خبر جديد هيكسر الدنيا عن سحب الكارنز
أعضاء المنتدي الكرام ،،،
قرأت كثيرا عن الكارنز في المنتدي و بالنسبة لسحبها و تكييفها و لكن إليكم تجربتي الخاصة علي كارنز اتوماتيك بيزلاين وكيل موديل 2010 :-
أولا :-
في أعضاء كثير بيقولو عليها تقيله في السحب لدرجة انه في عضو قال انها عاملة زي 128 بتعته :11:.
بصراحة انا كنت راكب كارنز الليلة البارحة و بصراحة انا ناوي اشتريها فحبيت أعمل تجربة بنفسي أخيرة علشان اطمن و اخلص .
1- ركبت العربية و قلتلها يا انا ياانتي النهارده ،،، و بدءت امشي و طلعت بيها طلعة عادية طبعا علي الاوتوماتيك و شديت بيها شوية لقيت الطلعة معقولة .
2- هديت شوية لغاية سرعة 40 كم و بعدين رحت كابس الدواسة تقريبا لغاية النص ( يعني مش للاخر ) لقيت استجابة جميلة جدا و العربية صقتت غيار و كمان طولت في النقلة و جريت :colsmil:.
3- هديت تاني لغاية سرعة 40-50 و إليكم المفاجئة الجميلة ده ... كبست بدال البنزين مرة واحدة للاخر لما الدواسة كانت في قلب الماتور تقريبا ( ها ها ها ) العربية صقتت غيار للأول ( خلي بالكو اني كنت علي 40-50 ) و بدأت في التسارع من الأول و إتنفضت العربية نفضة و جريت زي الصاروخ و العربية طولت في النقلات زيها زي المانيوال ( و العربية حرقت علي الغيار ) و خذت بيها شوية غرز و هي بترجي و بصراحة لقيت رد فعل منها ممتاز و ثبات ميه ميه:F_eyeb1[1]:.
طبعا انا تقلت عليها بزيادة بس انا عايز اتأكد بنفسي من كل حاجة و التسارع 10/10 و لا أنصح احد بعمل ما عملته كثيرا لانه بيرهق الماتور:O_stupid[1]: .
علي فكرة العربية ده كانت عاملة 3200 كم بس موديل 2010 و طبعا التجربة تمت بدون تكييف و لما شغلت التكييف و عملت نفس التجربة تاني لقيتها فعلا تقلة شوية بس مش زي ما إتقال 128 الاداء إختلف و لكن برده جريت بعد ما اخدت مدة شوية بس تقييمي ليها انها تحفه و علي فكرة انا سمعت ان موديلات 2011 نازلة بجير بوكس جديد 6 سرعات و للسيراتو المايوال 7 سرعات ( 6 امامي و واحد خلفي ) .
[OVERLINE]معلش انا اسف لو طولت عليكو بس الموضوع ده اتقال فيه ما فيه الكفاية[/OVERLINE] .
و علي فكرة انا كمان لسة ما جربتش الفتيس و هو علي الستب ترونيك و أكيد طبعا هلاقي اداء أحسن.
العربية زي الفل و عائلية و 10/10
و يا ريت نفسي اسمع رد معاليكم عليا إذا كنت غلطان .
و شكرا لوقتكم