السلام عليكم , الحمد لله استلمنا هيونداي i20 من كام يوم ,و العربية عملا لحد دلوقتي حوالي 300 كم ,لو في أي عضو عنده استفسار عن العربية يتفضل وإن شاء الله هجاوب عليه.العربية اوتوماتيك.
عرض للطباعة
السلام عليكم , الحمد لله استلمنا هيونداي i20 من كام يوم ,و العربية عملا لحد دلوقتي حوالي 300 كم ,لو في أي عضو عنده استفسار عن العربية يتفضل وإن شاء الله هجاوب عليه.العربية اوتوماتيك.
اخبار الماتور في التسارع اه وهل هو ضعيف ولا قوي زي الفيرنا وربنا يباركلك فيها
طلب صغير :)
تقرير كامل عن العربيه و الكماليات و السعر و ياريت بالصور
أنا ماقدرش أحكم عل موتور دلوقتي علشان لسة في مرحلة التليين بس هو كاداء اقل من ال new accent و تحس إن الطلعة بتعته ابطأ,بس صوته انعم بكتير.والعزل أحسن برده من ال new accent
إن شاء الله أنا بجهز تقرير عن العربية في اقرب فرصة إن شاء الله,بس الواحد مشغول في الامتحانات والمذاكرة,ربنا يسهل إن شاء الله واعمله بسرعة.بالنسبة للسعر هو 97,000
في انتظار تقريرك يا ابو حميد وربنا يبعد عنك العين
الف مبروك الi20 و بيعد عنك الحسد يا رب
بس يا ريت تقرير عن العربيه
و اخبار الخامات الداخليه للصالون إيه؟
و هل الفئه دي فيها ABS ؟
و بالنسبه لقطع الغيار إيه نظامها؟
و في انتظار تقريرك
تقبل تحياتي,,,,
الخامات بتاعت الصالون أحسن من خامات ال new accent بفرق ملحوظ بس في عيوب في ال تقفيل باينة تحس إنهم كانوا مستعجلين وهما بيقفلوا العربية,أو جايز عمو غبور هو اللي طالب خط إنتاج مش ولا بد.
العربية فيها abs,قطع الغير بصراحة معرفش عنها حاجة علشان هي لسة نازلة ودي تاني دفعة,أول دفعة اتسلمت كلها.
الكاسيت اللي فيها زي اللي بينزل في الأكسنت و الجيتز ولا الأصلي بتاعها اللي ماشي مع شكل الكونسول ؟
الف مبروك و منتظرين انطباعك العام برضه (اول i20 في المنتدى)
الله يبارك في حضرتك
أيوه الكاسيت اللي فيها اللي ماشي مع الكونسول,وفيه مخرج AUX بس مفيهوش usb
انطباعي العام لسة قدامه شوية وقت علشان لسة برده ماختش العربية في مشوار طويل,يعني إن شاء الله ناوي أسافر بيها إسكندرية وساعتها أقدر أحكم عليها كويس,بس العربية ماسكة نفسها عن ال new accent مع إن البور كهربا بس بيتقل مع السرعة وبيبقى تقيل فعلا أول لما العربية تتحرك,والعفشة بتعتها أريّح بكتير من الnew accent وانعم,والعربية اوسع منها برده,برغم إنها مش سدان
ممكن لو سمحت صور للعربية
والف مبروك يا باشا
اولا الف الف مبروك
وربنا يباركلك فيها ويبعد شرها عنك ويعطيك خيرها ان شاء الله
ثانيا انا ملاحظ انك بتقارنها بالنيو اكسنت
ليه؟!!!!!
الف الف مبروك, ربنا يباركلك فيها ويكفيك شرها وشر الحسد :)
الله يبارك فيك ,و دي عينة إن شاء الله من صور التقرير
http://img820.imageshack.us/img820/1326/92523466.jpg
الف مبروووووووووووووووووووووو ووووووووك
يديك خيرها ويكفيك شرها
هيا كام سي سي وكام حصان
واخبار الثبات إيه ؟؟
وربنا يباركلك فيها يديلك خيرها ..
الله يبارك فيك
ده يا باشا تقرير عن العربية,بالنسبة للثبات أنا لسة مجربتوش قوي علشان لسة في مرحلة التليين
http://www.nilemotors.net/Nile/193558-i-20-a.html