زلزال؟ طيب كنت فين في الأولاني؟

**Ghamrawy** · 29-03-2008 12:06 AM

المشاركة الأصلية كتبت بواسطة aif

انتو نزلتو جري و نسيتو اخوكي الصغير نايم
ومصطفي سعداوي theking 2690 كان نايم واهله نزلو جري ونسيوه
يبقي اكيد انتو الاتنين اخوات وتوهتو من بعض وانتو صغيرين
فيلم هندي :D:D
يبقي انتي اسمك الثلاثي " دموع الثلج سعداوي "

مش محتاجة نباهه ههههههههههههههههه

فكرتونى بفيلم كراكون فى الشارع لما عادل امام نسى نعيمة الصغير (والدته فى الفيلم) لما البيت كان بيقع و طلع جابها و قعدت تعيط على حرف السرير و تقوله كدا تنسى امك و تاخد مراتك :p

**sokasoon** · 29-03-2008 12:30 AM

زلزال 92 اليوم ده والدى عدى علينا انا واختى فى المدرسة وخدنا وروحنا ويادوب

غيرت هدومى والبيت اترج انا جريت على بابا وقولتلو ايه ده ايه ده :D واخدنى انا واختى

وضمنا وقعدنا وقعد يهدينا لحد ما انتهى الزلزال وما اتحركناش من البيت ساعات بسأل نفسى

لو البيت كان حصلو حاجة كنا هنعمل ايه الطريف بقا انى عرفت ان سكان البيت بالكامل

سابو الشقق ونزلو واحنا الوحيدين فى البيت اللى قعدنا

**mazen86** · 29-03-2008 12:47 AM

انا كنت في جدة ساعتها كنت لسة في تانية ابتدائي

وكنت من المناظر الي في التلفزيون بخاف انام لوحدش عشان البيت هيقع وهيزلوا ويسبوني لوحدي في البيت

عيل بقا

**OlaOsman** · 29-03-2008 07:44 AM

ما شاء الله ده معظمكوا فاكر اليوم ده زي ما يكون امبارح :)

طيب على كده بأه اكيد فاكرين أكثم

**aif** · 29-03-2008 11:49 AM

المشاركة الأصلية كتبت بواسطة OlaOsman

ما شاء الله ده معظمكوا فاكر اليوم ده زي ما يكون امبارح :)

طيب على كده بأه اكيد فاكرين أكثم

طبعا اللي قعد تحت الانقاض كتيييير يجي 4 سنييين كدة :D والشيخ زايد صرفله مكافأة ... ده كان مشهور اوي ايامها
وانا فاكر لما كان بيحكي انه كان سامع بنته وهما تحت الانقاض بتقوله بابا انا عاوزه بيبسي .. يعيني كانت عطشانه ومتعودة انها يشرب بيبسي
كانت قصص توجع القلب

**Nader** · 29-03-2008 12:22 PM

المشاركة الأصلية كتبت بواسطة aif

طبعا اللي قعد تحت الانقاض كتيييير يجي 4 سنييين كدة :D والشيخ زايد صرفله مكافأة ... ده كان مشهور اوي ايامها
وانا فاكر لما كان بيحكي انه كان سامع بنته وهما تحت الانقاض بتقوله بابا انا عاوزه بيبسي .. يعيني كانت عطشانه ومتعودة انها يشرب بيبسي
كانت قصص توجع القلب

انت مش فاكر هو كان بيشرب اية تحت؟؟:o:o

**aif** · 29-03-2008 12:37 PM

المشاركة الأصلية كتبت بواسطة Nader

انت مش فاكر هو كان بيشرب اية تحت؟؟:o:o

انت بتقول فيها ... طبعا فاكر .... كان بيشرب البول بتاعه عشان يقدر يعيش

ييييييييييييييععععععععععع ععععععععع
وطبعا تلاقيه كان بيقول لبنته الصغيرة ده بيريل يا حبيبتي ... عشان ما تقرفش ;)
انا ايام الزلزال ده كان عندي 28 سنة يعني فاكر كل تنتوفة فيه ... كان حسني مبارك في زيارة للصين وقطع الزيارة ورجع بسرعة عشان يطمن علي ..... علي الشعب طبعا
واللي حرق دمي ساعتها انه اثناء البلد ماهي مهدودة والناس مرعوبة طلع يومها وزير الثقافة في التلفاز " التلفزيون يعني " بيطمن الناس ان الآثار بتاعتنا بخير ولم يحدث بها خسائر

آثار اية دلوقت يا راجل يا عديم المفهومية ... الناس نايمة في الشارع وانت بتقولهم آثار

**Nader** · 29-03-2008 12:46 PM

ايوة هوكدة بالظبط فبما انها كانت فاكراة بيشرب بيريل بالرغوة:):) ... بس

سخن فكان من حقها تطالبة ببيبسي:):)

الحمد لله ان الايام دي عدت ربنا ما يرجعها تاني.

بس انافاكربرضة كان في زلزال جامد بعد كدة بفترةكان على الساعة6 صباحاً

على ما اتذكر بس للاسف مش فاكر سنة كام 96 تقريباً،، روجت المدرسة

لقيت المبنى بتاع المدرسة مشروخ ففرحت وقلت دول هيدونا اجازة بقى

علشان المبنى هيقع.... بس طلع نابي على شونة:(

**Powert** · 29-03-2008 02:10 PM

انا اول مرة اسمع عن قصة الاكثم ده اية الحكاية دي

نادر كل مدارس مصر اتشرخت وبرضه روحنا المدرسة المرة الوحيدة اللي كانت اجازة

كانت علشان سيول 94 علشان كد هاخدنا اجازة
وسنة 95 كان في سيول بس خفيفة علشان كده اخدنا اجازة يومين بس :(:(

الموضوع: زلزال؟ طيب كنت فين في الأولاني؟

LinkBack

أدوات الموضوع

عرض

-

-

-

-

-

-

المواضيع المتشابهه

زلزال حصل دلوقتى

زلزال

زلزال في العربيه

زلزال حصل دلوقتى .

زلزال

الكلمات الدلالية لهذا الموضوع

المفضلات

المفضلات

ضوابط المشاركة