السلام عليكم
ازيكم
عيد ميلاد المدام قرب وكنت عاوز نخروج انا وهي في هذا اليوم نحتفل فكرت في اي باخرة علي النيل وطبعاً انا جاهل بالاسعار عشان دية اول وانا عامل للخروجة دية حد اقصي 200 احنا الاتنين فياريت اللي عندة مكان كويس او باخرة كويسة واسعار منخفضة ياريت يقولي علي طول
لاتبخلو علي عشان انتوا طبعاً عارفين اية اللي يمكن يحصل ولو مخرجناش :36_1_31::36_1_31::36_1_31:
انت ساكن فين لو قريب من المهندين روح اسبكترا ممكن كمان ستيك اوت بس اغلى شوية ممكن توصل 220 -250
باخرة على النيل متهيالى اقل حاجة 140
متابع ..
عشان زيك (جاهل بالأسعار)
بس معنديش مدام d:
شوف الموقع ده فيه اغلب مطاعم القاهرة ومنيو كل مطعم
Otlob - Search Results
نصيحه من زوج بقاله 10 سنين... اخر مره خرجنا فى عيد ميلادها روحنا دريم بارك مع الاولاد و اختها و و و و و
المهم رحت العب الصاروخ و سيبتهم يلعبوا الاولاد و غيبت بتاع ساعه علشان الطابور كان طويل رجعت لاقيت البوز اللى هوا و السؤال المعتاد كنت فين كل ده
طبعا تحلف للسنه اللى جايه انك كنت فى الطابور مافيش فايده و النتيجه نكد لمده اسبوع مع انى صرفت يومها 350 علشان عيد ميلادها
النصيحه اقعد فى البيت ماهو نكد بنكد ووفر فلوسك
اوعى تزعل منى
EL saraya (باخره ) فى الزمالك فى مطعم ايطالى هناك جميل جدا فى الدور الثانى على اليمين وانشاء الله ال 200 جنية هايكفو
نايل كريستال او
نايل توباز
وفيه جزيرة المعادى بتاعة الجيش فيها باخرة بس نصف ساعة وطبعا مش بفخامة اللى فوق
بس ممكن تتغدوا على الجزيرة وتركبوا الباخرة
صعب جداَ حضرتك خروجة بـ 200 ج .. انا ممكن اوصف لحضرتك خروجـات بس اعلى من كدة .. الضعف على الاقلاقتباس:
المشاركة الأصلية كتبت بواسطة osama
انا اخر خروجة خرجتها مع المدام كلفتنى 550 ج وكانت خروجة نص يوم بس
فية برامج عملتها جاهزة وطبقتها يمكن تفيدك : بس زى متفقنا المبلغ هيعدى بكتيييير
1 - سفينة نايل دراجون : هو عبارة عن مجموعة مطاعم على النيل .. مكانة بجانب كوبري الجامعة يمين ... بعد باب حديقة الحيوانات فى وش الحديقة سفارة ... الزيارة تكون مساءاَ افضل وقت ... الصبح تروح الحسين او خان الخليلي .
2 - الازهر بارك ... اكيد حضرتك عارف مكانها ... الزيارة تفضل ظهراَ ... بعد كدة سيتى مول .. " سينما وكافيهات وقاعدة حلوة " باركينج السيارة 4 ساعات 20 ج ودى حاجة غلسة طبعا .. بعد متخلص السينما تروحو كافية .. كدة تبقى زرت الازهر بارك ودخلت سينما وقعدت ف كافية تشتري لها هدية بعد متخرج من الكافية مباشرة . وبس
3 - زيارة القرية الفرعونية ... سعر التذكرة للبرنامج بالكامل 200 ج للفرد الواحد .. عبارة عن برنامج بيبدء من الساعة 7ص مع وجبة فطار وبتتعرف على الحياة الفرعونية بكل معانى الكلمة .. هتبدء 7 ص هتمشى على 6 مساءاَ بالكتير ... تطلع على كورنيش النيل تقعد هناك شوية .
4 - عرض الصوت والضوء ... رحت هناك 3 مرات سعر التذكرة للفرد المصري 100 ج تقريبا ان لم تخوننى الذاكرة .. عرض رائع بالصوت
والضوء عن الحياة الفرعونية مع تصوير بالليزر الحفلة بتبدء الساعة 7 مساءاَ لمدة ساعة واحدة .. قبلها تطلع على الاهرامات بالنهار
5 - سينما الهرم ... ثم مسرح الزعيم فى شارع الهرم .. ثم kfc بموووت فية .. او مؤمن مثلا او الشبراوي حسب محضرتك تحب .
بعدها اي كافية يعجبك
دى برامج بسيطة كتبها ف ورقة ومحتفظ بيها فى الدرج نقلتها لك واتمنى انها تفيدك بأذن الله وحضرتك تقدر تعمل برنامج لنفسك وبطريقتك
من خلال تجميع كل الاماكن اللى هيكتبوها زملائنا الاعضاء .. تكتبها كلها ف ورقة وتعلم علامة على اللى فى استطاعتك وشايف انة مناسب لك
لو فيه امكانية السفر ممكن تقضو يوم مختلف تماما فى الفيوم وهاتبقى حلوة قوى صدقنى وكل سنة والمدام طيبة
عقبال 100 سنة يارب ويارب تفضلوا ونفضل كلنا بنحب ونحترم بعض.
مراكب على النيل ليها اختيارين:
مراكب متحركة وديه بتبقى عباره عن ساعتين على النيل شاملة (باند شرقى-رقص شرقى-رقص تنورة-باند غربى) الاسعار عندك من اول 90 لحد 275 جنيه الفرد.
مراكب ثابتة : عليها مصاعم مختلفة وانضفهم النايل سيتى ومعظم مطاعمها بMinumeum charge وارشحلك المطعم الايطالى
عليها.
بحكم شغلى فبسافر كتير وللاسف كانت الفيوم حلوة واماكن خروجها كتير(عين السلين والبحيرة) بس للاسف عين السلين بقت اسوا ما يمكن والبحيرة فنا بحبها بس عشان الهدوء وانا قاعد على الكافيتريات اودام البحيرة بعيدا عن القاهرة مرة كل شهرين ولا حاجة وطبعا الشتا احسن وقت للفيوم.اقتباس:
المشاركة الأصلية كتبت بواسطة dolly13
ولو وادى الريان فمشواره طويل شوية بس الجو هناك حلو.بس لو مكانوش كتروا الكافيتريات هناك كانت هتفضل حلوة.
[QUOTE=nicegypt;3873176399]فية برامج عملتها جاهزة وطبقتها يمكن تفيدك : بس زى متفقنا المبلغ هيعدى بكتيييير
3 - زيارة القرية الفرعونية ... سعر التذكرة للبرنامج بالكامل 200 ج للفرد الواحد .. عبارة عن برنامج بيبدء من الساعة 7ص مع وجبة فطار وبتتعرف على الحياة الفرعونية بكل معانى الكلمة .. هتبدء 7 ص هتمشى على 6 مساءاَ بالكتير ... تطلع على كورنيش النيل تقعد هناك شوية .
لو احتجت تروح هناك تانى قوللى عشان السعر ده غالى جدا
- عرض الصوت والضوء ... رحت هناك 3 مرات سعر التذكرة للفرد المصري 100 ج تقريبا ان لم تخوننى الذاكرة .. عرض رائع بالصوت والضوء عن الحياة الفرعونية مع تصوير بالليزر الحفلة بتبدء الساعة 7 مساءاَ لمدة ساعة واحدة .. قبلها تطلع على الاهرامات بالنهار
التذكرة ب 75 جنيه بس والعرض مدته 55 دقيقة وكل يوم فيه 3 عروض بلغات مختلفة والعربى يوم واحد بس
كنت عامل موضوع زي ده بس كانت المناسبة عيد جوازي الثالث و كان فيه افكار كتير حلوة . . دور عليه . . وكل سنة و انتوا طيبين . . .
بص حاول تحرك الفلوس شوية لحد 300 كدة مثلا و عليك و علي بورتو السخنه تركبوا تليفريك ب 50 جنيه الفرد و في مطاعم كتير هناك تتغدوا سوا غير ان الجو هناك دلوقتي بيبقي جميل بس الغدا هيعدي طبعا يعني المتوسط حوالي 200 جنيه انت و المدام بس هيبقي يوم لذيذ و مختلف و فيه سفر مش بعيد و طريق جميل و مريح
200 ده للفرد علشان تبقى باخرة نضيفة بس فى باخرة اسمها الفالندرا تبع الجيش مبتتحركش بس بيقولوا مستواها كويس نسبيا وطبعا اسعار الجيش حتلاقيها بسيطة
ممكن كافيه Mojo's في مركب Imperial و الــ 200 حايكفه... و ممكن Sequoia اللي في الزمالك بس ده الــ Minimum بتاعه 125 و 150 في الويك اند.. بس حاتبقي قاعد و علي يمينك محمد ابراهيم سليمان و علي شمالك ساويرس.. مكان شيك اوي و مجتمع تاني خالص