لما تيجى تشترى قطعة غيار للعربية بتعمل ايه عشان مينضحكش عليك ؟
لما البائع بيقولك دى سعرها كذا هل بتشترى علطول ولا بتفاصل فيها ؟
ولما بتفاصل بتعرف اخرك فى الفصال لغاية فين ولا انت بتضرب رقم كدا وخلاص ؟
ولما تسال البائع عن جهة الصنع تلاقيه يقولك المانى تبص على العلبة من برة مكتوب عليها المانى فعلا لكن القطعة نفسها مش محفور عليها او مكتوبة بحروف بارزة جهة الصنع ممكن اخرها تلاقيها مطبوع عليها بالحبر فقط ودا سهل اى حد يقدر يعمله وانت محتاج للقطعة دى بس مش عاجبك سعرها هل تقوله ان دى مش المانى وانا عارف انها مش اصلى وانا عاوزها بسعر كذا لانها مش اصلى ولا بتعمل ايه؟
لما بتشترى حاجات منه وبتبقى عاوز فاتورة عشان اضمن حقى يكتبلك فاتورة بكل سلاسة ويختمهالك لكن لما تبص على الختم تلاقيه مكتوب خالص مع الشكر مش ختم المحل بتعمل ايه ؟ هل بتصر على استلامك للفاتورة ولا بتطنش على اساس ممكن يقولك دا اللى عندى ولو مش عاجبك هات الحاجات ؟
سبب الاسئلة دى ان عربيتى فيات 132 وله قطع غيار كتير مضروب ومش عارف اتصرف ازاى!
هل معدل المضروب للعربيات الحديثة مثل القديم ولا ممكن تلاقى الحاجات الاصلى والمضروب وكله بتمنه ؟
ياريت اللى عنده خبرة يقولنا بيتصرف ازاى عشان ابقى اعرف اتصرف
خاصة ان معاملاتى بتبقى دوغرى ومش بتاع لف ولا دوران وبكره اوى نظام السعر الاولانى اللى بيحطه التاجر عشان تفضل تفاصل :I_angr1[1]: