رجاء عمل مقارنة بين السكودا الفيليشيا و اللادا 2105 من حيث خشونة القيادة

**thegoodhacker** · 28-03-2008 06:00 PM

حاليا الوالد عنده سيارة لادا 2105 و يريد تغييرها بسكودا فيليشيا ولكن تردد بعد سماع ان السكودا فيليشيا تتسم بخشونة القيادة ..... لذا ارجو من من له خبرة في قيادة كلا السيارتين مقارنة الفيليشيا باللادا 2105 من حيث التقاط التالية :
- من حيث ثقل الديريكسيون
- من حيث ثقل الدواسات
-من حيث خشونة الفتيس
- من حيث المشاكل عموما حيث اني سمعت ان السكودا الفيليشيا كثيرا ما تسخن و تحتاج تغيير وش سيلندر

**ahmedsrs** · 30-03-2008 08:12 PM

انا ركبت العربيتين وممكن اجاوب من واقع خبرتى
العربيتين هما سكودا فيفورت موديل 94 والثانية لادا 2105 موديل 87
1- من حيث ثقل الدركسيون الادا دركسيون اثقل
2- من حيث ثقل الدوسات الآدا اثقل كتير لما كنت بسافر بيها كنت بحس فى اخر المشوار بكرمبات خصوصا لو مشوار فى زحمة القاهرة
3- من حيث خشونة الفتيس الأثنين متقاربين فى الموضوع ده
4- من حيث الأعطال والمشاكل الفليشيل قطع غيارها معمرة اكثر بس اغلى الأدا العكس بس السكودا فعلا فيها مشكلة السخونة دى وتقريبا سبب معظم اعطالها بسبب السخونة
5- الأثنين صاجهم ثقيل
6- السكودا شكل احسن وتابلوه احسن
7- اعادة البيع فى الأثنين معقولة
8- صوت الأت جر الأدا مسموعة
9- صوت بلية الدبرياش فى السكودا تعملك صداع

**thegoodhacker** · 30-03-2008 09:15 PM

الف شكر علي الرد الوافي

**Chicco** · 30-03-2008 10:23 PM

بص يا سيدي الفاضل أنا برضه سوقت العربيتين
عربيتي كانت فليشيا مو ٩٥ و عربية حماتي كانت لادا مو ٨٤ فطبعا كان فيه فرق جامد لصالح السكودا
الدركسيون و الفتيس و الدواسات و وضعية القيادة و السحب و إستهلاك البنزين و التابلوه و أماكن التخزين الداخلية كلها لصالح فيليشيا......
الصاج متقارب لكن الشنطة لصالح لادا
عيب الفيلشيا فعلا السخونة لكن فيه تعديلات بتتعمل في العربية بتعالج المشكلة ديه