مثبت السرعه وياخساره 2010 بجد

**archiwork** · 30-12-2010 10:14 AM

ماتقلبش علينا المواجع بقا والهى انا مخنوق جدا من موضوع المثبت السرعة الى شالوه ده وحاسس انى لو جبت 2011 هايبقى فيها حاجة مهمة جدا ناقصة وخصوصا بعد لما جربته فى 2008 وعرفت اد ايه انه فعلا تحفة ومهم جدا جدا جدا بالذات لو مشاويرك كلها طرق سريعة وراحة ونعمة فعلا ونفسى يرجع ينزل فى العربيات المحترمة بتاعة بروتون تانى الى الناس كلها فى مصر مش عارفين يعنى ايه بروتون وسايبين احدث تكنولوجى وارخص سعر وعمالين يجروا ورا عربيات انقرضت من العالم خلاص

**ayman_83** · 30-12-2010 12:32 PM

ربنا يعوض علي الموديلات اللي من غير مثبت بحاجه تانيه افضل او ينزلوه في 2011
بالنسبه بقئ للادمان يارجاله انا والله لما بركنها تحت البيت اول اما اصحا بخش البلكونه علي طول اصبح عليها وممكن يجيلي برد بس بحب اطمن عليها وفعلا زي سبيدر لو مش هروح بيها حته بحب اقعد فيها
امبارح بعد ماركنتها والله فضلت قاعد فيها واحد صحبي معدي بيقولي قاعد بتعمل ايه والله قلتله مش عارف حاسس اني منوم تغتاطيسي منها

**khpopo** · 30-12-2010 01:27 PM

مزيد من ابيات الشعر والحب تدوم وووبدون نهايه
جين 2 الجميله ....معادله غير مكرره
ويقولو عننا المدافعين بدون وجه حق
ربنا يبارك لنا جميعا

**kareem_aljamal** · 30-12-2010 01:36 PM

المشاركة الأصلية كتبت بواسطة eng_maged

هي فعلا فيها حاجات كتير حلوه - كفايه الزجاج الحراري اللي بيمنع اشعه الشمس وده مش موجود في عربيات تانيه كتير

بس يعيبها خامات التابلوه - بجد نفسي يغيرو التابلوه بتاعها

ايه ده ؟؟؟؟
قصدك ايه بالزجاج الحراري ممكن توضيح

**eng_maged** · 02-01-2011 08:46 PM

المشاركة الأصلية كتبت بواسطة kareem_aljamal

ايه ده ؟؟؟؟
قصدك ايه بالزجاج الحراري ممكن توضيح

زي موضوع Vcool كده لو تسمع عنه وده بيخلي الزجاج بتاعها بيعدي نور الشمس بس بيحجب جزء من الحراره وده بيخلي العربيه لما تقف في الشمس متسخنش من جوه وبيزود كفائة التكييف

بس نسبه حجب حراره الشمس في الجين قليله تقريبا 30 % مقارنة بال VCool اللي بيكون 70%

**ayman_83** · 03-01-2011 01:31 AM

زجاج حراري شبه الموجود في المرسيدس والبي ام
والله الناس دي الله يبارك لهم عشان عربيه زي دي والاوبشن ده المفروض تكون اغلي انا صحابي ركبو معايا بيقولولي ماشاء الله اكنهم ركبين طياره من المميزات والانوار اللي جوه وانا ماشي بيها شباب كتير بتفضل تبص وانا اقر قران لحد مافكرت اني احطها في جراج واسيبها هناك ع طول وكل يوم ابقئ اروح اقعد معاها للصبح من غير مااطلعها للناس ... لو عندك حتته ماس هتسيبها مداس للناس ولا تقفل عليها بمييت ترباس ... ياحبيبتي ياجي جي

**happak** · 03-01-2011 04:45 PM

الزجاج الحرترى دة صحيح ولا افتكاسة اصل مش مكتوب فى المواصفات وعرفتم منين انة نسبتة 30%
اصل المعرض قلى وانا بشترى البرسونا ان الاضواء الامامية يمكن التحكم فيها كهربائيا وطلع الموضوع افتكاسة

**ayman_83** · 04-01-2011 01:21 AM

والله افتكاسه او حراري العربيه مش محتاجها اساسا كفايه عليها الحاجات اللي فيها ياجدعان العربيه تحفه والله سبحان الله انا من قيمه شهر كنت في حيره ومش عارف اجيبها ولا لا واكيد في ناس مكاني حاليا والله العربيه جميله وانا كنت بقارنها بالاسكودا يعني فئه اعلي منها وبجد والله مش ندمان والحمد لله ان ربنا وفقني فيها

**midosalah** · 04-01-2011 06:48 AM

يا جماعة هوا مش الازاز الحرارى ده مسؤال عن ازالة الضباب المتكون على الزجاج الخلفى اثناء فترات البرد ؟؟ ولا هوا فعلا زى الفى كوول ؟؟

**midosalah** · 04-01-2011 06:49 AM

المشاركة الأصلية كتبت بواسطة happak

الزجاج الحرترى دة صحيح ولا افتكاسة اصل مش مكتوب فى المواصفات وعرفتم منين انة نسبتة 30%
اصل المعرض قلى وانا بشترى البرسونا ان الاضواء الامامية يمكن التحكم فيها كهربائيا وطلع الموضوع افتكاسة

موضوع ضبط ارتفاع الاضواء الامامية مش افتكاسة ده موجود فعلا بس فى الفول اوبشن بس
انت عربيتك ايه ؟

الموضوع: مثبت السرعه وياخساره 2010 بجد

LinkBack

أدوات الموضوع

عرض

-

-

-

-

-

-

-

المواضيع المتشابهه

مثبت السرعه فى ميجان 2

اين مثبت السرعه في جين ٢

مثبت السرعه Octavia A4

مناقشه حول مثبت السرعه....

مثبت السرعه؟

الكلمات الدلالية لهذا الموضوع

المفضلات

المفضلات

ضوابط المشاركة