عملت صيانة الالف لبيرسونتى
ألحمد لله وصلت لالف كيلو ورحت عملت الصيانة النهاردة
فى الاول حجزت امبارح عن طريق التليفون وكان معايا رقم ارضى فكلمتهم والانسة ردت عليا وحولتنى عشان احجز معاد صيانة لكن للاسف مفيش حد رد فا رجعت تانى وادتنى رقم موبايل احجز منة
المهم فى الاول اخدو بيانات العربية ونمرتها وبعد كدة سألونى احب اعمل الصيانة امتى - المهم حجزت تانى يوم النهاردة يعنى ورحت فى معادى بالضبط
المهندس محمد عبد الهادى انا كنت حاجز معاه - سألنى عن اخبار العربية واية العيوب اللى فيها وكدة
بسم الله ماشاء الله بصراحة انا مش شايف عيوب تذكر اصلا كلها حاجات عبيطة وسهلة
الاول الشنطة بتعلق فى القفل لما افتحها من داخل العربية
صوت تزييء فى العربية
الفرامل فيها رزعة كدة كأنى دايس على حديد بصراحة كنت خايف من دى بس فهمت ان الاى بى اس كدة
تزييء فى فتح الزجاج الامامى يمين
الحمد لله هى دى الملاحظات كلها بالاضافة لمدى الريموت بصراحة المدى وحش أوى
الكلام دة كان الساعة 9:40 صباحا وقالى المهندس معاد التسليم 11:30 فجلست فى الاستراحة حتى 11 وخرجت من الزهأ اتفرج برة
المعادة جه ومش شايف حد المهم بعد الساعة 12 لقيت العربية
وشيكت عليها لقبت كل الملاحظات الحمد لله اتحلت بس طبعا الريوت لآ عشان هو كدة
فدفعت الرسوم ومشيت بس منها لله اليابانية اللى عند البنزينة برة حكت فى عربيتى وهى خارجة وانا واقف مدى انتظار
قلت بقى مش عشان حكة ابوظ السياحة فى مصر مع انى كنت متغاظ بس الحمد لله طلع خربوش بسيط