اقتباس:
المشاركة الأصلية كتبت بواسطة ahmed.tv
الاستيكر حيكون استيكر للنايل موتورز لوحده عشان دعاية للموقع والمنتدى وده الاهم انه يكون لوحده بدون ما يدخل معاه شعار اخر مع الاستيكر الاساسى
اما كانت فكرة عمل استيكر اضافى تانى صغير يكون حجمه اقل من استيكر المنتدى حيكون مكانه تحته وحجمه اصغر منه حيكون عشان الاقسام النشطة للاعضاء الناشطين فيه
وطبعا استيكر النايل لوحده حيكون استيكر ذوقه عالى جدا و فى شركة جرافيك كبيرة هى اللى بتقوم بتصميمه , وباذن الله حيكون استيكر شيك ومناسب ويراضى الاذواق كلها , وكمان يشرف شكل واسم المنتدى واعضائه المشتركين فيه
وايضا حنراعى لما نختار عمل استيكر للقسم عندنا انه يكون مناسب للشكل العام ومشرف لاعضاء القسم
بس الاهم من ده كله ياجماعة من وجهة نظرى هو :
ان لما يطرح الاستيكر الجديد باذن الله نسعى الى اقتنائه وشرائه
لان لابد من تقديم نوع من رد الجميل للمنتدى الرائع ده ,اللى ليه الفضل فى تجميعنا مع بعض وتعارفنا
فلابد من الوقوف بجانبه وشراء منتجاته حبا فى المكان اللى احنا فيه ,ومساهمة مننا فى تطوير المنتدى ونشر اسمه ونهوضه لتقديم خدمات افضل لينا كاعضاء
بصراحة يا احمد منتدي نايل موتورز مهما الواحد قدم له مش هيوفي المنتدي و كريم حقهم و المجموعة القائمة عليه لأن فعلا لولا المنتدي الجميل ده مكانش الواحد هيلاقي المجال اللي خلاني اتعرف علي الناس الجميلة اللي فيه.
رغم اننا كلنا بنتكلم خلف شاشات كمبيوتر لكن القلوب كلها بتنبض في وقت واحد و في ثانية واحدة لما بيكون في مشكلة لأي عضو .. بنلاقي نفسنا كلنا بنتحرك مع بعض عشان نشيل بعض و ده بيدل علي المحبة و الترابط الغير عادي بين اعضاء قسم نيسان الحبيب و تخيل كمان ان ده قسم واحد في المنتدي و فيه المحبة ديه .. تخيل بقي بقية الاقسام كمان .. يبقي كده مش ده منتدي هايل و يستاهل كل خير
عشان كده بصراحة ان شراء الاستيكر ده حاجه بسيطة جدا جدا نقدمها للمنتدي الحبيب ده و علي فكرة انا من مشجعي جدا جدا ان يكون في اشتراك سنوي للعضوية في المنتدي لأن بكده المنتدي هيطور نفسه اكتر و اكتر و يكون علي افضل سيرفر و افضل خدمة
لأن طبعا الكل اخد درس واضح لما السيرفر وقع لأكثر من اسبوع .. انا عن نفسي كنت حاسس ان نسبة كبيرة من يومي وقع فجأة
شكرا نايل موتورز
علي فكرة انا بقترح شعار القسم
Classic Nissan Club