مثبت السرعه وياخساره 2010 بجد

**ayman_83** · 29-12-2010 08:57 PM

الناهرده ياجماعه طلعت علي الدولي وقلت اجرب مثبت السرعه اللي ملهوش لازمه ده اللي شلوه من 2010 2009 وبجد ياجماعه ده اوبشن جامد جدا والله ومريح جدا يادوب توصل للسرعه اللي انت عايزها وتدوس عليه ولو عايز تزود ترفع الدراع لفوق والعربيه سرعتها تزيد وتبقئ عايزه تاكل الارض والعكس لو تقلل وتشيل رجلك خالص اخر راحه طيان الطيان هو ممكن ناس كتير تقول ايه ده محنا عارفين كده ايه الجديد بس انا عن نفسي اول مره اجربه وزعلان بجد والله انه مش موجود في الموديلات الجديده بجد ياجماعه كل يوم بحترم العربيه دي وبحترم الناس اللي ركبينها اكتر واكتر لانهم عرفو قيمه العربيه واشتروها
والناهرده كنت عند واحد بتاع اكسسوارت وفتحنا الكبوت وشاف العمود اللي ماسك المساعدين وبقئ هيتجن ويقولي استحاله تكون نازله كده اكيد انت اللي عامله وكل مايأوحني العربيه تزيد غلاوتها عندي

**Abo.Mayyam** · 29-12-2010 10:08 PM

ما شاء الله ربنا يباركلك فيها ويحفظهالك من أى سوء ويجعل كل مشاويرك بيها فى رضاه إن شاء الله

**Raul_7** · 29-12-2010 10:08 PM

ربنا يباركلك فيها وتفضل مبسوط بيها دايما...وأكيد مثبت السرعة مهم, خاصة لو على طريق سفر.

**loveknight** · 29-12-2010 10:21 PM

عربيه 100 100

**ayman_83** · 29-12-2010 10:24 PM

الله يباركم لكم ويبارك فيكم

**eng_maged** · 29-12-2010 10:29 PM

هي فعلا فيها حاجات كتير حلوه - كفايه الزجاج الحراري اللي بيمنع اشعه الشمس وده مش موجود في عربيات تانيه كتير

بس يعيبها خامات التابلوه - بجد نفسي يغيرو التابلوه بتاعها

**MEGAREKAB** · 29-12-2010 11:10 PM

المشاركة الأصلية كتبت بواسطة ayman_83

الناهرده ياجماعه طلعت علي الدولي وقلت اجرب مثبت السرعه اللي ملهوش لازمه ده اللي شلوه من 2010 2009 وبجد ياجماعه ده اوبشن جامد جدا والله ومريح جدا يادوب توصل للسرعه اللي انت عايزها وتدوس عليه ولو عايز تزود ترفع الدراع لفوق والعربيه سرعتها تزيد وتبقئ عايزه تاكل الارض والعكس لو تقلل وتشيل رجلك خالص اخر راحه طيان الطيان هو ممكن ناس كتير تقول ايه ده محنا عارفين كده ايه الجديد بس انا عن نفسي اول مره اجربه وزعلان بجد والله انه مش موجود في الموديلات الجديده بجد ياجماعه كل يوم بحترم العربيه دي وبحترم الناس اللي ركبينها اكتر واكتر لانهم عرفو قيمه العربيه واشتروها
والناهرده كنت عند واحد بتاع اكسسوارت وفتحنا الكبوت وشاف العمود اللي ماسك المساعدين وبقئ هيتجن ويقولي استحاله تكون نازله كده اكيد انت اللي عامله وكل مايأوحني العربيه تزيد غلاوتها عندي

أيمن باشا الإسكندرانى

الباشا من فين فى اليكس بالظبط ؟

أخوك محمد من اليكس برضه ... من المكس ... أكيد طبعا عارفها ..

ربنا لسه كارمنى ومنعم عليا بحته ساجا...

الله أكبر الله أكبر مالهاش حل ...

معايا يادوب بقالها اسبوع ...

مش هتصدق انى لو قلتلك انى من ساعة ماجبت العربية دى وانا بقيت اتلكك على أى مشوار برا البيت وأخد بناتى وأنزل جرى بساجتى حبيبتى إنشا الله لو هجيب علبه سجاير من السوبر ماركت فى أول الشارع .. وبعد ماجيب حاجتى وأخلص مشوارى .. أفضل الف بيها نص ساعة ... ساعة ...أطلع وأنزل الدولى ... ومابقاش عاوز أروح وأسيبها ...

اللهم بارك لنا فيما رزقنا و أدم علينا نعمائك التى لا تعد ولا تحصى وإحفظها من الزوال وألهمنا القدرة على شكرك وطاعتك وحسن عبادتك .... أمين يارب العالمين واللهم تقبل ...

محمد عبد المجيد
مدير إدارة الإستيراد
شركة الإسكندرية للإضافات البترولية ( اكبا )
0116007025

**ayman_83** · 30-12-2010 01:38 AM

محمد عبد المجيد باشا يامكساوي الف الف مبروك عليك وربنا يديك خيرها ويكفيك ويبعد عنك شرها.. انا كل يوم علي كده بعدي عليك لاني ساكن في المنشيه ومحلي في الهانوفيل وفعلا والله انا عايز اقولك اني لو رايح المطبخ ببقئ عايز اروح بيها بتلكك زيك تمام بس ده غلط البنزين هيتلككلنا كده يابرنس وهيخرب بيتنا بس بيني وبينك بروتون تستاهل انك تضحي عشان تتمشي بيها

**spiderloking** · 30-12-2010 01:46 AM

عاوز اقولك والله يا ايمن ان بروتون كلها ادمان مش عارف يا اخي العربيات ديه حاطين فيها مخدرات ولا ايه انا لما احط رجلي منها ببقي مش عاوز انزل و كل يوم بخترع مشاوير انا تقريبا الوقت اللي بقضيه فيها اكتر من الوقت اللي في البيت حتي لو مش ماشي بيها تلاقيني بنزل انضفها اقعد فيها هههههههههههههههههه