يا جماعة تيل الفرامل بيتغير بعد كام كيلو

السلام عليكم

ده اول مشاركة ليا ياجماعة معاكم وكنت عايز استفسر عن حاجة كده هو تيل الفرامل بيتغير بعد كام كيلومتر

وشكرا لكم جميعا

هو بيتغير حسب الاستخدام
لما يخلص يعنى

طيب انا كنت عايز اعرف هو ليه كيلو متر معين ولا ايه عشتن انا عامل 37 الف كيلومتر فكنت عايز اغيره دلوقتي ولا امتي

هو ملوش رقم معين ولا حاجه
بس المعظم "زى معرفت دلوقتى" بيغيره على ال30
لو انت عارف أن سواقتك مفهاش كبس
يبقى ممكن يعد معاك للمده دى فعلا
لو أنت عارف أنك بتكبس وتحرق وتكبس وكده
يبقى حاول تبص عليه

العادي بيكون في حدود ال 30 ألف

بص على الموضوع دة

http://www.nilemotors.net/Nile/192976-a.html

انا في صيانه ال 30000 قالي احنا قربنا يعني ان شاء الله هغيرة قريب اوي في 40000 و هوه طبعا حسب اسلوب سواقتك

مشكورين انا انشاء الله هغيروا في 40000

اقتباس:

---

المشاركة الأصلية كتبت بواسطة night_phoenix

انا في صيانه ال 30000 قالي احنا قربنا يعني ان شاء الله هغيرة قريب اوي في 40000 و هوه طبعا حسب اسلوب سواقتك

---

:O_stupid[1]::brn::brn:

السلام عليكم
للامان لازم تروح تشيك عليه طبعا لان دى اهم حاجه ,و متوفرش فيها مش خساره
متوسط التيل 30 الف و بيكون فيه شويه لكن مش مهم سلامتك اهم
انا شفت واحد سابه لحد 57 الف و راح يعمل صيانه لانه حس بحاجه كده مش طبيعيه فى الفرامل بتعمل صوت كده و انا كنت معاه فى المركز
و الحمد لله انه راح دى كانت اتكلت و خلاص كانت هتعمل ريجه فى الطنابير و تبوظها و المهندس قاله انت حظك حلو انها اتلحقت يدوبك ,
و صاحب العربيه لما المهندس ساله على انه بيدوس فرامل كتير و الا لا و جامد و الا اه :
قاله لا انه بيدوس قليل جدا و عمره ما كبس فرامل و ان مشيه بالعربيه معتدل و مبيجريش و عشان كده مبيحتجش يدوس فرامل كتير
و ربنا سترها معاه و الحمد لله
فتجنبا للقصص دى غير تيلك بدرى على ال 30 حتى لو سليم او فيه شويه او حسب تقديرك او حسب استعمالك
و يا ريت اكون افدت حضرتك و مطولتش عليك
و السلام ختام

شكرا يا موحا وانشاء الله هغيروا في 40000