معدل تغيير تيل الفرامل

**blackknight** · 29-12-2010 01:19 PM

النهاردة العربية فى صيانى ال 20000 فى القطامية و لقيتهم بيكلمونى من 10 دقايق بيسألونى علشان تغيير التيل الامامى !!!!! و كمان تمنه 600 جنيه و بعدين انا مش باكبس فرامل كتير علشان التيل يتاكل بعد 20000 كم !!!!

علشان كده انا بستفسر الناس غيرت تيل على كام و سعره بره كام برضه !!!!

**Ahmed.Ali** · 29-12-2010 02:13 PM

اغلب التوكيلات بتغير التيل بدري نوع من الامان و المكسب برضوا بس التيل عندكوا غالي اوي بصراحه

**bassemforever** · 29-12-2010 02:41 PM

سعرة برا 450 جم الاصلى هبقى ابعتلك على الخاص لو عايز تعرف المحل علشان ميبقاش دعاية
انا ماشى بالعربية 30 الف كيلو ومغيرتوش لسة بس انا هعمل الصيانة بكرة فى التوكيل وقبل مروح بكشف علية بنفسي علشان اشوفه عايز يتغير ولا لسة
نصيحة متغيروش الا متشوفه بنفسك او على الاقل لو كدة كدة غيروه اطلب الاصلى بتاعك علما بان استخدامى للفرامل شديد بفرمل جامد و بمشي فى زحمة كتير وبسافر كتير انا عامل 30 الف فى سنة ونص

وياريت اى حد معلومات مختلفة يفيدنا وازاى لو جبناه من برة نتاكد انه الاصلى وشكرا

**bassemforever** · 29-12-2010 03:49 PM

كلمت التوكيل فرع روكسي وقالى سعر تيل الفرامل 430 بدون ضريبة يعنى زود 10 فى المية هيبقى فى حدود 473 جنية مش عارف انت ازاى بتقول 600 اكيد الفرق بين فروع التوكيل مش كل المبلغ دة

**ghazal** · 29-12-2010 07:14 PM

انا غيرت التيل على 32 الف فى توكيل ابو رواش فى صيانة ال 30 الف بس لما اخذت التيل القديم كان لسة فية شوية بتاع 5 الف كمان
الييل كان 430 من غير الضريبة و التركيب 72 تقريبا من غير الضريبة

بس انا لقيت واحد فى القصر العينى بيبيع حاجات سيراتو اصلى كان التيل عنده ب 320 جنية

**mohamedaghali** · 29-12-2010 09:03 PM

انا ماجبتش فى السيراتو لسه لاكن الاوبترا كان بيتغير كل 15000 وبيكون فيه بتاع الفين او تلاته لسه , على حد علمى الاوتو بياكل تيل بسرعه بس انا شايف هنا ناس غيروه على 30000 وده معدل هايل فى الاوتو بس اهم هاجه مايكلش الطنابير وبالنسبه للتيل خليك مع التوكيل لان احيانا بره بجبلك نفس العلبه بس الخامه متغيره وخلى بالك التيل ده اهم عوامل الامان للسياره يعنى لو اتغير بدرى مش مشكله لانك انت المستفيد فى الاخر انا عن نفسى باغير التيل والكاوتش قبل معادهم حتى لو سليم ولسه قدامه شويه

**moha4tec** · 29-12-2010 10:08 PM

المشاركة الأصلية كتبت بواسطة mohamedaghali

انا ماجبتش فى السيراتو لسه لاكن الاوبترا كان بيتغير كل 15000 وبيكون فيه بتاع الفين او تلاته لسه , على حد علمى الاوتو بياكل تيل بسرعه بس انا شايف هنا ناس غيروه على 30000 وده معدل هايل فى الاوتو بس اهم هاجه مايكلش الطنابير وبالنسبه للتيل خليك مع التوكيل لان احيانا بره بجبلك نفس العلبه بس الخامه متغيره وخلى بالك التيل ده اهم عوامل الامان للسياره يعنى لو اتغير بدرى مش مشكله لانك انت المستفيد فى الاخر انا عن نفسى باغير التيل والكاوتش قبل معادهم حتى لو سليم ولسه قدامه شويه

+11111111111111111
اهم حاجه تغيره فى الوقت المناسب او قبله مش بعده

**yasserelsayad** · 30-12-2010 05:11 PM

انا التوكيل غير التيل فى صيانة 30 الف باردوا

**moha4tec** · 03-01-2011 05:53 PM

السلام عليكم
للامان لازم تروح تشيك عليه طبعا لان دى اهم حاجه ,و متوفرش فيها مش خساره
متوسط التيل 30 الف و بيكون فيه شويه لكن مش مهم سلامتك اهم
انا شفت واحد سابه لحد 57 الف و راح يعمل صيانه لانه حس بحاجه كده مش طبيعيه فى الفرامل بتعمل صوت كده و انا كنت معاه فى المركز
و الحمد لله انه راح دى كانت اتكلت و خلاص كانت هتعمل ريجه فى الطنابير و تبوظها و المهندس قاله انت حظك حلو انها اتلحقت يدوبك ,
و صاحب العربيه لما المهندس ساله على انه بيدوس فرامل كتير و الا لا و جامد و الا اه :
قاله لا انه بيدوس قليل جدا و عمره ما كبس فرامل و ان مشيه بالعربيه معتدل و مبيجريش و عشان كده مبيحتجش يدوس فرامل كتير
و ربنا سترها معاه و الحمد لله
فتجنبا للقصص دى غير تيلك بدرى على ال 30 حتى لو سليم او فيه شويه او حسب تقديرك او حسب استعمالك
و يا ريت اكون افدت حضرتك و مطولتش عليك
و السلام ختام
و سعره 350 ج الاصلى برا التوكيل
90 ج اللى مش اصلى

-

الموضوع: معدل تغيير تيل الفرامل

LinkBack

أدوات الموضوع

عرض

معدل تغيير تيل الفرامل - انشر الموضوع فى :

-

-

-

-

المواضيع المتشابهه

هل ممكن تغيير زيت الفرامل يبوظ حاجه في منظومة الفرامل ؟؟؟

معدل تغيير سير الكاتينه.

معدل أستهلاك تيل الفرامل فى الصنى الأوتوماتيك - أفيدونا أفادكم الله

هام لمالكي الهوندا-معدل تغيير الزيت في مصر

معدل استهلاك تيل الفرامل

الكلمات الدلالية لهذا الموضوع

المفضلات

المفضلات

ضوابط المشاركة