>> اهداء لأخواني ممن يعارضو نظرية المؤامرة في كل الأحوال

**أبو عبدالله** · 29-12-2010 01:39 PM

يا جماعه انا عارف انهم مش اغبيه انهم يتركوا العلامات دي عليه والله
ولكن ماهو ممكن كيون ده مقصد من المقاصد الله اعلم
ومش كل حاجه بتيجي بالأقمار الصناعية يعني مش كل اهدافهم
ماهيا المشكلة ان ساعات كتير اهدافهم بتبقى هايفه وومكن توصل لأهداف نفسية بس واحنا نرد على بعض ونقول بلاش نظريية المؤامرة على الفاضي والمليان بدون ما نتحقق من الكلام او نتصوره

كل اللي اعرفه فيه دليل يبقى كلام مظبوط
فيه كلام بس يبقى اتركه كلام لحد لما يثبت لي الحق من الباطل
مش لما الاقي كلام بس
اروح ادر عالطول واقول بلاش نظرية المؤامرة كده عالطول

يعني هو لا كده لا كده مفيش وسط عندنا هو ده ما اعنيه واقصده من الموضوع
الناس دي هبله وممكن تفكر في اي حاجه هبلة
فبلاش نبقى عاملين نفسنا اكننا ابو العريف واحنا نايمين في الدرا

**Mzeid** · 29-12-2010 02:03 PM

يعني يا جماعة الناس دي بتعمل أبحاث على الحشرات و بتصنع كاميرات متناهية الصغر و بيدرسوا كيفية توجيه الحشرات
و كيفية نقل فيروسات قاتلة
كل دة يبقوا بيعملوا ابحاث على حياة الطيور و الحيوانات
و بعدين اكيد طبعا هما مش ناسيين أن عندهم أقمار صناعية
يا جماعة يعني عدونا عمال يخطط و يتكتك من زمان و احنا كل حاجة نقول عليها يا عم فكك و بطل نظرية المؤامرة

**otefa** · 29-12-2010 02:05 PM

فرقعة أخبارية.........خلينا نايمين في العسل وكل حاجة نرميها علي نظرية المؤامرة منتهي السلبية

**Dr Ahmed** · 29-12-2010 11:50 PM

والله انا عايز أفكر لهم فى مؤامرة
بس محتاج أفكار

ممكن نبعت لهم طواقى رخيصة من الصغيرة بتاعتهم دى وتكون ملوثة بماء النيل يلبسوها ونقضى عليهم

**نور القمر** · 30-12-2010 08:40 PM

انا قريت الخبر ده امبارح ولفت نظري جملة غريبة
بيقولك طائر غريب وضخم !!
يعني الطائر ده مالوش اسم ولانوع
ولا ده نوع جديد اسرائيل مستنسخاه هجين بين عدد الطيور
الخبر واضح انه مفبرك

**factorialx** · 30-12-2010 08:54 PM

يعني هما أغبيه يعني عشان يحطوا إسم إسرائيل على جهاز تجسس
ده أ ب تجسس espionage 101 إنك متعملش كده
و كمان إسم الجامعة يدل إنه لأغراض بحثية و بيعملوا كده على كل الحياوانات

و لو عايزين يتجسسوا ده طبيعي جدا و يثبت نظرية مؤامره و لا حاجه مؤامره على إيه يعني
على الصقور مثلا

حرااام بقى كفاية مواضيع مؤامرات اللي عايز يتقدم هيتقدم و الله لو كل بلاد العالم ضده
يعني الإسرائيليين لو قروا الكلام ده يقولوا الموساد عامل أحلى شغل لا تجسس و لا حاجه بس عاملين لهم رعب في أفكارهم
و ده الأهم و إحنا اللي بنعمل كل الشغل

العالم كله بيدور على مصلحته و شغال في كل المجالات و غحنا محلك سر و نقول مؤامرات

**Dr Zezo** · 01-01-2011 02:56 PM

لا تجسس و لا يحزنون

و هما لما يجي الصهاينة يتجسسوا يتجسسوا علي ال سعود برضه؟!

هذه ابحاث علمية تجريها الكليات و مراكز الابحاث في اسرائيل علي الطيور و سلوكها و طرق هجرتها من الجليل الاعلي و الجولان " في اسرائيل " مارة بطرف الهلال الخصيب و الاردن و اطراف المملكة و يتم تركيب هذه الاجهزة لدراسة سلوك الطيور و الطرق التي تسلكها في هجرتها من الشمال الي الجنوب خلال فصل الشتاء
و يتم تركيب هذه الاجهزة في الصيف قبل هجرة الطيور في الشتاء اتقاء للبرد
و كنت قرأت في موقع صهيوني عن هذه التجارب - في الصيف الماضي - و كان بالموضوع لينك لموقع الشركة الاسرائلية التي تصنع هذه الاجهزة المتطورة

و الخبر به الكثير من التضخيم اما من المصدر و اما من اليوم السابع

و اسرائيل لديها 7 اقمار صناعية للتجسس تعمل علي مدار الساعة لمراقبة الشرق الاوسط
و السعودية ليست من ضمن اولويات هذه الاقمار
و ان احتاجت اسرائيل التجسس فبإمكانها ارسال الطائرات الصعيرة بدون طيار المتطورة التي تصنعها - و تلهث روسيا و تركيا و الصين وراءها - و يمكنها بلوغ مسافات كبيرة و لا يمكن تعقبها او رصدها لصغر حجمها

**pharonicking** · 01-01-2011 04:26 PM

دى شكله طائر تجارب وابحاث وضل الطريق وراح السعودية يعمل عمرة"

**Abo_Lina** · 03-01-2011 01:35 PM

أكيد إسرائيل بتتجسس علينا بس مش بالحمام الزاجل و الطائر الضخم و مثل هذا الكلام البدائي ..
احنا في عصر الطائرة بدون طيار و الأقمار الصناعية ..
و شكرا dr zezo على المعلومات

و أنا قد أغفل مضمون المقال و لكن ما لا يمكن إغفاله ركاكة الصياغة في المقال مما يدلل على مدى ما وصلت إليه صحافتنا و صحافيينا من مستوى .. مع الإحترام للعضو ناقل الخبر