للسادة اصحاب الساجا هل احد عنده مشكلة فى المساعدين الامامية لان التوكيل ابلغنى بتغييره برغم ان العربية يادوب كملت ال15000 ارجو الاقادة هل العيب ده منتشر مثل علبة الدركسيون
عرض للطباعة
للسادة اصحاب الساجا هل احد عنده مشكلة فى المساعدين الامامية لان التوكيل ابلغنى بتغييره برغم ان العربية يادوب كملت ال15000 ارجو الاقادة هل العيب ده منتشر مثل علبة الدركسيون
فيه اخوة وصلوا لحد الـ 40 الف بالساجا ولم اسمع من قبل بموضوع تغير المساعدين ولكن هل سيتم تغيرهم لحضرتك في الضمان ولا بيعتبروا ادوات استهلاكية ؟ لأنو بصراحة 15000 رقم قليل جدا حضرتك مثلا مأخدتش مطبات صعبة شوية او بتمشي في شوارع مكسرة كتير ؟
هيتغيرو فى الضمان وبالفعل غيرت اليمين اللى كان موجود بالتوكيل ولسه مستنى الشمال هما فى التزكيل كويسين بس زى مابتقول 15000 رقم قليل جداً وطبعاً مفيش مطبات صعبة ولا حاجة لان ده معناه التغيير يكون على حسابى على فكرة انا لقيت واحد معاه ساجا وبرضه عنده نفس العيب وبرده ضمانن علشان كده حبيت اتأكد هل الموضوع منتشر زى عيب علبة الدركسيون (قمت بتغييرها على 7000 كم؟؟؟؟
طيب والله خطوة جميلة جدا جدا جدا جدا من التوكيل انهم بيتغيروا في الضمان لأني بصراحة مش عارف همة المفروض المساعدين بيتغريروا على امتى ولكن بصراحة شئ جميل جدا من التوكيل بأن يتم تغيرهم في الضمان ولكن بصراحة انا عارف انهم لو عيب صناعة المفروض بيبان بدري اوي عن كده ولكن بصراحة انا مش بفهم فيهم واحب اقول لحضرتك متقلقش ان شاء الله خير لأنه مدام تم تغيرهم فأنتا ليك فترة ضمان جديدة مع المساعدين يعني لا تقلق ان شاء الرحمن والأفضل اني متأكد انه فيه ناس وصلت بيها لأرقام كبيرة جدا ومظهرتش عندهم المشكلة ولكن ان شاء الله وتابع برضوا يا اخي وعرفنا ايه اللي ها يجد مع حضرتك ..
الاول السلام عليكم و رحمة الله و بركاتوا
ثانيا الاخ صاحب الموضوع بالنسبه للمساعدين انا كنت شوفت احد الاخوه الافاضل بس الكلام ده من فتره قبل ما المنتدي يقع و يتظبط تاني كان عندوا نفس الموضوع ده بس اعتقد ده مش عيب منتشر و قليل اوي لما بيظهر بس الحمد لله اول ما بيظهر علي طول في التوكيل بيخبروك و ديه حاجه كويسه جدا من التوكيل بجد يشكروا عليها لأنه ممكن اسهل حاجه يقولك المساعدين انت اخت بيهم مطب جامد و حصل فيهم مشكله لكن تغيرهم في الضمان ده خطوه تحسب للتوكيل بصراحه علي العموم ربنا يسهلك و تخلص موضوع المساعدين علي خير و ابقي طمنا بقي عملت ايه
عندي شك في المساعد الامامي بتاع الساجا بتاعتي ومش عارف استنة صيانة ال 10000 ولا اروحلهم دلوقتي
مشكور على الرد بس اللى قالقنى ان الموضوع حصل بدرى واخشى انه يكون عيب ويتكرر اما بالنسبة للتوكيل هما بصراحة مشكورين المعاملة جيدة والاهتمام واضح بس مش عارف طيب لما التغيير بيتم بسهولة كده ؟؟؟؟؟؟؟؟؟؟؟ اكيد فيه عيب بالعفشة على العموم هما مشكورين على اهتمامهم برغم انهم فى الاول كانوا بيقولوا ان مساعد واحد بس سيتم تغييره اما التانى فكويس وده طبعاً مش مضبوط ولكن غيروا كلامهم والحمد لله بدون مشاكل او جذب وشد مجرد انى اخبرتهعم ان صوت الخبط موجود ايضاً بالجانب الشمال قرروا فوراً انه سيتم تغييره ولكنه غير موجود الان
طب انا ازاى حسيت بالمشكله؟
يعنى انا الى حسيت بيها ولا التوكيل
اصل انا بردو من بحس بدبه نحيه الشمال قدام؟
كلامك جميل بس العيب ده علشان يظهر لازم تشتكى انت منه يعنى ممكن يكون عندك ومش حاسس بيه لان الموضوع لما بتمشى فى اماكن غير مستوية بتسمع صوت حديد بيخبط فى بعضه من العجل الامامى ممكن اى حد يفتكر ان ده عادى وبعد كده مع الوقت ده يقصر على المقصات وتدخل فى شغلانه تانيه وانت مش حاسس انا مش قصدى اخوف حد بس حبيت اوضح هل الموضوع ده موجود عند حد كتير لان حد اعرفه عنده gen2 2008 كان عنده نفس العيب وغيرولوا المساعدين برضه فى الضمان.
واللع واعلم وعلى العموم بتوع التوكيل مشكورين والله برضه مقصروش بمجرد الشكوى وتاكدهم من وجود عيب بمنتهى الهدوء قرروا تغييره بالضمان وده يحسب لهم (على فكرة انا تعاملت مع توكيلات كتير ولاحظت ان بعض التوكيلات حريصة شوية فى حكاية تغيير بالضمان وبعضهم عنده الموضوع عادى) وشكراً على اهمامك بالرد.
الصوت مش دبه عباره عن صوت احتكاك حديد ببعضه وبيظهر بوضوح فى الاماكن الغير مستوية بوضوح وخصوصاً لما العربية تميل شوية يعنى شارع مكسر شوية وتميل العربية شوية يمين تسمع الصوت باليمين والعكس بالشمال ياريت اكون وضحت