الموضوع: كلام مش معقول من الجاسوس

هى اسرائبل لسه عايزه جواسيس؟
وليه؟
ما غسيلنا كله فى الشارع والو.... قبل النضيف

اسرائيل دلوقت مش محتاجة اى حاجة علشان تهزمنا
اساسا احنا حاليا مش محتاجين حد يهزمنا
احنا عندنا اكتقاء ذاتى وممكن نصدر الهزيمة حاليا لأى مكان عايز ينهزم

المشاركة الأصلية كتبت بواسطة a7med_pharma

مش تقليل من قمته يابوحميد
لا
بس الراجل إلي مؤهله دبلوه مثلا .. هيسمحوا ليه يخش أماكن مهمة ليه؟
فاهمني
يعني هوا عنصر بشري..تمام
هيعمل إيه بقا

لا يا دوك احمد
مش هيدخل اماكن مهمة
بس هينقل الحال العام للبلد
و هينقل الأمور اللي بتحصل في الشارع عنده او في الحارة
علشان يكونوا فكرة أكبر و أشمل عن الوضع المصري سواء الاجتماعي او الاقتصادي أو السياسي

المشاركة الأصلية كتبت بواسطة aif

يا جماعة الصحفيين اللي بينشرو الاخبار في مصر مستواهم الاعلامي والثقافي متدني للغاية ..... يعني الكلام اللي بيتكتب في الاعلام ده انا باعتبره تهييس اعلامي
لو مش مصدقيني اسمعو نشرات الاخبار وطريقة كتابتها وطريقة قراءتها .... تشعر ان اللي كاتبها معاه ابتدائية واللي بيقراها ثانوية عامة ب 50%
اما بخصوص ان اسرائيل عافة دبة النملة ومش محتاجة اي جواسيس ده كلام مش منطقي .... الكاميرات ممكن تصور المباني والمنشآت .... لكن القرارت والتفكير ومستويات تدريب الكوادر وحاجات كتير اوي لا تتوفر الا من خلال عناصر بشرية .... وبعدين الكاميرات بتصور مبنى من الجو .... طيب والتفاصيل اللي بتحصل داخل المبنى ..... وما يحدث داخل المعامل والغرفات .... بيصوروها كمان ... والاصوات بيسجلوها كمان ...... خلينا منطقيين
انا شايف ان الناس مضخمين اوي من امكانيات اسرائيل ..... يمكن ده نابع من عدم رضاهم عن كل شيء في بلدنا ...... لكن برضه مش كل ما يحدث يتم نشره .... ومش كل ما ينشر بيكون حقيقة .....

عندك حق يا أستاذ احمد بخصوص الإعلام

بس بالنسبة لإمكانيات إسرائيل ففعلا إمكانياتها كبيرة جدا
قطاع البحث العلمي عندهم متطور جدا و دولة منتجة في قطاع التكنولوجيا و البحث العلمي