أي استفسار عن ال i20

**ahmed72247** · 29-12-2010 10:33 AM

السلام عليكم , الحمد لله استلمنا هيونداي i20 من كام يوم ,و العربية عملا لحد دلوقتي حوالي 300 كم ,لو في أي عضو عنده استفسار عن العربية يتفضل وإن شاء الله هجاوب عليه.العربية اوتوماتيك.

**TAMERHASSAN** · 29-12-2010 10:59 AM

اخبار الماتور في التسارع اه وهل هو ضعيف ولا قوي زي الفيرنا وربنا يباركلك فيها

**Ahmed.Ali** · 29-12-2010 10:59 AM

طلب صغير :)
تقرير كامل عن العربيه و الكماليات و السعر و ياريت بالصور

**ahmed72247** · 29-12-2010 11:14 AM

المشاركة الأصلية كتبت بواسطة TAMERHASSAN

اخبار الماتور في التسارع اه وهل هو ضعيف ولا قوي زي الفيرنا وربنا يباركلك
فيها

أنا ماقدرش أحكم عل موتور دلوقتي علشان لسة في مرحلة التليين بس هو كاداء اقل من ال new accent و تحس إن الطلعة بتعته ابطأ,بس صوته انعم بكتير.والعزل أحسن برده من ال new accent

المشاركة الأصلية كتبت بواسطة Ahmed.Ali

طلب صغير :)
تقرير كامل عن العربيه و الكماليات و السعر و ياريت بالصور

إن شاء الله أنا بجهز تقرير عن العربية في اقرب فرصة إن شاء الله,بس الواحد مشغول في الامتحانات والمذاكرة,ربنا يسهل إن شاء الله واعمله بسرعة.بالنسبة للسعر هو 97,000

**TAMERHASSAN** · 29-12-2010 11:40 AM

في انتظار تقريرك يا ابو حميد وربنا يبعد عنك العين

**mohamed_mohsen** · 29-12-2010 12:18 PM

الف مبروك الi20 و بيعد عنك الحسد يا رب
بس يا ريت تقرير عن العربيه
و اخبار الخامات الداخليه للصالون إيه؟
و هل الفئه دي فيها ABS ؟
و بالنسبه لقطع الغيار إيه نظامها؟
و في انتظار تقريرك
تقبل تحياتي,,,,

**ahmed72247** · 29-12-2010 12:40 PM

الخامات بتاعت الصالون أحسن من خامات ال new accent بفرق ملحوظ بس في عيوب في ال تقفيل باينة تحس إنهم كانوا مستعجلين وهما بيقفلوا العربية,أو جايز عمو غبور هو اللي طالب خط إنتاج مش ولا بد.
العربية فيها abs,قطع الغير بصراحة معرفش عنها حاجة علشان هي لسة نازلة ودي تاني دفعة,أول دفعة اتسلمت كلها.

**ahmed72247** · 29-12-2010 12:45 PM

المشاركة الأصلية كتبت بواسطة mohamed_mohsen

الف مبروك الi20 و بيعد عنك الحسد يا رب

الله يبارك فيك ويبعد الحسد عننا كلنا

**M.Osman** · 29-12-2010 02:40 PM

الكاسيت اللي فيها زي اللي بينزل في الأكسنت و الجيتز ولا الأصلي بتاعها اللي ماشي مع شكل الكونسول ؟

الف مبروك و منتظرين انطباعك العام برضه (اول i20 في المنتدى)

**ahmed72247** · 29-12-2010 05:04 PM

المشاركة الأصلية كتبت بواسطة M.Osman

الكاسيت اللي فيها زي اللي بينزل في الأكسنت و الجيتز ولا الأصلي بتاعها اللي ماشي مع شكل الكونسول ؟

الف مبروك و منتظرين انطباعك العام برضه (اول i20 في المنتدى)

الله يبارك في حضرتك
أيوه الكاسيت اللي فيها اللي ماشي مع الكونسول,وفيه مخرج AUX بس مفيهوش usb
انطباعي العام لسة قدامه شوية وقت علشان لسة برده ماختش العربية في مشوار طويل,يعني إن شاء الله ناوي أسافر بيها إسكندرية وساعتها أقدر أحكم عليها كويس,بس العربية ماسكة نفسها عن ال new accent مع إن البور كهربا بس بيتقل مع السرعة وبيبقى تقيل فعلا أول لما العربية تتحرك,والعفشة بتعتها أريّح بكتير من الnew accent وانعم,والعربية اوسع منها برده,برغم إنها مش سدان