الموضوع: ترموستات الكوع و وظيفتها وطريقه عملها .... موضوع مصور

المشاركة الأصلية كتبت بواسطة ahmed_lol2007

الف مبروك التثبيت يا فادى

المشاركة الأصلية كتبت بواسطة neemoo

مبروك التثبيت يا فادى

المشاركة الأصلية كتبت بواسطة nahas

بجد شكرا على كل مواضيعك المميزة
فعلا وظيفتها مهمه جدا الكوعه
وشكرا على دعمك بالصور
جازاك الله خير

المشاركة الأصلية كتبت بواسطة h_zahra

موضوعك جامد جدا يا فادي ومبروك التثبيت
دي حكايتى :
الميكانيكى شال الترموستات علشان العربية بتسخن فى الصيف وطبعا الترموستات اترمى
وعلى فكرة الحرارة ما تعدلتش إلا بعد تنظيف الريداتير
وجه الشتا
ومع عدم وجود الترموسات لقيت العربية بتعمل حاجات غريبة الصبح ومحدش فهم السبب إلا التوكيل
قالولي الترموستات مش موجود
وللاسف لقيت ثمنه كبير ولسه ماجبتهوش
بس موضوع ممتاز وياريت الناس كلها تستفاد
كان لي موضوع سابق قبل وقوع المنتدى اسمه المشكله وحلها في كتير من المواضيع دي هحاول انقل موضوعك هناك لو لقيته

المشاركة الأصلية كتبت بواسطة amralfy

الموضوع حقيقى مهم, ولى معاه تجربة سيئة قبل كده, الترموستات كان قفش وانا على الصحراوى وبجرى والمتور سخن جدا,وسبحان من خلى جوان وش السلندر سليم. كان الكوعة مركبهالى عبد الله المريوطية وكالعادة قطع غيار مضروبة و الزباين يحصلهم اللى يحصلهم مش مهم. المهم غيرهالى بواحدة تانية من عندو, روحت من عندو على التوكيل اشترتها هى والجوان بتاعها بحوالى 100 جنية. روحت البيت شيلت اللى كان مركبها ورميتها وكان ميديهالى ب90 جنيه, وركبت الجديدة بنفسى. وشغال معايا فى الصيف والشتا اهو بقالو اكتر من 6شهور.

امبارح بس كنت عند محمد عبد الراضى. وصنايعى عندو قرر يشيل الترموستات,قعدت اقولو انا شاريها من التوكيل مخصوص بتشيلها ليه. المهم كان شالها خلاص. وقاللى ملهاش لازمة ومشاكلها كتير عربيات كتير بتيجى فيها مشاكل منها ديه. المهم اخدت الترموستات من على الارض وخدتوا معايا.

مبدئيا انا اتفق معاه 100% ان المضروب ممكن يعمل كارثة. لاكنى اظن الاصلى مضمون.

المهم جيت انزل بالعربية امبارح باليل كانت بتنتش جامد. بصيت على الشكمان لقيت بنزبن نى و دخنة سودة, قولت كويس انى خدت الترموستات. صحيت الصبح ركبت الترموستات و شيلت الهوا من دورة المياة و العربية بدئت تظبط تدريجى, فضلت مدور وقعدت اراقب حركت تبريد المحرك, ولقيت الموضوع مظبوط, قمت طلعت اجربها, الحمد لله زى الفل.

بيتهيألى ان حساس الكولنت مرتبط بالترموستات ده. انا كنت بغير حساس الكولنت كل شوية. بقالى فترة كبيرة محافظ عليه, واول ما الترموستات اتشال, حساس الكولنت خرف. هشوفه بقى كده ظبط ولا هيتغير.

الخلاصة. اظن الترموستات اساسى ولا غنى عنه, ولازم لازم لازم يكون اصلى.

المشاركة الأصلية كتبت بواسطة mera11

مبروك التثبيت يا فادى وشكرا على مشاركاتك المميزة

الله يبارك فيكم جميعا ومتشكر جدا علي زوقكم الرفيع وحسن ظنكم بي ..