الموضوع: موازنة المواطن ... ماذا تعنى وما المطلوب ؟

بص هو ده المتوقع من الحكومة

مثلا انت بتقبض 600 جنية طيب انا هاقبضك 1000 جنية

وتاني يوم او في نفس اليوم باليل هيطلع واحد ابن تيت يقول خبر تيت ويكون فحواه

حلوه فحواه دي

المهم هيقول ان الكهرباء غليت والبنزين غلي وبكده ال 400 جنيه اللي اخدتهم زيادة رجعو 500 للحكومة

هو ده المتوقع من الحكومة
وماحدش يقولي انت بتتكلم غلط للاسف دي الحقيقة...مش الحقيقة المرة بتاعة قناة ميلودي

وحسبي الله ونعم الوكيل

ابو عبد الله

المشاركة الأصلية كتبت بواسطة ahmedamin

ههههههههههههههههه أزيك يا زينة .... كانت قدامى فى الشغل ومنظرها شبه حاجات عندنا زيها كدة برضوا من وزارة المالية .
المهم مفكرتش افتحها ولا حتى ابص فيها هيا مش ناقصة عقد كفاية اللى عندنا ...!

الله يسلمك يا فندم ..... يعنى لما نلاقى محاسب ........ يقولنا الكلمتين دول

ينفع كدا ما تشاركش و تزعل الناس و هما عايزينك مواطن إيجابى

المشاركة الأصلية كتبت بواسطة hussein

YouTube - ‫ط§ظ„ظپط³ط§ط¯ ظپظ‰ ظ…طµط± - ط¨ظ„ط§ ط.ط¯ظˆط¯‬‎

فعلا مشكلة الصناديق الخاصة اللى بتستفحل دى و ملهاش صاحب عجيبة مع إنها من كلام الأخ اللى فى الفيديو تغطى الديون

يعنى ايشمعنى التأمينات و المعاشات اللى صحابها موجودين ضموها لخزينة الدولة و كانت الدنيا مزنقة معاهم إلا يأخدوها

المشاركة الأصلية كتبت بواسطة بحري

خطوة خيبانة لتبرير تقليص الدعم في عدد من المجالات الأساسية وأهمها الصحة والتعليم والوقود والمواد الغذائية الأساسية
ياريت كان في مصداقية أعلى كان الواحد قال إنهم ابتدوا يتعاملوا معانا على أساس إن لنا حقوق مش مجرد مجموعة من رعايا إحسان مولانا..لكن للأسف
مقالوش في التقرير ده بيصرفوا قد إيه على الإنفاق الحكومي السفيه (سيارات- تجديد مكاتب- بدلات وهمية....)؟ أو الأمن السياسي؟ أو بدلات الولاء؟

أنا برضو أتوقع إنها خطوة نحو هدف مستتر و معمول حسابه من الأول وعايزين يتفادوا رد فعل الناس سلبيا عليه أو يجسوا نبضهم

و فى كلام كتير عن قانون التأمين الصحى الجديد و إنه هيكون مجال للاستثمار فى صحة المواطنين البسطاء

و مجال جديد للضغط عليهم تحت وطئت المرض ،و مع اقرار قانون زرع الأعضاء و الفوضى الموجودة ... ربنا يسترها مع عبيده

بالنسبة للتعليم فالضرب فى الميت حرام هيحصل إيه أكتر من كدا و لو إنه فى نظام جديد للثانوية المحتارة حاليا !!!

أما المواد الغذائية الاساسية أو لقمة العيش فمش عارفة الضغط بيهم ممكن يؤدى لإيه بس مش مستبشرة خير و ربنا يستر

المشاركة الأصلية كتبت بواسطة زينة الله

على ذكر دعم الكهرباء لاحظت حضرتك يا أستاذ أحمد إنهم عاملين دعم جديد للكهرباء فى الموازنة الجديدة

مع إن الموازنات القديمة اللى فى المقارنة مافيهاش أثر للدعم (حسب البروشور)

طيب منين و الكهرباء أسعارها فى ازدياد دا بالنسبة للمواطن العادى يعنى يبقى الدعم لمين ... !!!!!!!!

انا مش حدافع علشان الناس بتقعد تقول بيدافع عن الحكومة وخلاص فى حين انا بدافع عن مبادئ الاقتصاد اللى هى مهنتى الاساسية

مش معنى ان السلع سعرها بيرتفع انها مش مدعمة

يعنى لو تكلفة لتر البنزين مثلا 4 جنيه وهو بيتباع ب 175 قرش وبعدين رفعوا سعره ل2 جنيه هل معنى كده انه مبقاش مدعم؟

المشاركة الأصلية كتبت بواسطة mrwho1982

بص هو ده المتوقع من الحكومة

مثلا انت بتقبض 600 جنية طيب انا هاقبضك 1000 جنية

وتاني يوم او في نفس اليوم باليل هيطلع واحد ابن تيت يقول خبر تيت ويكون فحواه

حلوه فحواه دي

المهم هيقول ان الكهرباء غليت والبنزين غلي وبكده ال 400 جنيه اللي اخدتهم زيادة رجعو 500 للحكومة

هو ده المتوقع من الحكومة
وماحدش يقولي انت بتتكلم غلط للاسف دي الحقيقة...مش الحقيقة المرة بتاعة قناة ميلودي

وحسبي الله ونعم الوكيل

ابو عبد الله

بس اللى مش متوقع مع الحكومة إنها تنشر و توزع موازنة المواطن و تطالب بالمشاركة

هو دا الجديد

المشاركة الأصلية كتبت بواسطة ahmed4000

انا مش حدافع علشان الناس بتقعد تقول بيدافع عن الحكومة وخلاص فى حين انا بدافع عن مبادئ الاقتصاد اللى هى مهنتى الاساسية

مش معنى ان السلع سعرها بيرتفع انها مش مدعمة

يعنى لو تكلفة لتر البنزين مثلا 4 جنيه وهو بيتباع ب 175 قرش وبعدين رفعوا سعره ل2 جنيه هل معنى كده انه مبقاش مدعم؟

تمام كلام حضرتك مضبوط دى مجرد ملاحظة و كمان لأن الكهرباء محتاجة محطات جديدة وصيانة القديمة لتغطية الطلب عليها

و تفادى انهيار الشبكة الموحدة ربنا لا يقدر ، مع تحفظى على توزيع الاستفادة النهائية من أى دعم برضو ما بين المواطنين أو المستثمرين

إحنا بنحاول نفهم و نحلل مع بعض المعلومات المتاحة و نعرف بنعمل إيه و رايحين فين ( و هما اللى قالولنا ههههه)

و ياريت حضرتك تفيدنا بخبرتك كاقتصادى و تصحح لنا معلوماتنا و تفهمنا طريقة إعداد الموازنة مثلا

المشاركة الأصلية كتبت بواسطة wael2sh

أنا مسمعتش عنها لسة بس واضح من رائ الاعضاء انها لو جت قدامي مش هافتحها علشان مش هفهم فيها حاجة و لو فهمت
مظنش هشارك براي فيها لأني ببساطة مش بصدق الحكومة

طيب على الأقل حاول تقرأ كلام ناس فاهمين فى الاقتصاد و الموازنات و الكلام دا

و كمان المحاسبين و الاقتصادين و الخبراء فى البلد و اساتذة الجامعة فى كليات التجارة والاقتصاد أكيد هيكونوا فاهمين و كلامهم مفيد

لأن دا واقع عايشينه و ما نقدرش نهرب منه على الأقل نفهم هو فيه أيه

المشاركة الأصلية كتبت بواسطة زينة الله

=



لأن دا واقع عايشينه و ما نقدرش نهرب منه على الأقل نفهم هو فيه أيه

ياريت فعلا الناس تكون بتعمل زى حضرتك لكن للاسف المواطن نفسيا لن يتقبل اى تبرير نهائياً من الحكومة
وبجد الحكومة دى محتاجة تجيب اكبر خبراء فى العلاقات العامة فى العالم علشان تصلح صورتها قدام المواطن (وحكاية توزيع الموازنة) جزء من كده لكن للاسف حتفشل لان محدش حيسمع ولو سمع مش حيفهم ولو فهم حيبقى رده ان دى ارقام مضروبة وان الفلوس بتتسرق واننا اغنى بلد فى العالم....الخ

ردا على موضوع توزيع الدعم بين المواطن والمستثمر حرجع حضرتك لموضوع الصناعة المصرية اللى المهندس مزاجنجى عمله وحتلاقى فيه ازاى بره مصر بيدوا الارض ببلاش وبيدعم الطاقة مقابل انك تنتج وتصدر وتشغل ناس...فايه المشكلة انك تدعم الطاقة للمستثمر (فى راى احسن ميت مرة من تدعيم الطاقة اللى بشغل بيها التلفزيون 24 ساعة) على الاقل الطاقة دى بتخلق فرص عمل وبتصدر و...الخ وعلى فكرة لو مدعمتش الكهرباء المستثمر ببساطة شديدة حينقل سعر الكهرباء للمستهلك وحيرفع سعر السلعة ناهيك ان السلعة مش حتبقى منافسة خارجيا

الناس كلها بتطالب بان الارض بتكون ببلاش للى يزرعها أو يبنيها وشوف لما ارض مدينتى اتباعت ب14 مليار جنيه وهى كانت صحراء الناس قطعت الحكومة ولعنت فيها اد ايه (الشعب يعانى من ازدواجية غريبة)

المشاركة الأصلية كتبت بواسطة tlrsiap

هي فعلا جايبة و مش نافع
ليه ؟
لأن الانتخابات اللي فاتت كانت انزه انتخابات في تاريخ مصر على حد قولهم

السياسة حاجة والاقتصاد حاجة تانية...يعنى انا ممكن ببساطة اقول احنا فى ازهى عصور الديمقراطية لكن صعب تطلع تقول الاقتصاد بينمو 5% وهو بينمو ب2% بس