السلام عليكم ورحمة الله
الأخوة الأعزاء ، أفيدونى أعزكم الله
لما باكون ماشى بالعربية فى طرق زحمة ، وامشى و أقف ، أحيانا باسمع صوت دبة فى العربية من ورا ، أكن حد خبطنى خبطة بسيطة
العربية موديل 2008 و لسه جايبها من شهر كده
ولكم الشكر
عرض للطباعة
السلام عليكم ورحمة الله
الأخوة الأعزاء ، أفيدونى أعزكم الله
لما باكون ماشى بالعربية فى طرق زحمة ، وامشى و أقف ، أحيانا باسمع صوت دبة فى العربية من ورا ، أكن حد خبطنى خبطة بسيطة
العربية موديل 2008 و لسه جايبها من شهر كده
ولكم الشكر
الأول شوف إذا كان فيه حاجة محطوطة في الشنطة غير ثابتة ،، فبالتالي بتدب لما تفرمل
ويا ريت تخلي واحد قاعد في الجنبة الخلفية ،، وتمشي وتقف .. وتخليه يعرف الصوت جاي منين بالظبط
وإن شاء الله حاجة بسيطة
الصوت دة مع الفرامل بس ؟
ولا اوقات و انت واقف ؟
و بيحصل دائما ولا على فترات طويلة
و بحصل اكثر فى الايام الحر ؟
برجاء الاجابة على كل الاسئلة السابقة لتحديد العيب
و فى جميع الحالات بسيطة ان شاء الله
و بالتوفيق
السلام عليكم
أشكر لكم إهتمامكم
انا إتأكدت من الأول إن مافيش حاجة سايبة فى الشنطة،فأعتقدالإحتمال ده بعيد
الصوت ده مش بيحصل بإستمرار،ولما بيحصل بتكون العربية لسه واقفة حالا،يعنى زحمة مثلا وتمشي وتقف ، فى واحدة من الوقفات تسمع الدبة دى،والعربية دى لسه جايبها اليومين دول
جزاكم الله خيرا
فية قطعة اسمها الكارت مسئولة عن ارتجاع البنزين الى التانك هى الى بتعمل كدة لانها بتدخل هواء الى التانك و بيفضل التانك يتملى هواء و لتفريغ الهواء بيعمل الصوت دة
اول حاجة حضرتك تعملها تغير غطاء التانك ويكون اصلى من التوكيل يمكن المشكلة فى البلف الخاص بتصريف الهواء من الغطاء
اذا لم تحل المشكلة
فعندك حل من اثنين
الاول و هو دة الصح تغير الكارت
الثانى ولا انصح بة هو عمل خرم صغير جدا جدا فى غطاء التانك لتفريغ الهواء من خلالة و يجب ان يعملها حد متخصص علشان الغطاء مايبظش
المهم العربية فى الضمان ولا لأ ؟
و بالتوفيق فى القرار السليم
معلش ان شاء الله بسيطة
و احنا مع بعض لغاية لما المشكلة تتحل ان شاء الله
بالتوفيق
حضرتك تأمر