وداعـــاً أوبترا سيارتى الأصيلة

**أبو عمار** · 28-12-2010 11:23 AM

الحمد لله يا جماعة بعت عربيتى الأوبترا بعد 3 سنوات و نصف من العشرةو الذكريات الجميلة و الحقيقة كانت فيهم نعم الصاحب و وش السعد على من يوم ما جبتها ليوم ما بعتها حتى بيعتها كانت زى النسمة و الله كعادتها معى ... كفاية كده أحسن خلاص الدمعة هتفر من عينى

المهم عربيتى كانت 2007 أوتوماتيك فابريقة برة و جوة و غيرتلها 4 فرد كاوتش و بطارية من شهرين بالكتير و عاملة 51000كم و بعتها بـ 70750 أخدها منى دكتور أسنان ربنا يبارك له فيها و يكفيه شرها

و بعتها لإنى بفكر أجيب فانتازيا مع العلم إن عربيتى كانت نعمة و فضل بس أهو نجرب الألمانى و ربنا يوسع على الجميع

و طبعا منتدى الشيفروليه دى بيتى التانى و رابطة الشيفروليه إخواتى و الله و مع إنى ماليش مواضيع كتيرة و لا مشاركات بس دايما بتابع و هتلاقونى معاكم على طول

فى النهاية ربنا يبارك لكم فى عربياتكم جميعا و يوفقنا لرضاه و يرزقنا شكر نعمته

**abou-yahia** · 28-12-2010 02:22 PM

ربنا يبارك لك
يارب يوفقك للخير ان شاء الله
ياريت مش تنسانا اهوه انت خبره برضك بالعربيه ذي ما انت قلت عشره
احنا حنضل اخوات باعتبار الذي مضي
وشكرا

**ecybrarian** · 28-12-2010 03:09 PM

بارك الله فيمن باع ومن اشترى..ولما تجيب الفانتازيا ابقى اديني لفة :-)))

**ahmedaglan** · 28-12-2010 06:04 PM

ياباشا الف مبروك مقدما وربنا يكفيك شر الناس وشر نفسك قوووووووول امين

**ramy01011** · 28-12-2010 06:35 PM

تصدق واحد صحبي كان معاة اوبترا 2006 هاتش باك و كان بيحيها جدا بس حصلت له ظروف كدة و بعها بعد سنتين و بعد فترة ظروفه الحمد لله اتحسنت تاني رجع اشتري نفس عربيته تاني هي موش معايا اوبترا بس بصراحة كل اللي اعرفهم معاهم العربية دي بيحبوها بس يا سيدي الاوكتافيا اوكتافيا بردو و ان شاء الله يكون ليك معاها زكريات احلي و احلي