السلام عليكم
سؤال بسيط
هو ليه فى ناس بتقول ان الافضل ان اول صيانة تكون فى مركز تبع منصور مش فى مركز خدمة معتمد
شكرا :shyy:
عرض للطباعة
السلام عليكم
سؤال بسيط
هو ليه فى ناس بتقول ان الافضل ان اول صيانة تكون فى مركز تبع منصور مش فى مركز خدمة معتمد
شكرا :shyy:
انا في الحقيقة لسه ماعملتش أول صيانة وأول مرة اسمع الموضوع دا!!!...متابع معاك
يمكن علشان عند منصور بتبقى أول صيانه مجانيه ، وبتدفع بس ثمن الزيت والفلتر .
وفى مراكز معتمده بتستهبل وبتعمل أول صيانه بمقابل .
تمام و بعدين إنت ليه معترض على الذهاب لمنصور ... هي مرة واحدة يا باشا و بعد كدة روح المكان اللي إنت عاوزه بس على فكرة إنت لو روحت منصور الهرم في صيانة ال ٥٠٠٠ و ١٠٠٠٠ و ١٥٠٠٠ الصيانة الرابعة حتبقى المصنعية ببلاش علشان كدة يستحسن تعملها في منصور علشان تاخد بردو التخفيض عند الصيانة الرابعة
اصل انا شغال فى الدقى جنب مقار فكنت هاروحله أو الكويت و البلاد العربية انما لو هاروح منصور فكنت هاروح فرع التجمع الخامس عشان بيقولو انه كويس لكن مش هايفرق معايا فى المسافة اذا كان الهرم او التجمع او حتى الطيران كده كله بعيد عنى
هابقى اقولكو على اللى عايز اعمله عشان تساعدونى اى فرع هيكون احسن
شكرا
ربنا يوفقك.....بس الاحسن منصور .....الفرع التجمع الخامس
طيب انا عايز فى الصيانه اعمل الاتى
1- تغيير الزيت
2- تفيير فلتر الزيت
3- تغيير خرطوم ميه المساحات عشان بيرش ميه من الجنب برا الازاز لان فيه قطع
4- فى ترشيح خفيف للخرطوم اللى خارج من علبة زيت الباور بس الزيت مش بينقص
5- غالبا الشكمان بيخبط فى حماية التانك فى حالة السير على النقر فتقريبا كده حماية التانك عايزة تبعد عن الشكمان
6- تزييت ازاز الباب الايمن الامامى
هى عموما الحمد لله كلها حاجات بسيطة
فهل مركز التجمع الخامس في امكانية عمل الحاجات دى لانى عارف انه مركز صيانات سريعة ولا هاضطر اروح مركز الهرم مثلا
شكرا
لا ..... إن شاء الله تستوفى كل ملاحظاتك فى فرع التجمع الخامس ، وبالتوفيق إن شاء الله .
فرع التجمع ممتاز من تجارب الاخوه هنا اتكل على الله وروح عنهم مش هتندم ان شاء الله ومتنساش تقريك الجميل بعد الصيانه وانطباعك عنها
شكرا ليكو جميعا
ان شاء الله هاروح الاسبوع الجاى وعلى فكرة العربية عاملة2600 كم بس لكن بقالها 5 شهور دلوقتى ومش عايز حد يتلكك على حاجة وربنا يسهل
بالتوفيق فى الصيانة
بس فية تصحيح لمعلومة
الصيانة الاولى صيانة ال 5000 او اربع شهور ايهم اقرب مجانية المصناعيات يعنى بتدفع ثمن الزيت و الفلتر فقط الكلام دة مضبوط
الى محتاج تصحيح
الصيانات المجانية هى الصيانة الخامسة يعنى صيانات ال 25000 و ال500000 و ال 75000 اذا عملت الصيانات التى تسبقها كاملة فى نفس الفرع
اما عن الناس بتفضل تعمل لية فى منصور مش عند المراكز المعتمدة
دة لسببين
السبب الاول
ان لا قدر الله لو فية قطع غيار محتاجه التغير بيبقى اسهل لو بتعمل الصيانة فى فروع منصور بس لو بتعمل الصيانة عند مركز معتمد الموضوع بيقى صعب شوية انهم يعتمدوا تغير القطع على حساب الضمان
السبب الثانى
العرض السابق ذكرة
و انا برشح ليك فرع التجمع الخامس مع الشباب
و بالتوفيق
اه على فكرة أيمن صح في حاجة إنت لو روحت مركز معتمد مفيش مشكلة بس لو فيه حاجة عاوزة تتغير ساعات لازم يخدو موافقة منصور و طبعاً الموضوع ده بياخد يومين بس لو إنت في منصور الموضوع هيخلص في ساعتها
انا متشكر جدا
بس معلش سؤال بالمرة الفرع ده بيحط زيت شيل يمشى يعني ولا اجيب موبيل من برة
اناغالبا هاحط زيت 5000 كم لانى بيعدى عليا الوقت(4 شهور )اقبل ما اكملهم
شكرا
يا باشا ما انت لو حطيت زيت 10000كم هيفضل معاك 8 شهور او 10000كم
وعايز رائي بما اني احد مهندسي قطاع البترول الزيت ال10000كم يفضل معاك لحد 20000 كم مستريح جدا جدا وعلى فكره مفيش جركن زيت بيتكتب عليه عدد الكيلو متر عشان هو بيقعد اكتر من كدا بكتير جدا بس الشركات عايزه تبيع انا بعمل تحليل لزيت عربيه الشغل بعد 20000كم كمان وبتطلع النتيجه زي الفل وبيجيلي كومنت اني ممكن اكمل بالزيت دا عادي جدا وممكن كمان اعمل ال20000 دول في فتره كبيره وكمان شغل في الجبل مش في شوارع مصر والجو هناك مش عايز اقول لكم عامل ازاي
اخ دخلت فى حتة جامدة جدا يا محمد باشا
هاها اصل في ناس بتقول يا راجل الزيت ال 10000 ما يقعددش6000 او 7000 بالكثير وان احد المراكز الى واخذة حق الصيانة كان معلق ورقة ان زيت موبيل 1 يقعد 5000 فقط و اكثر من كدة على مسئولية العميل
بس انا معاك ان موبيل 1 ممكن يقعد لحد 12000 و يتغير و هو بنفس الكفائة بس احنا بنعمل الى منصور بيقولة 10000
اما بالنسبة للاخ engaass طالما ان الاستهلاك بسيط فى الكم خليك فى ال 5000
و لو عايز موبيل جيبة من بنزينة موبيل محترمة و هم هايغيروة فى فرع التجمع الخامس ( انا بعمل كدة )
لو عايز شل مافيش مشكلة الفرع بتاع التجمع الخامس بيكون عندة شل
بس ايه الافضل شل ولا موبيل
موبيل 1 افضل الزيوت التخليقيه علي الاطلاق بجد والله مش كلام وخلاص
هو الزيت ال5000 معدنى صح وفى الحالة دى ايهما افضل شل ولا موبيل
معلش برضة ياريت السعر كام بالنسبة ل 5000 وال 10000
فى انتظار الرد :36_7_4[1]:
شكرا
انا الاسعار مش فى دماغى دلوقتى
بس موبيل 1 فى حدود 250
و ال5000 فى حدود 135
و هتأكد من الاسعار النهاردة و هارد عليك
و شل تقريبا نفس الاسعار
بس لما بتغير 5000 بغير معاة الفلتر كل 5000 و لو بتغير 10000 بتغير الفلتر معاة كل 10000
الفلتر فى حدود 18 ج
و بالتوفيق
الف شكر يا عمدة
بس ايهما افضل شل ولا موبيل
لا استطيع ان اقول انهى افضل
بس الوكيل معتمد بصفة عامة موبيل و دة الى معتمد من جينرال موتورز
طبعا ما عدا فرع التجمع الخامس بسبب وجود الفرع داخل بنزينة شل
اما عن نفسي انا بحط موبيل
ربنا يخليك لينا دايما يا عمدة
نورت المحكمة