر بسرعة و انت كدة خانقا بجد حطها على الاقل فى حوض مستطيل و ليس مدور أقلة 40 سنتى و موضوع ذكر أو أنثى مش سهل التفرقة بينهم الا لما السمكة تكبر و تنضج و مفيش علامات خارجية تدل على النوع بيبان ساعت لما تيجى تتجوز من المغازلة و و تفريخها بالمسبة للهاوى مش سهل و لة طريقة معينة و علشان صحتها تبقى كويسة عند بتوع سمك الزينة بيبيعو دود حى مخصوص للسمك أكلها مرة فى الاسبوع دود علشان تكبر و أشترى دوادة حاجة يلاستيك زى القمع مخرمة بيتحط فيها الدود الراجل حا تلاقة عارفها الاكل المجفف كأنك بتأكل واحد على طول لانشون و معلبات الدود غذاء ممتاز ليها و لاى سمك زينة

**samo9992003** · 29-12-2010 05:04 PM

طبعا الف شكر للكل على الردود بس اجيبلها الاكل ده منين فى اسكندريه

**Car's Sniper** · 29-12-2010 05:59 PM

لما كنا بنأكل السمك كتير كان بيقعد ينط برة المية ونلاقيه خرج من الحوض ومات

**heshamzaky** · 29-12-2010 06:19 PM

المشاركة الأصلية كتبت بواسطة Cars Sniper

لما كنا بنأكل السمك كتير كان بيقعد ينط برة المية ونلاقيه خرج من الحوض ومات

الاكل الكثير مالهوش علاقة بأن السمك يقفز خارج الحوض الانواع الى بتقفز خارج الحوض اسماك معينة مثل ال سورد فيش

**sarah5** · 29-12-2010 06:26 PM

تأكلها مرة واحدة يوميا ويفضل في معاد ثابت خرزة او خرزتين علي الاكثر وتغير المياه كل اسبوع وهاتلها بلورة مدورة بيبقي شكلها احلي لو عملت كل ده هتعيش معاك ممكن لحد 3 سنين وبالنسبة للاكل بتاعها بيتجاب من نفس المحل اللي اشتريته منها وبيفضل لمدة سنة

-

الموضوع: انقذوا هذه السمكه....... للى بيفهم فى سمك الزينه

LinkBack

أدوات الموضوع

عرض

-

-

-

-

المواضيع المتشابهه

انقذوا البلد

الى اهل الخبره فى اسماك الزينه

نباتات الزينه الصناعيه

حد عنده فكرة عن سمك الزينه؟

قصه السمكه

الكلمات الدلالية لهذا الموضوع

المفضلات

المفضلات

ضوابط المشاركة