مين فى المنصورة ميكانيكى شاطر جدا"؟

**magid55** · 29-12-2010 12:34 AM

غيرت فلاتر وسيور كصيانة دورية للسيارة لانوس 2003 ومكانش عندى أى مشكلة ولكن بعد كدة صوت العربية بقى عالى جدا"-ميكانيكى تانى كشف وقال ان بلية الكمبرسور لازم تتغير وان ده فوق امكنياته ..رحت التوكيل(عيسى)قالوا مش ممكن تغيير البلية بس انما ممكن نغير الكمبريسور؟؟؟ مين ميكانيكى ممتاز فى المنصورة ممكن يغير البلية دى ويكون فاهم شغله؟

**magid55** · 29-12-2010 12:40 AM

عاوز أضيف أن الميكانيكى الأول ركب سير التكييف من محل قطع غيار صغير جدا" جنبه على طول والظاهر أن المقاس ماكانش مضبوط تمام و هو اللى أثر على بلية كمبرسور التكييف

**magid55** · 30-12-2010 01:25 AM

لا يوجد ميكانيكى شاطر فى المنصورة؟

**MASERATI** · 30-12-2010 03:05 AM

السلام عليكم و رحمة الله و بركاته

أنا أعرف ميكانيكى شاطر بس مش عارف اذا كان هيفيدك ولا لأ , عالعموم , ممكن تجربه, أنا بتعامل معاه من حوالى 14 سنة فى العربيتين البيجو505 و الشاهين بتوعنا , بس أنا لما بروح عنده, بشوف عربيات حديثة و محترمة واقفة عنده و شغال فيها عادى و منها اللى بيعمر عنده كمان و هو بصراحة أمين جدا و بيجيب من الآخر.

هو اسمه سامى و فاتح فى حى غرب , أسهل طريقة عشان تروحله , أنك تروح عند عوض الله اللى فى حى غرب و تدخل فى الشارع اللى قصاد عوض الله بالظبط و هو رابع بيت على الشمال و تليفونه أهوه 0105644074

و ابقى طمننا, عملت ايه .

**alzelafy** · 30-12-2010 03:11 AM

الموضوع مش محتاج ميكانيكى شاطر محتاجد ميكانيكى عايز يشتغل انا عملت الموضوع دة فى الابيزا و اللى عملهولى كهربائى

**ehab_mansour** · 30-12-2010 08:42 AM

1- صيانة المحرك :- انا بعمل شغل المحرك كله عند ميكانيكي شاطر جدا وفاهم كويس جدا وده موجود في دكرنس بعد شريط القطار بشوية صغيرين وده اكتر واحد فاهم قابلته حتي الأن في صيانة المحركات وبنعمل شغلنا كلنا عنده (ابيزا - لانوس - نوبيرا ) واسمه نصر ورقمه 0105889300

2- صيانة العفشة والفرامل والفتيس :-
بعملها في المنصورة عند ميكانيكي شاطر جدا وفاهم جدا جدا وسعره ممتاز جدا جدا واسمه هلال و وورشته من شارع عبد السلام عارف توصل حتي بنزينة الغاز الطبيعي وبعدين تدخل شمال جنب الأمن المركزي وتمشي حتي نهاية سور الأمن المركزي هتلاقي الورشة علي يمينك (رقم تليفونه 0109167560 )
وبالتوفيق ان شاء الله

**فادى محمد** · 30-12-2010 11:09 AM

في شكري في شارع السوق القديم بجوار كافيه كابتشينو وده اشهر من في المنصوره في تخصص اوبل بما ان موتور اوبل ابن عم موتور اللانوس وربنا يوفقك.

**أبو عبدالله** · 01-01-2011 12:18 AM

المشاركة الأصلية كتبت بواسطة hellboy

في شكري في شارع السوق القديم بجوار كافيه كابتشينو وده اشهر من في المنصوره في تخصص اوبل بما ان موتور اوبل ابن عم موتور اللانوس وربنا يوفقك.

مع احترامي لكلام حضرتك طبعا
ولكن انا جربت شكري ده وشغله وطريقة تعامله مش اد كده بصراحه على الهوليله اللي معموله له
أولا مش بيشتغل بأيده كتير
صبيان كتير بيفكوا وده بيخلي ان من السهل جدا ان حاجه تطير كده ولا كده
يعين شغل بصراحه مش مرتب خصوصا ان الصبيان كتير قوي وبيشتغلوا كلهم في نفس المكان مره واحده

وفي النهاية الشغل مكنش كويس واللي عمله باظ تاني برضه بعد دفع فلوس مش قليلة

فيه مصطفى بجوار مبنى السلاب للسيراميك بتاع المجزر روح هتساله عليه هتوصله بسهوله هو قبل البنزينة بتاعت الغاز قبلها هتدخل يمين اكنك داخل شارع سامية الجمل من اوله واول يمين هتدخله بجوار علام للبويات وكمل الشارع هتلاقيه عالطول وجمبه بتاع تكييفات كمان

-

الموضوع: مين فى المنصورة ميكانيكى شاطر جدا"؟

LinkBack

أدوات الموضوع

عرض

-

-

-

-

المواضيع المتشابهه

عاوز ميكانيكى شاطر

ميكانيكى شاطر

ميكانيكى شاطر لل 127

ميكانيكى كيا شاطر و امين

ميكانيكى متسوبيشى شاطر

الكلمات الدلالية لهذا الموضوع

المفضلات

المفضلات

ضوابط المشاركة