الموضوع: استشاره بخصوص البيع بتوكيل

لو العربيه فيها رخصه سنتين فاضلين وحبيت ابيع العربيه

دلوقت الشارى عايز يعمل توكيل علشان يستفيد بالمده دى قبل ماينقل ملكيه

وناس خوفونى من موضوع التوكيل ده لانه ممكن يجى على انا مخالفات او مشاكل جنائيه
وفعلا سألت محامى ونصحنى انى لو بعت يكون بعقد مسجل فى الشهر العقارى

طيب دلوقت الحل ايه وايه هو الصح واللى ماشى لان الموضوع ده مخوفنى ومقلقنى

وهل مثلا لو عملت له توكيل ينفع هو يجدد بيه الرخصه باسمى انا بما انه معاه توكيل منى ولاايه الحكايه بالضبط

المشاركة الأصلية كتبت بواسطة dramir1

نصيحتي ليك انك تصر على البيع بعقد مسجل وتاخد صوره منه عشان تشتري دماغك من المخالفات وضريبة الرفاهيه ولو على الضريبه هو ممكن يستفيد بيها لو نقلها باسمه مش هايدفع ضريبه تاني ولكن هايفحص بس.

المشكله انه عايز يستفيد بالمده اللى فى الرخصه ويوفر فلوس الترخيص دلوقت

وانا فعلا كنت عايزه يسجل علشان راحه البال دى

طيب مافيش حل تانى اكون فيه بامان يعنى مثلا انا سمعت ان بيتم تسجيل حاجه فى الشهر العقارى تضمن للبايع عدم تحمله للمخالفات والمسؤليه دى بس مش متأكد