اختبار قياده سريع للانسر شارك" take away"
العربيه المستخدمه في التقرير:شارك 2008 اتوماتيك خليجي اول فئه"جنوط عاديه بدون فتحة سقف "
عامله 55 الف كم
مكان اختبار القياده:اتوستراد المعادي.
المميزات:
-الصالون ممتاز والكراسي مريحه واول مره ماجيبش الكرسي بتاع السواق للاخر لورا مع العلم ان طولي 181 سم.
-الكنبه الخلفيه تسمح بركوب افراد حتي لو الكرسي رجع للاخر.
-العدادات واضحه وشيك وكمبيوتر الرحلات ممتاز.
-طارة الدركسيون بتعلى وتوطي.
-سحب العربيه ممتاز والتسارع بتاعها رائع والفرامل ممتازه.
-ثبات العربيه ممتاز.
العيوب : مش عارف العيوب دي في العربيه دي بس ولا في كل العربيات الشارك"نرجو من الشاركاويه الاجابه على هذه الاسئله"
-مفيش كونسول بين الكرسيين الاماميين .
-صوت الموتور عالي شويه"العزل 85%".
-العفشه ناشفه شويه.
-الشنطه مش كبيره"ولكنها معقوله جدا بالنسبه لشكلها من الخارج"
النتيجه النهائيه :العربيه كويسه جدا ومش عارف ليه العربيه دي ماخدتش حقها في السوق زي البومه.... يمكن عشان سعرها كان غالي شويه؟؟؟؟؟....
يارب التقرير يعجبكو >> محتاجين شوية اسعار لقطع الغيار من ملاكها .
