لما توقف اشارة بعربيتك اقفل ازازك كله

**sara2001** · 31-12-2010 10:31 PM

تصرف يحرق الدم
فداك وربنا يعوض عليك
وانا بتعلم السواقه طفل بيشحت اتشعلق في شباك العربيه
اليمين وانا ماشيه بطيء في زحمه ومش راضي ينزل خالص
واعصابي تعبت منه جداً كنت خايفه يقع او يتخبط في العربيه اللي ورايا
النهارده وقفت ثواني اعدل المرايا اليمين وكنت سايبه شباكي مفتوح
فوجئت بكرتونة واحد من الباعه الجائلين على الشباك
وبنفس طريقة اصرار والحاح المتسولين مش راضي يسيبني امشي
من غير ما اشتري تكلمه بالذوق مش نافع لو سمحت مش عايزه
من فضلك عايزه امشي ...... مفيش فايده
خلاص هتحرك بالعربيه ......... ما سابنيش غير لما اشتريت منه

**Karim_Monir** · 01-01-2011 03:14 AM

من اغرب الشحاتين واحد في جسر السويس عند الجراج
لازم يخبطلك على العربية خبطة مقرفة وهو زي الشحط
وماسك في ايده شوية جنيهات عملة مش اقل من 7 ولا 8
ويقولك اديني
طب انت ماسكهم ليه وبتخبط على العربية ليه يا ابن التيت
كل مرة اقول انزل اضربه يكون حظه معايا تليفون

**shaddadfalcon1** · 01-01-2011 06:28 AM

البلد بقت مليانه قرف
لسه مراتي حكيالي موقف حصل مع اخت واحده من اهل زوج اختي
كانت واحده متزوجه وفضلت 10 سنين كل ماتحمل الجنين يموت في بداية الحمل لحد ماربنا كرمها والحمل ثبت وجه معاد الولاده وكانت رايحه تكشف ومرضيتش تخلي زوجها ياخد اجازه من الشغل وراحت لوحدها
لقت توكتوك ركبته واخدها في مكان بعيد وطلعو عليها 3 اغتصبوها لحد ماالجنين مات

ساعتها لقيت مراتي بتقولي الحمد لله اني مكنتش في الشقه لمااتسرقت - تغور الشقه باللي فيها

الحمد لله انك سليم وانك فعلا منزلتش من عربيتك لان دي ممكن تكون طريقه جديده للسرقه

البلد بقي حالها صعب والسرقه انتشرت جدا حتي في الفلاحين عندنا

لسه قريب خالص عصابه اخدت عربيه نص نقل بالنهار من صاحبها ولما مراته حاولت تمنعهم قتلوها واخدو العربيه ومشيو قابلو جرار زراعي اخدوه برده وعلي حظهم ا لسيء قابلو كراكه في الطريق وحاول يعملو معاه الدنيئه بس الراجل ظبطهم بالجروف لحد ماالناس طلعت عليهم

**A.Saad** · 01-01-2011 08:44 AM

المشاركة الأصلية كتبت بواسطة karim_monir

من اغرب الشحاتين واحد في جسر السويس عند الجراج
لازم يخبطلك على العربية خبطة مقرفة وهو زي الشحط
وماسك في ايده شوية جنيهات عملة مش اقل من 7 ولا 8
ويقولك اديني
طب انت ماسكهم ليه وبتخبط على العربية ليه يا ابن التيت
كل مرة اقول انزل اضربه يكون حظه معايا تليفون

المرة الجاية اول ما تركب
اعمل انسر ماشين
بضرب الشحات الكداب
برجاء الاتصال لاحقاً