سيراتو 2011 خليجي ولا وكيل ؟

**alavokatooo_o** · 29-12-2010 06:25 AM

السلام عليكم ورحمه الله وبركاته
انا اتشرف اني انضميت للمنتدي الرائع نيل موتور وكل اعضائه المحترمين وحبيت بعد مسجلت اني اتصفح الموضيع الي في المنتدي ولقيت ناس بجد فاهمه عربيات عن تجربه مش بتدي فتاوي وده بجد والله مش بغني علي حد وانا اسف علي الاطاله
السؤال الي محيرني هو اني ناوي اجيب سيراتو الموديل LX الوكيل ب 105 والخليجي ب106 وهو بيقول الخليجي (سعودي)مميز شويه عن الوكيل لان الخليج مش زي مصر بالنسبه للعربيات الي بتروحله زي مانتوا عارفين وانا محتار بين الخليجي ولا الوكيل والضمان 5 سنين؟ افيدوني واسف علي الكلام الكتير ده كله بس رايكم مهم بالنسه لي

**emann** · 29-12-2010 07:13 AM

ياريت حد يجاوب على السوال لانى محتاج اجابة لواحد قريبى... كل سة واتو طيبيين

**yasso0101** · 29-12-2010 09:33 AM

بس انا هاقولك المفيد

موضوع الخليجي و الوكيل يتوقف عليك انته

من الاخر لو عايز تعيش في الامان و تريح بالك ومستغني عن اوبشن يبقى خليك في الوكيل حيث الضمان والراحه النفسيه

عندك القدره على انك تتحمل نسبة رسك في مقابل الابشن الاعلى وتتحمل ان عربيتك مش هيبقى ليها علاقه بالتوكيل ولو لا قدر الله حصل حاجه التوكيل هيقولك ادفعي 10000 جنيه قبل اي حاجه يبقى خليك في الخليجي بس ده مش معناه الخليجي كله معيوب بس كل شيء محتمل

**ahmedhossam86** · 29-12-2010 09:50 AM

خليك في الوكيل و توكل علي الله.. مرة يكتبلك خليجي سعودي و يطلع اردني و يطلع مرة تاني عماني..

الوكيل جاي من كوريا.. ماحدش لعب في العربية و لا ضاف عليها اي اوبشن.. من الميناء علي المعرض..

حتاخد ضمان 3 سنين و معاك دفتر الصيانة و اي حاجة حاتقدر تبلغها في ساعتها للتوكيل.. الخليجي يبقي دور علي مركز صيانة خارجي.. تعمل ايه لو قفل او نقل مكان بعيد؟

و بصراحة توكيل eit محترم.. ماشفتش منه اي حاجة تخليني اقول للناس جيبو الخليجي احسن..

**ahmed_911_98** · 29-12-2010 10:39 AM

الضمان 5 سنين

**ahmedhossam86** · 29-12-2010 10:49 AM

المشاركة الأصلية كتبت بواسطة ahmed_911_98

الضمان 5 سنين

لا مؤاخذه

**NoRmAl** · 29-12-2010 05:40 PM

طبعا دايما خلي أختيارك الاول هو الوكيل
ولو مش قادر لأى سبب زى الحجز وولانتظار أو قله الكماليات يبقى توجه للخليجى بس بردو أعمل حسابك فى قرشين للشراء الضمان ليه

وبعيدا عن سؤالك لا أنصحك أبداً بالسيراتو ال lx ويرجى تعيد حساباتك تشوف ممكن تركب أيه تانى

**amooor22** · 29-12-2010 09:23 PM

خليجي ان شاء الله واشتري ضمان ب 900 جنيه كماليات اعلى
وعربيات اجمل كتير من الوكيل

**alavokatooo_o** · 29-12-2010 10:01 PM

المشاركة الأصلية كتبت بواسطة emann

ياريت حد يجاوب على السوال لانى محتاج اجابة لواحد قريبى... كل سة واتو طيبيين

المشاركة الأصلية كتبت بواسطة yasso0101

بس انا هاقولك المفيد

موضوع الخليجي و الوكيل يتوقف عليك انته

من الاخر لو عايز تعيش في الامان و تريح بالك ومستغني عن اوبشن يبقى خليك في الوكيل حيث الضمان والراحه النفسيه

عندك القدره على انك تتحمل نسبة رسك في مقابل الابشن الاعلى وتتحمل ان عربيتك مش هيبقى ليها علاقه بالتوكيل ولو لا قدر الله حصل حاجه التوكيل هيقولك ادفعي 10000 جنيه قبل اي حاجه يبقى خليك في الخليجي بس ده مش معناه الخليجي كله معيوب بس كل شيء محتمل

شكرا علي ردك يا باشا بس انا سمعت ان علشان تتدخل توكيل مش ب 10 الف ده ب 4 بس

المشاركة الأصلية كتبت بواسطة ahmedhossam86

خليك في الوكيل و توكل علي الله.. مرة يكتبلك خليجي سعودي و يطلع اردني و يطلع مرة تاني عماني..

الوكيل جاي من كوريا.. ماحدش لعب في العربية و لا ضاف عليها اي اوبشن.. من الميناء علي المعرض..

حتاخد ضمان 3 سنين و معاك دفتر الصيانة و اي حاجة حاتقدر تبلغها في ساعتها للتوكيل.. الخليجي يبقي دور علي مركز صيانة خارجي.. تعمل ايه لو قفل او نقل مكان بعيد؟

و بصراحة توكيل eit محترم.. ماشفتش منه اي حاجة تخليني اقول للناس جيبو الخليجي احسن..

شكرا علي ردك يا جميل و هو ده الي انا رايي فيه والله وانت جبت من الاخر

المشاركة الأصلية كتبت بواسطة ahmed_911_98

الضمان 5 سنين

المشاركة الأصلية كتبت بواسطة ahmedhossam86

لا مؤاخذه :e_braces[1]:

المشاركة الأصلية كتبت بواسطة normal

طبعا دايما خلي أختيارك الاول هو الوكيل
ولو مش قادر لأى سبب زى الحجز وولانتظار أو قله الكماليات يبقى توجه للخليجى بس بردو أعمل حسابك فى قرشين للشراء الضمان ليه

وبعيدا عن سؤالك لا أنصحك أبداً بالسيراتو ال lx ويرجى تعيد حساباتك تشوف ممكن تركب أيه تانى

اولا شكرا علي ردك وثانيا انت عندك حق في موضوع الحجز والانتظار بس زي ما الشباب قالوا الوكيل بيديك راحه نفسيه وانت راكب العربيه مش مقلق من ان حاجه تحصل ولو حصل انت مطمن ثالثا انت ايه قصدك من ان lx مش حلوه وانت شايف كده ليه؟

المشاركة الأصلية كتبت بواسطة amooor22

خليجي ان شاء الله واشتري ضمان ب 900 جنيه كماليات اعلى
وعربيات اجمل كتير من الوكيل

شكرا علي ردك يا باشا بس انا مش معاك ان الضمان ب 900 جنيه انا في ناس قالت عشر تلاف وناس قالت اربعه مسمعتش عن ال900 خالص

**amooor22** · 30-12-2010 10:04 PM

حضرتك لو جبت خليجي يبقى انسى انك تدخل التوكيل ليه ؟؟؟؟؟؟؟؟؟؟
غير ال 4000 جنيه الي هتدفعهم علشان تدخل العربيه صيانه كمان هتتخاسب بفتوره اعلى من الطبيعي 30 % واحيانا اكثر
كمان مش هيفوتو غلطه في العربيه يعني لو المقص مثلا في حكه هيقولك مطلوب تغيير مقص انما لو عربيه عنده ووكيل علشان الضمان بيعدي حاجات كتير علشان هتتغير على حسابه
طيب هتجيب خليجي عندك اكتر من مركز خدمه كويس ممكن تعمل الصيانه فيه
وتشتري ضمان من اي شركه من شركات التامين ضد عيوب الصناعه وده مش هيكلفك كتير (في حدود 900 ل 1000 بالكتير ) وعلى فكره السيراتو من العربيات الي مفيهاش مشاكل وربنا يوفقك

الموضوع: سيراتو 2011 خليجي ولا وكيل ؟

LinkBack

أدوات الموضوع

عرض

-

-

-

-

المواضيع المتشابهه

سيراتو خليجي ولا وكيل بالضمان ؟؟؟

سيراتو وكيل و لا خليجي ؟؟؟ أرجو المساعدة العاجلة

ارجوكم اخواني الافاده الكيا سيراتو كوبيه جديده 2011 خليجي ام الجيتا 2010 خليجي

ياجماعه محتار بين الكيا سيراتو العاديه الهاي لاين وكيل - والكيا سيراتو كوبيه خليجي

نيو سيراتو وكيل ولا خليجي

الكلمات الدلالية لهذا الموضوع

المفضلات

المفضلات

ضوابط المشاركة