أشتري بولو 2004 أو 2005 ولا لأ؟؟ قطع غيارها فيها مشكلة في السعر؟؟

**khaledhamdy** · 29-12-2010 12:06 PM

أنا كان معايا سيراتو 2010 بس بعتها لظروف قهرية وبدور على عربية في رنج حاجة وخمسين الف جنيه وبما إني كنت من مالكي الجولف في يوم من الأيام ف الظاهر إني حنيت تاني لفولكس فاجن بس بصراحة مش عارف اجيب البولو ال 2004 أو ال 2005 ولا لا.....هي صناعة برازيلي فعلا؟ أسعار قطع غيارها ايه؟ متوفرة ولا لأ؟ بتتباع بسهولة ولا ايه؟؟ عيوبها ايه؟ ارجو الرد يا شباب عشان انا متسوح من غير عربية ولو هي وحشة فيه يا ترى بدائل تانية بنفس السعر؟؟ أرجو الرد

**ahmedagamal** · 30-12-2010 11:29 PM

السلام عليكم
أنا عاوز أضم صوتي لصوتك وعندي سؤال كمان هل البولو 2005 سيدان عربيع كويسه أنا عجبني أوي شكل السيدان بس مش عارف ليه مش كتير في السوق هل فيها عيوب ياريت يا جماعه حد ينصحنا أو يفدنا بأي معلومه

**Mahmoudyoussif** · 31-12-2010 11:54 AM

طب ما تفكر في الجولف تاني بصراحه البولو العيون

دي انا ما شفتهاش كتير وكنت قريت موضوع هنا انها برازيلي

بس للامانه انا مبحبهاش و مرشحهاش لحد

**M.Mostafa80** · 01-01-2011 10:15 AM

مشكلتها الندره النسبيه لبعض قطع الغيار وصعوبه وجودها داخل التوكيل وخارجه
دور على جولف 4 بالرنج اللى معاك افضل

**OSaMa.GHaMrY** · 02-01-2011 11:09 AM

انا صاحبى لسه شاريها السيدان
وبيقول ان قطع الغيار غاليه بسبب ندرتها فعلا

**ahmed_oth** · 02-01-2011 12:17 PM

المشاركة الأصلية كتبت بواسطة khaledhamdy

أنا كان معايا سيراتو 2010 بس بعتها لظروف قهرية وبدور على عربية في رنج حاجة وخمسين الف جنيه وبما إني كنت من مالكي الجولف في يوم من الأيام ف الظاهر إني حنيت تاني لفولكس فاجن:e_braces[1]: بس بصراحة مش عارف اجيب البولو ال 2004 أو ال 2005 ولا لا.....هي صناعة برازيلي فعلا؟ أسعار قطع غيارها ايه؟ متوفرة ولا لأ؟ بتتباع بسهولة ولا ايه؟؟ عيوبها ايه؟ ارجو الرد يا شباب عشان انا متسوح من غير عربية ولو هي وحشة فيه يا ترى بدائل تانية بنفس السعر؟؟ أرجو الرد

وانا برده عايز اشترى نفس الموديل بس هاتش باك
وليا نفس الاسئله