درس تعليمى: تغيير فلتر الهواء لبونتو كلاسيك
أول الدروس التعليمية للبونتو كلاسيك, بعض موديلات بونتو 2 فيها نفس الفلتر
تغيير فلتر الهواء (بتاع الموتور) أسهل حاجة فى الدنيا علشان كدة أنا هابدأ بيه
http://i52.tinypic.com/10sbsch.jpg
أول صورة منظر عام لمكان الفلتر, الأسهم بتشير على ال3 كليبسات اللى هانفكهم: واحد قدام و اثنين فى الجنب
http://i51.tinypic.com/fo1tvn.jpg
دة أول كليبس نفكه, هو عبارة عن سوسته كدة تتشد لبرة
http://i56.tinypic.com/10n5l04.jpg
الصورة دى و أنا ماسكه و بشده
http://i55.tinypic.com/erhl5j.jpg
بعد كدة الكليبس اليمين بيتفك بسهولة برضو, فى مكان تدخل فيه صابع و تفتحه زى الصورة كدة
http://i55.tinypic.com/30tsxv5.jpg
و دى بعد ما فكيت الناحية الشمال
http://i52.tinypic.com/2nki1ko.jpg
بعد كدة الجزء الكبير دة هايبقى نصين, الفلتر موجود فى النص
http://i51.tinypic.com/3532n7s.jpg
دة الفلتر و أنا بطلعه برة
http://i54.tinypic.com/e653z9.jpg
و كدة بعد ما طلع كله
باين من لون الفلتر انه متوسخ جدا عندى و محتاج يتغير, هو أصلا لونه أبيض أو أصفر
الفلتر مفروض بيتغير كل 20,000 كيلو, بس لو اتنفخ بضغط هواء فى بنزينة بعد 15,000 كيلو هايحسن أداء العربية
فكرة الموضوع انه حاجة سهلة جدا و لو عرفنا كام حاجة كمان فى الدروس الجاية يبقى مش محتاجين نروح التوكيل فى صيانة ال20,000 و ال60,000 و هكذا
