تعالوا نعرف ايه هي (البارات او الشدادات او التقويات و الدعامات) وكيفية عملها

اقتباس:

---

المشاركة الأصلية كتبت بواسطة ahmod

عليك نور يا باشمهندس

انا عارف ان الشدادت مفيدة وبتحسن الاداء والثبات

بس الفكرة كلها ان اي شداد بيترواح سعره مابين 300 الى 500 جنيه كحد اقصى

لكن ان يكون فيه شداد واحد فقط سعره ب 970 جنيه !! يعني مع التركيب 1000 جنيه !! ؟

هل في المقابل هاخد اداء يستاهل اني ادفع عليه 1000 جنيه ؟؟ وده يعادل تقريبا تمن سوست اسبور ؟؟؟

ده اللى انا بفكر فيه حاليا :allo::allo:

انا كلمت عادل وجدي وسالته لقيت عنده سوست للياريس مش فاكر نوع ايه بصراحة !! تقريبا حاجة كدة اسمها sport سعرها 950 جنيه يعني ارخص من الشداد !!!

لما سالته على المقارنة قالي الشداد هيديلك اداء افضل من اللى هتاخده من السوست !! وانا بصراحة مش قادر اصدقه :grrrr:

ولو الارتفاع عن الارض امر محلول !! بالنسبة مثلا لعربية زي الياريس فهي عاليا جدا فالسوست مش هتنزلها للدرجة اللى تخليها تحك دي حاجة انا واثق منها !!

فهل فعلا فيه خوف ان المساعدين تضرب بدري مع السوست الاسبور ؟؟؟ وطبعا العفشة هتنشف بكتير !! ؟:grrrr:

---

كلام من الاخر هات سوست اسبور ايباخ المانى و ركبها و ادعيلى .
او تجيب عفشه اسبور
و بعد كده تبقى تركب البارات .
انا و الله بقول يا ريتنى كنت جبت عفشه اسبور بدل البارات .
البارات جبتها ب 3000 جنيه تقريبا و العفشه الاسبور سوست و مساعدين من 4500 جنيه و انت طالع لحد 9000 حسب النوع .
و بتعلى و توطى و تنشف و تنعم و قشطه

موضوع اكثر من رائع

جامد اوى الحوار ده بس هل ينفع يتعمل فى الفيات 128 ولا ملوش لازمة ؟؟

ينفع

MMamdouh

كنت بفكر اعمله بس مش عارف اسعار البارات دى ايه وبتتباع فيه ومتهيألى هما 3 بارات ( شدادات ) واحد بيركب قدام يمسك الشاسيه وواحد تانى فى الشنطة وفى واحد تانى فى نص العربية من تحت بس ده مش عارف بيتربط ولا بيتلحم ؟؟

اقتباس:

---

المشاركة الأصلية كتبت بواسطة sam4ever2010

كنت بفكر اعمله بس مش عارف اسعار البارات دى ايه وبتتباع فيه ومتهيألى هما 3 بارات ( شدادات ) واحد بيركب قدام يمسك الشاسيه وواحد تانى فى الشنطة وفى واحد تانى فى نص العربية من تحت بس ده مش عارف بيتربط ولا بيتلحم ؟؟

---

كله بيعتمد ع حسب العربية و الطقم اللي نازل ليها و عادل وجدي في الحرفيين الافضل تساله هتلاقي الاسعار و البارات عنده حتي لو مفيش لعربيتك ممكن يولف من عربية تانية او عمولة

عايزين السعر والمكان الموضوع مش من الزمان ممتاااااااااااااااااااااا ااااااااااز

اقتباس:

---

المشاركة الأصلية كتبت بواسطة shawke hamed

عايزين السعر والمكان الموضوع مش من الزمان ممتاااااااااااااااااااااا ااااااااااز

---

الاسعار حسب العربية و عدد البارات
اكتر ناس هتلاقي عندهم عادل وجدي في الحرفيين و ارابكوم في جنب سيتي ستارز و اعتقد حمادة غازي عنده

بسم الله ماشاء الله
تسلم عالتحليل الرائع
و التفاصيل الممتازة
ربنا يوفقك و يحفظك

السلام عليكم ممكن بعد ازنك اعرف اجيب منين لدعامات او التقويات ديت وسعرها عامل كام