زلزال؟ طيب كنت فين في الأولاني؟

**Powert** · 29-03-2008 09:47 PM

المشاركة الأصلية كتبت بواسطة Nader

بورت اكثم او اكسم دة كان واحد قعد تحت الانقاض لعدة ايام

وطلعوة من تحتها بحالة جيدة ،،اية مكنت بتتفرج على

ريبورتاج على القناة الثالتة بالموسيقى الكئيبة بتاعتة دي:×

المشاركة الأصلية كتبت بواسطة sharky

ما هو أنا ماقلتلكش
مش البيت ما حصلوش حاجة و بالتالى العجلة فضلت سليمة :D

الحمد لله مش فاكر ولا كنت بحد اتفرج على القناة التالتة لغاية النهاردة كنت بتفرج عليها على الكارتون اللي بيجي الساعة 10 الصبح بس

شاركي باشا حمد لله على سلامة العجلة

**aif** · 30-03-2008 03:01 PM

المشاركة الأصلية كتبت بواسطة theking2690

احمد باشا انا يشرفنى طبعا ان دموع الثلج تبقى اختى بس للأسف احنا مش اخوات و على فكره انا لو حكتلك على كمية المواقف اللى حصلتلى و انا صغير ممكن تقعد تتضحك عليه سنه يكفى ان انا اقولك ان يوم السبوع بتاعى ولاد عمى سهو مامتى و خدونى حطونى فى السبت و نزلوه و احنا كنا ساكنين فى الدور الرابع و بالصدفه خالى كان تحت و هو اللى خادنى من السبت و طلعنى لماما:D

يا نهار أبيض
المهم السبت حصلوه حاجة ....

هاهاهاهاهاهاهاهاها
يا عم فداك السبت والحبل كمان
بس موقف جامد جدا
انت اكيد لما كبرت بقيت تنط بالباراشوت ... مانت متدرب من صغرك بقي :)

**Islam_galal** · 30-03-2008 03:59 PM

أنا كان عندي محاضرة في الكلية و رحت بدري و كانت المحاضرة في الدور الأرضي و لا حسيت بحاجة و فوجئت بالناس بتحكي علي الزلزال و أنا واقف كأني من عالم تاني

**tamohsen** · 30-03-2008 04:38 PM

المشاركة الأصلية كتبت بواسطة OlaOsman

على ذكر فاني باني.. مين فاكر رسالة بريد الجمعة اللي كانت على أيام عبد الوهاب مطاوع الله يرحمه و كان مذكور فيها قصة مرتبطة بانهيار العمارة و المطعم ده بالذات؟

ايوه فاكر القصه دي كانت صادمه جدا
وكنت اول مره اعرف ان في مصائب رهيبه ممكن تحصل بالشكل ده لناس قريبين مننا
وميكونش بايين عليهم انهم ضاييعين للدرجه دي "قصدي علي الست الكبيره"
سبحان الله اخدوا جزائهم
لسه فاكر القصه دي رغم اني قريتها ييجي من 14 سنه

**peranha** · 30-03-2008 06:07 PM

انا كنت باجيب اخواتي من المدرسه في ميدان المساحه وبافتح الشنطه الورانيه علشان احط شنطهم وفجأه لقيت نفسي مش متزن ..سندت علي العربيه وفاكر اني دوخت لكن لقيت العربيات بتتهز وعرفت انه زلزال . وركبت اخواتي وعايز اطلع من الميدان لكن هو مين ..كله عايز يدوس علي كله ..
لكن اسوأ شيء اني وانا داخل علي بيتنا جالي هواجس مخيفه ..ياتري هلاقي بيتنا ؟
والحمد لله لقيته بس كل السكان ومعظمهم ستات كانو في الشارع .