[=Mshawky;3873184478]طب انا لو حبيت اعمل الاستيكر المط الاسود للعربيه كلها واهو يحميها من الخدوش والكلام ده
يكلفنى كام ؟ وهل فى مشكله فى المرور ؟
السلام عليكم
انا من اسبوع رحت لشركت 3m و اخدت عنوان الموزع بتعها المختص بالفينيل و الستيكر و خلافه و ال automotive عموما
طبعا انتوا عرفين ان لزق ال 3m من الاخر و كنت اتفرجت على منتجاتهم على الانترنت و عجبتنى موت
و قلت لما اعمل زياره و افهم و اسال على الاسعار بامره و اشوف دماغ الناس فيها اه
و خلاصة الزياره و التجربه هى كالاتى:
1- الخامات مفيش احسن منها و هى اللى معمول بيها المرسيدس و البى امات و البورشات و غيرها على النت فعلا
2-الالوان متعدده سواء كاربون بدرجاته و المط و حتى فى بلون العربيه بالظبط والله و كل الالوان بتاعه السيراتو و غيرهاو كمان خامات الابانوس والجلود بدرجاتها ,و غيرها و غيرها
3-التشطيب و التقفيل ممتاز فعلا.
4- الناس فهمه جدا و محترمين جدا جدا و عرفين بيعملوا اه ,و مستواهم المادى عالى موت ,و بياخدوا دورات تدريبيه فى امريكا بخصوص شغلهم ده و بيتدربوا عليه كتير .و هما تقريبا كلهم مهندسين و تعليم اجنبى تقريبا جامعه امريكيه
5-لو زهقت من المط اللى على العربيه و عاوز تشيله هما بيعرفوا يشيلوه من غير ما يازو البويه خالص و عندهم ادواتهم و السوائل اللى بتترش و هما بيشيلوه,من غير اى اضرار لبويه او العربيه
6- المركز ده لسه فاتح جديد و الافتتاح المفروض انهارده ,و هما عملوا بالفعل 3 عربيات :1- bmw x6 عمل العربيه كامله و الجنوط اسود مط استير من عندهم,و العربيتين التانيين بتوعهم ,bmw اخر حاجه بردوا .
العربيه ال bmw x6 اتكلفت من 7 الى 8 الاف جنيه للبدى الخارجى فقط ,و الجنوط الاربعه اتكلفوا 4 الاف جنيه هههههههه فقط لا غير و اخدت مدة 5 ايام تقريبا
7- هما قريب اوى هيجيبوا قماش الكربون (و ده بقى من الاخر جامد فحت و اللى فاهم هيفهم قصدى و الفرق بينه و بين الاستيكر)
8- طبعا غاليين موووووووووووووووووووووووو ووووووت,و للاسف مقدرتش اتحمل تكلفه زى دى او حتى ربعها ,و شكرتهم على حسن ضيافتهم و مشيت
9- المكان نضيف جدا و كبير و منظم و شيك.
دى كانت نتائج الزياره
و بعد كده انا اقعدت على اليو تيوب و و جميع حاجه على النت جايبه سيرة الكاربون او المط او الاستير او الفاميه و ازاى يتلزق عموما و النتيجه كالتالى:
1- رحت شارع التوفيقيه و اشتريريت ستيكر مط و كاربون و رحت شارع الجمهوريه و اشتريت الهوت جن (ستشوار) بتاع الهوا السخن اللى عند بتوع الفاميه ,و جبت وصلة كهربا 20 متر
2- عملت المرايتين كاربون و كمان الشبكه الاماميه :و النتيجه :اول مرايه متوسطه اى جيد جدا ,المرايه التانيه جيد جدا الشبكه ممتازه و من الاخر طلعت فلته الحمد لله و اكتشفت ان الموضوع ده ممارسه و بيقوى من كتر العمايل ,و عملت عربيه تانيه فاميه شفاف من جوا على الاعتاب الداخليه و الحمد لله طلعت ممتازه و تحمى من الخرابيش و كمان الابواب من جوا
3- عملت كفر الفرامل البريمبو الاحمر على الاربع جنوط من جوا على الفرامل.
4- عملت ستيل الجولف ال gti على الشبه زيها بالظبط و الله و ان شاء الله تعجبكوا
و شوية حجات تانيه مش كتير بس ان شاء الله تعجبكوا
و كمان عملت عربيه سيراتو تانيه بتاعتنا بردو فيها اغلب الشغل اللى انا عامله
و كمان فى زميلنا شادى هنا فى المنتدى عمل عربيته كمان و كل ده فى نفس الموضوع الجديد اللى انا هعمله
و يا رب ان شاء الله يعجبكوا
و اى حد عاوز حاجه يعملها فى عربيته انا ممكن اشرحهاله و اعلمهاله و ممكن كمان اساعده لو عندى وقت ان شاء الله
الاكتشاف :
مفيش حاجه بتتعمل فى العربيات مش ممكن تعملها بنفسك من الاخر(ممكن تتعلم من اليو تيوب و تبقى قوى الملاحظه و تركز مع اى حد بيعمل حاجه و تتعلم بمجرد النظر فقط و كمان ممكن تسأل و ما تتكسفش عشان متضيعش وقت).
و يا ريت مكنش طولت عليكم
و السلام ختام
المفضلات