اولاٌ
اللى وصلتله العلاقه بين مصر والجزائر ومصر وباقى البلاد العربيه من كراهيه متبادله وحقد وشتائم
دلوقتى مبقاش شعب دوله عربيه الا وبيكرهنا وبيستحقرنا حتى اخوانا السودانين
وخش على اليوتوب واتفرج على الكليبات اللى الشباب العربي والخليجى عاملينه وبيشتموا فيه مصر والمصريين
وطبعاٌ الناس دى معزوره لسببين
1 مصر كدوله مبلقهاش اى موقف قومى او وطنى او قيادى يحسب لها فى المنطقه ( 0 على الشمال )
ده غير ان المصرى بقى بيتضرب ويتهان فى كل الدول العربيه ( الجزائر , السودان ,,,,) من غير ما حد يرفع شاليموه ويدافع بيه عنه
2 تخيل نفسك خليجى ومتعرفش مصر دى وتشوف الافلام المصريه التى تبين واقعنا ( الرجاله بتبيع مخدرات او قوادين ( ابراهيم الابيض وكباريه ) والستات يا رقاصه يا عاهره ( بونسواريه و كلمنى شكراٌ )
وطبعاٌ اخوانا الخليجين ميعرفوش مزارات سياحيه فى مصر الا شارع الهرم وكباريهاته المشرفه للبلد ( الرقص والدعاره هناك برخصه من الحكومه مش سايبه يعنى )
يبقى الناس دى معزوره لما تقرف مننا وتحتقرنا وتعملنا المعامله دى ( ويقولوا بلد رقاصات وابناء فيفى عبده )
وانا بعتبر ده مكسب من مكاسب الحكم الحالى
ثانياٌ
البطل أحمد محمد عبد الرحمن الهوان بسأل سؤال بديهى الاجابه
ليه الموساد مقتلوش وريحه من العزاب ده ؟
الاجابه
ان وجوده عايش مش لاقى نفقه ولا علاج افيد كتير من قتله
ليه لأنه كده بقى عبره لكل اللى يفكر يحافظ على بلده وميخونهاش
كده لما حد فينا يشوف البهدله اللى حاصله للبطل الوفى لبلده ويشوف على الطرف الآخر المعامله الكريمه للجاسوس الخائن ( عزام عزام ) وازاى انه بعد مخلص مؤموريته فى مصر والحكومه مسكته وبكل بساطه روح على اسرائيل معزز مكرم
يا ترى بعد المقارنه البسيطه دى لو اتعرض على اى حد فينا انه يخون بلده
هيعمل ايه ؟
انا برده بعتبر ده مكسب تانى من مكاسب الحكم الحالى
التعليقات اللى انا قريتها من اول الموضوع من نوعية ( مبحبش مصر وبلد عايزه الولع و انا نفسى اسيب البلد دى و ارحل و حسبى الله ونعم الوكيل )
كل ده هو المطلوب اثباته بالظبط
انا شايف ان الناس دى نجحت فى ان تجعل كل العرب يكرهونا
وايضاٌ ان نكره نحن انفسنا
يا رب انا نشكو اليك ضعفنا وقلة حيلتنا وهواننا على الناس
ولاكننا لا نرضى عما نحن فيه ( وهو اضعف الايمان )
فأرحمنا مما نحن فيه يا ارحم الراحمين
المفضلات