عرض للطباعة
الحمد لله يا جماعة نويت على الفانتازيا بعد متابعتى لمواضيعكم الجميلة , نويت أجيب أول فئة أتوماتيك وكيل و بإذن الله أستلم الأسبوع القادم
محتاج نصائحكم حول
أحب أشكر المنتدى على روحه الحلوة و أعضاءه المحترمين و خصوصا و ليس على سبيل الحصر ,khaled Ayman ,Inspirion,Fadi ezzat ,modiabbas,atefjerry,amroebrahim
- أحسن لون ( أنا محبز الأسود لإنى كان نفسى أجيبه فى الأوبترا (عربيتى السابقة)
- إيه إللى هستلمه مع العربيه
- نصائح التليين
- ودعواتكم طبعا أهم من أى حاجة
م/عبدالوهاب
بالتوفيق ان شاء الله
ان اللون الرصاصي لغامق فيها تحفة بصراحة و مبيتوسخشي بسرعة علي عكس الاسود
شكرا يا أخى على ردك و فعلا إنت معاك حق اللون ده أنا فعلا بفكر فيهاقتباس:
المشاركة الأصلية كتبت بواسطة hamdy
انا بحب فيها السيلفر ومشتقاته... عشان الدواخل بتبقى سودا ف بحس الكونتراست ده حلو... كمان العربية سوكها فيها تفاصيل مش حاسسها هتبان في الاسود... وربنا معاك والقرار الأخير ليك ان شاء الله
الف مبروك مقدماً
الفانتازيا رصاصي أو أبيض فقط (من وجهة نظري)
الإثنين وهم بصراحة الأبيض مع الفاميه والسبويلر حاجة تانية
والرصاصي أيضا روعة بما تحمله الكلمة من معنى
ألف مبروك يا غالي
http://up.ahlalalm.info/photo1/1DN79656.jpg
http://up.ahlalalm.info/photo1/r9l79656.jpg
هقول ايه بعد ال الرجاله قالوه مفيش كلام .
ربنا يعطيك خيرها مقدما ونصيحه الفضى وتفيمه بصراحه وهم مع اوكر نواكل مفبش بعد كده
بالتوفيق بس ابعد عن الاسود انا كرهت اللون ده على الفانتازيا لانتشاره الغير مبرر
تقبل مرورى
اولا الف الف مبروك مقدما وربنا يكفيك شرها ويديك خيرها باذن الله
وبما انك من اسكندرية انا بنصحك تشتريها من اباظة ناس محترمين جدا
وانا بصراة بفضل اللون الرصاصى الغامق
تحفة عليها
وربنا يوفقك للخير باذن الله
مبروك مقدما
اللون الفضي مناسب جدا لمصر حيث لا يتأثر بالاتربة مثل اللون الاسود. كما لا تظهر فيه الخدوش الغير عميقة.
الحمد لله ربنا وفقني و جبت اول فئة اوتو .. السيارة رائعة خاصة من ناحية الثبات على السرعات العالية انا بقارنها بالكرولا بتاعت المدام . عيب الفانتازيا الوحيد البطئ عند بداية التحرك لوزنها الثقيل على الموتور 1600 cc .
بالنسبة للتلين مفروض ان الموتور لايحتاج الى تلين ولكن يفضل عدم زيادة ال rpm عن 3000 خلال ال 1000 كم الاولى
شكرا يا جماعة على ردودكم و نصائحكم الغالية و بخصوص اللون بناءاً على آرائكم كنت طالب اللون الفيرانى بس دوخت عليه فى أكثر من مكان و كان نصيبى فى الأسود فى النهاية
بصراحة يا جماعة اللون عليها فخم جدا و برستيجه عالى أوى بس محتاج محافظة
الفضى و البستاج جميل جدا بس انا طالع من فضى فقلت أغير و النصيب كان غلاب
الحمد لله إستلمت العربية يوم الخميس و سافرت بيها القاهرة النهارده صد رد و بسم الله ما شاء الله على الثبات و الإحساس بالأمان العالى جدا بصراحة فارقة كتير عن الأوبترا و الكورولا فى السفر و المشاوير الطوالى تحس إنها عايزة تفتح و ما بتحبش الزحمة
كمان عفشتها ممتازة و بتاعة شقى و عالية عن الأرض تحس إنك داخل على المطبات بثقة
كمان قبل ما أنسى إستهلاك البنزين ممتاز أوى أنا سافرت اليوم من إسكندرية -المعادى-المهندسين-إسكندرية بتقريبا نصف التانك
وبعدين مش عارف الناس بتقول عليها مش مريحة إزاى العربية قمة فى الرفاهية و الراحة
و سأوافيكم بملاحظاتى أولا بأول
الحمد لله يا جماعة ربنا يرزقنا جميعا شكر نعمته
عربية رائعة اختيار موفق" ربنا يباركلك فيها
الف الف مليون مبروك ...ومفيش داعى للشكر يا باشا كلنا اخوات
انا شايف ..لو ناوى خليجى ..يبقى ابيض ..
لو ناوى وكيل يبقى فيرانى (مفيش ابيض وكيل)
ومبروك مقدما
الله يبارك فيكم جميعا
خالد بك أيمناقتباس:
المشاركة الأصلية كتبت بواسطة khaled ayman
هو فعلا التوكيل مبينزلش اللون الأبيض؟
وهل الخليجي له ضمان في التوكيل؟
معلش ياجماعة عايز رأيكم في موضوع .. أنا استلمت سياراتي في اول فبراير 2010 ونظرا لظروف عملي و السفر المتكرر للخارج
فان استخدامي للسيارة بسيط جدا وقد ركنت السيارة بدون استخدام فترة تقارب على خمسة اشهر و في اجازة العيد الكبير الماضية نويت السفر لشرم ولذلك غيرت زيت الموتور بزيت موبيل ون قبل السفر وكل شئ تمام
السيارة الان عاملة 3700 كم فقط .. المشكلة اني اليوم ذهبت لمركز الصيانة التابع لنور الشريف بالطريق الصحراوي الاسكندرية
القاهرة لعمل الصيانة الاولى لنظرا لاني سوف اركن السيارة بعض الوقت للسفر فوجئت بمهندس الصيانة هناك (اسمه فكري)
يخبرني بان السيارة تعتبر خرجت من الضمان لاني غيرت الزيت خارج المركز طبعا انا اعترضت بشدة و لكن بدون فائدة
فما رأيكم في هذة المشكلة وبماذا تنصحوني
دا نصب علنى , يعنى ايه بره الضمان علشان غيرت الزيت بره التوكيل؟؟ كلام فارغ غير مقبول , كلم الادارة لو رفضوا كلم ادارة ارتوك اوتو و اشتكيهم لو رفضوا على جهاز حماية المستهلك و اعملهم فضيجة!!!اقتباس:
معلش ياجماعة عايز رأيكم في موضوع .. أنا استلمت سياراتي في اول فبراير 2010 ونظرا لظروف عملي و السفر المتكرر للخارج
فان استخدامي للسيارة بسيط جدا وقد ركنت السيارة بدون استخدام فترة تقارب على خمسة اشهر و في اجازة العيد الكبير الماضية نويت السفر لشرم ولذلك غيرت زيت الموتور بزيت موبيل ون قبل السفر وكل شئ تمام
السيارة الان عاملة 3700 كم فقط .. المشكلة اني اليوم ذهبت لمركز الصيانة التابع لنور الشريف بالطريق الصحراوي الاسكندرية
القاهرة لعمل الصيانة الاولى لنظرا لاني سوف اركن السيارة بعض الوقت للسفر فوجئت بمهندس الصيانة هناك (اسمه فكري)
يخبرني بان السيارة تعتبر خرجت من الضمان لاني غيرت الزيت خارج المركز طبعا انا اعترضت بشدة و لكن بدون فائدة
فما رأيكم في هذة المشكلة وبماذا تنصحوني
السلام عليكم و رحمة الله و بركاته
ألف مليون مبروك و ربنا يباركلك فى العربية الجديدةو يملهالك خير و بركة و يرزقك خيرها و يكفيك شرها .
أنا بصراحة , حبيت أنى أستفيد من تجمع خبراء السكودا أوكتافيا و الفانتازيا هنا و أستفسر عن حاجة مؤرقانى من مدة .
أنا من المعجبين جدا بالسكودا أوكتافيا a5 و الفانتازيا و الحاجة اللى ماكنتش عجبانى فى الفانتازيا هى المساحة اللى ورا على الازاز دى , لأنها بتخلينى حاسس أنها عربية هاتشباك مش سيدان و كمان لأن باب الشنطة مش طويل و جود المساحة دى مخلى شكلها مش أد كده, المهم و أنا ماشى مرة فى المنصورة عندنا, لقيت فانتازيا لونها أسود واقفة فى شارع جانبى لشارع الجمهورية ( البحر ) و من غير مساحة ورا عالازاز و وقتها شكيت أنها ممكن تكون مكسورة أو صاحبها شايلها و لا حاجة, بس لما بصيت كويس, لقيت مفيش أثر للمساحة و أن العربية نازلة كده و بصراحة انبسطت أوى و لما مشيت بعد كده, لقيت واحدة تانية واقفة أودام نادى جزيرة الورد لونها أحمر فاقع كده و برضه من غير المساحة اللى ورا, خلوا بالكم, أنا كل ده بتكلم على الفانتازيا اللى هى الFacelift , المهم بعد كده , كل الفانتازيا اللى بشوفهم فى الشارع بيبقوا ليهم مساحة ورا , أنا عاوز أعرف ايه الفرق بين الاتنين , يعنى اللى بمساحة دى اسمها ايه و موديلها ايه و مواصفاتها و اللى من غير مساحة دى تبقى ايه؟؟؟؟؟, و هل الفانتازيا بينزل منها بمساحة و من غير مساحة , أنا عارف أن السؤال ده رذل و بسيط و ساذج أوى , بس بصراحة موضوع المساحة اللى ورا ده يفرق معايا كتير أوى -رغم أنى عارف أنها مفيدة جدا و كتير من الأخوة الأعضاء الأفاضل بيحبوا شكلها جدا, لكن دى مسألة أذواق- لدرجة أنى لما ببقى ماشى فى الشارع و أشوف سكودا فانتازيا , أول حاجة ببص عليها, بيبقى الازاز اللى ورا عشان أشوف ليها مساحة و لا لأ , أنا عاوز أعرف بأه تفاصيل الليلة دى من الألف الى الياء و جزاكم الله كل خير .
هو التوكيل عرف منين انك غيرت زيت ؟؟اقتباس:
المشاركة الأصلية كتبت بواسطة ayoob
أنا طلبت اعمل صيانة 5000 وسألت موظفة الاستقبال عن مايتم عمله في هذه الصيانة قالت زيت وفلتر وتربيط عفشة وتنظيف موتور بالاسبري فاخبرتها باني لا ارغب في تغيير الزيت لاني غيرته في العيد الكبير ثم تطورتاقتباس:
المشاركة الأصلية كتبت بواسطة atef_5005
الاحداث على النحو السابق
الف مبروك يا ابو عمار... ربنا يرزقك خيرها ويكفيك شرها.
انا ايضاً حاجز فانتازيا at اول فئة وهستلمها بعد اسبوع ان شاء الله. و عندي نفس الحيرة بين الفضي والرمادي الغامق ولسة مستقرتش. علي العموم انا ليا استفسار تاني لو حد يقدر يساعدني، انا سمعت ان سعرها هينزل حوالي 4% نتيجة تخفيض الجمارك 10% من اول يناير. وسألت أرتوك قالو لسه معندهمش أخبار. فهل حد يعرف حاجة عن الموضوع ده . اصل لو ده صحيح يبقى ممكن استني لما يقرروا السعر الجديد.
واخيرا مستنيين تقريرك الجامد عن العربية في اسرع وقت.
الفانتازيا الشامبين لون جميل جدا وجديد
الله يبارك فيك يا باشا و ربنا يوفقك للإختيار الأمثلاقتباس:
المشاركة الأصلية كتبت بواسطة hezakaria
بالنسبة لموضوع الأسعار الجديدة أعتقد إن مافيش حاجة هترخص مع العلم إنها زادت بالفعل 2000 جنيه
ولو سألت الوكيل هيقولك أصل الدولار رافع و اليورو شادد و كلام من ده مع إن الأسعار مابتقلش لما اليورو و الدولار ينزلوا
توكل على الله و حاول تجيبها من أى موزع مش شرط الوكيل
أنا جيبت من موزع بـ167ألف و الوكيل كان آخره 170ألف و بعض الموزعين كانوا عارضين على 168ألف
شوف حضرتكاقتباس:
المشاركة الأصلية كتبت بواسطة maserati
المفروض العربيات اللي فيها مساحات من وره بتبقي من الفئة ذات المواصفات الاعلي
اما الفئات الاولي بتنزل من غيرها
اقتباس:
المشاركة الأصلية كتبت بواسطة أبو عمار
شكرا يا باشا علي الرد. والله عندك حق مفيش حاجة بترخص في بلدنا غيرنا احنا. انا هتوكل على الله و اجيبها بس لسه محتار بيت الفضي والرمادي الغامق (الفيراني). على العموم انت ايه تقييمك المبدئي للعربية؟
اقتباس:
المشاركة الأصلية كتبت بواسطة horas3000
السلام عليكم و رحمة الله و بركاته
ألف شكر لذوق حضرتك و جزاك الله كل خير , أنت الوحيد اللى رديت على و بليت ريقى .
ألف شكر .
يعنى سيادتك , تقصد أن الBaseline هى اللى بتنزل من غير مساحة ورا على الازاز و يا ترى هى مانوال و لا أتوماتيك ؟؟؟
ألف شكر على كرم أخلاقك .
اولا و عليكم السلام و رحمه اللهاقتباس:
المشاركة الأصلية كتبت بواسطة MASERATI
ثانيا العفو و لا شكر علي واجب
ثالثا بالظبط كده كلام حضرتك مظبوط
ال Baseline هي اللي بتيجي من غير المساحه اللي ورا
انا اللي شفتهم كانوا كلهم اوتوماتيك بما فيهم ال Baseline لان في الكويت المانوال ملوش سوق خالص
فمش عارف
اعتقد ان المانوال لو بينزل منها Highline هيبقي فيها
اقتباس:
المشاركة الأصلية كتبت بواسطة horas3000
السلام عليكم و رحمة الله و بركاته
ألف شكر ليك يا باشا .
أصل أنا من المشاكل اللى سمعتها بخصوص فتيس الأوكتافيا , بقيت بخاف و كمان أنا بستمتع بسواقة العربية أكتر بكتير لما يكون فتيس العربية مانوال .
يعنى أفهم من كلام سيادتك أنى عشان أجيب اللى مالهاش مساحة على الازاز اللى ورا, أجيب أقل فئة من حيث الكماليات و التجهيزات الاضافية , مش كده يا باشا ؟؟؟؟
ممكن لو مفيهاش رزالة , تقولنا سعر أقل فئة من الفانتازيا ( اللى مالهاش مساحة ورا ) فى الكويت كام؟؟
على فكرة , ممتازة جدا العربية البورش كايين اللى فى التوقيع بتاعك دى , اصل العربية دى فعلا عربية وهم و خاصة لما تلاقيها بره ب20000 دولار - مو 2005 , حاجة تعقد, ربنا يرزقنا و اياكم و يفتح علينا من أوسع الأبواب .
اسف على التاخير ...اقتباس:
المشاركة الأصلية كتبت بواسطة الصيداح
الوكيل فعلا مش بينزل اللون الابيض ...ولا حتى سبيشيال اوردر ...
والخليجى ملوش ضمان فى الوكيل ..لكن بيدخل عادى ...
عليكم السلام و رحمه الله و بركاته ....اقتباس:
المشاركة الأصلية كتبت بواسطة maserati
توضيح بسيط بخصوص موضوع الفتيس ....
مشكله الفتيس ما هى الا مشكله صيانه ...
بمعنى ان زيت الفتيس لازم يتغير على 60 الف كم ...لو متغيرش بتبدا فيلفات الفتيس تبوظ ...دى ب 11 الف فى التوكيل ..و4500 جنيه استيراد (صعب حد يبيعهالك) و الفتيس استيراد سعره من 13 لحد 15 الف ...وبيكون كامل ..وفى التوكيل 28 الف ...
لكن لو فقط غيرت زيت الفتيس عند 60 الف كم ...سعره 700 جنيه ...هتتفادى باذن الله كل هذه المشاكل ...وياما عربيات اوكتافيا 150 و 200 الف كم مفيهاش مشكله فى الفتيس ...
و عليكم السلام يا زعيماقتباس:
المشاركة الأصلية كتبت بواسطة MASERATI
شخصيا انا مسمعتش عن اي مشاكل في فتيس الاوكتافيا فمش عارف حضرتك بتتكلم عن ايه
عموما من 2011 المفروض الاوكتافيا هتنزل بالفتيس ال DSG الجديد
و ده كاداء احسن من المانوال و كمان معاه ال Paddle shifters
يعني وقت ما تعوز اديها
و زي ما اتفقنا ال Baseline هي اللي بتنزل من غير مساحه
و سعر الفئة ده هنا في الكويت و هي اوتو و زجاج كهرباء قدام بس و تكيف طبعا بتعمل حوالي 5400 دينار يعني حوالي 108 الف جنيه
اما بقي بالنسبة للكايين :)
فمتغلاش عليك يا زعيم
انت بس تشرف الكويت و العربية تحت امرك
و ربنا يتقبل دعائك اللهم امين
تسلم الأيادي يا غالياقتباس:
المشاركة الأصلية كتبت بواسطة KHALED AYMAN
بس أنت تأخرت علينا أوي :F_eyeb1[1]:
خسارة فعلا اللون الأبيض
اقتباس:
المشاركة الأصلية كتبت بواسطة horas3000
السلام عليكم و رحمة الله و بركاته
ألف شكر لكرم و ذوق سيادتك و ربنا يكرمك و ييسرلك الأمور و تجيب البورش كايين S turbo مو 2011 ان شاء الله .