الموضوع: يا ولاد الحلال

لو عاوز زيرو فى الرينج ده عندك لادا وماروتى وشفروليه اسبارك

والفرق بين ال3 فى السعر مش كبير

افضلهم اللادا بس عيبها الدركسيون تقيل والشكل دبابه هههههههه بس قصاد كده قطع غيار ببلاش ومش حقولك اى صنايعى يصلحهالك لا ده ممكن انت تصلحها بنفسك بعد شويه

مميزاتها عربيه عائليه واقتصاديه وحماله اسيه وبتاعه سفر ولف طول النهار واكبر دليل على كده كميه التاكسيات اللادا الموجووده

سبحان الله انا كنت فى نفس حيرتك من كام شهر

وقى مقارانات كتير عملتها ف المنتدى وحضرتك تقدر تخش على البروفايل بتاعى وتعمل بحث عن المواضيع وهتلاقى مقارناتى بين نوبيرا وسيفيا و عربيات كتير اقل منهم كمان زى البونتو والاسبيروا والابيزا .. بس فى الاخر حمد لله استقريت على نوبيرا لعده اسباب منها:

عربيه جباره حماله قاسيه فعلا ..
ثبات و لا أروع ( بعكس الفيرنا و الانوس ) النوبيرا وزنها فاضيه 1250 كجم !!
وسع داخلى رهيب قدام ووراء .
توفر قطع الغيار واسعار حلوه
الشكل هوه مسأله اذواق بس بصراحه احسن تصميم فى الاختيارات اللى حضرتك قلتها

العيوب :
هيه عيبها الوحيد المقصات ودى بصراحه ممكن تغيرها مره كل 6 شهور او مره كل سنه وطبعا حسب الطرق اللى انت بتمشى فيها يعنى لو طريق نظيف وهتحافظ على العربيه مش هتضايقك خالص ..

مقارنه باللى فاتوا اللى تم ذكرهم فى الموضوع

النوبيرا تغلب الفيرنا والانوس فى الثبات والوسع الداخلى بشكل رهيب ..
النوبيرا تغلب الكيا سيفيا فى تمن قطع الغيار .. اكتر انتشارا وارخص ( لكن العربيتين ثباتهم حلو اوى ووسعهم الداخلى حلو اوى برضه ) .

النوبيرا تغلب الاكسنت فى الوسع الداخلى .. لكن الثبات بصراحه الاكسنت ثباتها محدش يقدر يتكلم عليه ودى للامانه فقط عربيه ماشاء الله ثباتها فظيع وعشان كده تحس انها لازقه فى الارض

كل اللى فات يغلبوا النوبيرا فى استهلاك البنزين يعنى النوبيرا هتكون اكتر واحده تستهلك بنزين فيهم وذلك لان عزم الموتور بتاعها عالى جدا وبتطلع قوه جباره + طبعا وزن العربيه


حاجه كمان عشان احاول اخليك توصل لحل بسهوله ( بصراحه النوبيرا نظيفه مش هتكون اقل من 46 الف جنيه لموديل 2001-2003 ) .. ف لو حضرتك معرفتش تجيب المبلغ ده " أوعى " تشترى عربيه نوبيرا متبهدله او اى عربيه متبهدله عموما ...
اعتقد ممكن ساعتها تفكر فى الاكسنت لو موضوع الوسع الداخلى ميهمكش وخلى بالك انا شايف ان الاكسنت احسن بكتير من الانوس او الفيرنا !! ف لو لقيت حاجه انظف استعمال بيتى موديل 99 هتكون اخرها ب 37 الف مثلا وانت اولى بباقى الفلوس


انا قلت كل حاجه وحضرتك قرر وربنا يكرمك

المشاركة الأصلية كتبت بواسطة mxz911

سبحان الله انا كنت فى نفس حيرتك من كام شهر

وقى مقارانات كتير عملتها ف المنتدى وحضرتك تقدر تخش على البروفايل بتاعى وتعمل بحث عن المواضيع وهتلاقى مقارناتى بين نوبيرا وسيفيا و عربيات كتير اقل منهم كمان زى البونتو والاسبيروا والابيزا .. بس فى الاخر حمد لله استقريت على نوبيرا لعده اسباب منها:

عربيه جباره حماله قاسيه فعلا ..
ثبات و لا أروع ( بعكس الفيرنا و الانوس ) النوبيرا وزنها فاضيه 1250 كجم !!
وسع داخلى رهيب قدام ووراء .
توفر قطع الغيار واسعار حلوه
الشكل هوه مسأله اذواق بس بصراحه احسن تصميم فى الاختيارات اللى حضرتك قلتها

العيوب :
هيه عيبها الوحيد المقصات ودى بصراحه ممكن تغيرها مره كل 6 شهور او مره كل سنه وطبعا حسب الطرق اللى انت بتمشى فيها يعنى لو طريق نظيف وهتحافظ على العربيه مش هتضايقك خالص ..

مقارنه باللى فاتوا اللى تم ذكرهم فى الموضوع

النوبيرا تغلب الفيرنا والانوس فى الثبات والوسع الداخلى بشكل رهيب ..
النوبيرا تغلب الكيا سيفيا فى تمن قطع الغيار .. اكتر انتشارا وارخص ( لكن العربيتين ثباتهم حلو اوى ووسعهم الداخلى حلو اوى برضه ) .

النوبيرا تغلب الاكسنت فى الوسع الداخلى .. لكن الثبات بصراحه الاكسنت ثباتها محدش يقدر يتكلم عليه ودى للامانه فقط عربيه ماشاء الله ثباتها فظيع وعشان كده تحس انها لازقه فى الارض

كل اللى فات يغلبوا النوبيرا فى استهلاك البنزين يعنى النوبيرا هتكون اكتر واحده تستهلك بنزين فيهم وذلك لان عزم الموتور بتاعها عالى جدا وبتطلع قوه جباره + طبعا وزن العربيه


حاجه كمان عشان احاول اخليك توصل لحل بسهوله ( بصراحه النوبيرا نظيفه مش هتكون اقل من 46 الف جنيه لموديل 2001-2003 ) .. ف لو حضرتك معرفتش تجيب المبلغ ده " أوعى " تشترى عربيه نوبيرا متبهدله او اى عربيه متبهدله عموما ...
اعتقد ممكن ساعتها تفكر فى الاكسنت لو موضوع الوسع الداخلى ميهمكش وخلى بالك انا شايف ان الاكسنت احسن بكتير من الانوس او الفيرنا !! ف لو لقيت حاجه انظف استعمال بيتى موديل 99 هتكون اخرها ب 37 الف مثلا وانت اولى بباقى الفلوس


انا قلت كل حاجه وحضرتك قرر وربنا يكرمك

+1111111111111111

وشهد شاهد من اهلها انا ماجبتش كلام من عندى لان فعلا جارى عنده نوبيرا وبيشتكى من استهلاك البنزين اما بخصوص العفشه فهذا الكلام بيأكد كلامى والكلام ده اتقال من بق الصنايعىيه

لاانكر ان النوبيرا كعربيه قويه وواسعه ولكن ارى ان الانسب لك هو الاكسنت او اللانوس وهتجيب حاجه نضيفه بالمبلغ اللى معاك ده

وشهد شاهد من اهلها انا ماجبتش كلام من عندى لان فعلا جارى عنده نوبيرا وبيشتكى من استهلاك البنزين اما بخصوص العفشه فهذا الكلام بيأكد كلامى والكلام ده اتقال من بق الصنايعىيه

لاانكر ان النوبيرا كعربيه قويه وواسعه ولكن ارى ان الانسب لك هو الاكسنت او اللانوس وهتجيب حاجه نضيفه بالمبلغ اللى معاك ده

انا قلت لازم اقول كل الميمزات والعيوب بأمانه لان كل ده فى الاخر انا مش هاخد منه حاجه غير انى افيد صاحب الموضوع باللى يحتاجه يعنى بصراحه شراءه سياره نوبيرا او اكسنت او اى كان نوعها مش هيفرق مع حد فينا فى حاجه ( ده للامانه ) ولكن كل اللى بنحاول نعمله اننا نفيد بعض فى مواضيع البيع والشراء وعلى فكره انا ما استقريتش على نوبيرا غير بعد ما عملت مواضيع كتير فى المنتدى واستفدت كتير ف لازم دلوقتى افيد غيرى

بالنسبه للنوبيرا .. بأختصار جدا النوبيرا استهلاك بنزين اكتر على حساب حاجات تانيه كتير هتاخدها زى ثبات جبار ما شاء الله .. وسع داخلى فظيع .. قطع غيار متوفره جدا وسعرها حلوه مقارنه بأى عربيه نفس الفئه ( خلى بالك لو هتقارن النوبيرا بعربيه تانيه هتكون اوبترا - النترا ) ودى كلها فئات اغلى منها فى السعر

اللى عاوز اعرفهولك كمان ان نوبيرا زمان خالص نوبيرا 2 اول ما نزلت كانت ب 115 الف وبعدها نزلت ل حاجه وتسعين الف واخر سعر وصلت ليه كان 87 الف .. يعنى عربيه بص دلوقتى سعرها مستعمل كام وهتعرف اد ايه هيه لقطه ..

الاكسنت 99 - 2000 اعتقد سعرها جديد كان حاجه قليله ومع ذلك محافظه على سعرها لسبب واحد وهو السوق المصرى !! اه السوق المصرى اللى ماشى على مبدأ واحد وهو قطع الغيار والبنزين !

عموما انا شايف انك لو مش عاوز وسع داخلى يبقى الاكسنت افضلك وهيه عربيه عمليه جدا وثابته جدا بس شكلها صغير وبرضه شيك جدا

لو مشيت ورا كلام الناس مش هتوصل لحاجه ولا هتجيب حتي بسكلته, انوي انت و فكر انت مرتاح لايه و اعمله و ربنا يوفقك للخير
انا كنت في السوق برضه امبارح مش تقول يا راجل ههههه يلا حصل خير